-->

 




روايه صفقه على مطلقه 


الجزء الرابع


الكاتبه // كوكى سامح


وزاهر لمس جسمها وحس قد هى رقيقه وهى فى


حضنه وقال عارفه الحلم ده هو اللى قربنى منك 


من يوم ما شوفتك وانا هتجنن بحبك يا زهره 


زهره.. انت بتعمل ايه لا لا انا مش كده 


زاهر.. يعنى ايه مش كده ده حب وده الطبيعى


انك تكونى فى حضنى على طول


وقامت زهره من حضنه وقالت :


.. انا عاوزه أمشى بس حاسه بدوخه مش عارفه ليه!


.. الخوف يا زهره ما هو اللى حصل مع عمى مش سهل 


.. ليه بتفكرنى انا مضايقه اوى منه وانت نقذتنى من ايده بس انا زعلانه علشان خسرت الشغل بس الحمد لله 


.. لا لا خالص الصبح تعالى الشركه عادى ده عمى 


منسى كان شارب ومش حاسس بحاجه 


بس عاوز أسألك فى حاجه 


.. ايه هى ؟


.. لما كنتى مع عمى فى مكتبه حصل بينكم حاجه؟ 


.. حاجه زى ايه مش فاهمه؟ 


.. من الاخر عمى فتح اللمبة الحمرا وانتى كنتى 


جوه علشان كده بسألك


.. كلة اللى قاله على السهره وحتى لما سألته نظام 


الشغل قالى استاذ وائل هو المسؤل عن كل حاجه

هو ده اللى حصل 


زاهر شد زهره عليه وقال 


بحبك بحبك بحبك 


زهره مستغربه من حبه المفاجأ ومشاعرها 


متلغبطه ما بين فرح وخوف 


يا بنتى بحبك والله العظيم بحبك 


.. بتحبنى انا معقول وفى يومين وبعدين انت ابن 


ناس وغنى وانا بنت من طبقه تحت المتوسطه 


صدقنى مش هكون مناسبه ليك خالص


.. على فكره بقى انا مش غنى زى ما انتى متخيله 


انا شاب كونت نفسى بنفسى وبشتغل عند عمى 


زيك بالظبط وباخد مرتب زى اى حد فى الشركه 


وبعدين يا ستى ما غنى الا الله 


اما الشقه بتاعه بابا وماما الله يرحمهم وان شاء 


الله هتجوز فيها والعربيه بدفع قسطها 


بس المرتب اللى باخده كويس والحمد لله ماشيه 


زى الفل انما عمى دى فلوس مراته وهو بيشغلها 


لحد ما الشركه كبرت يعنى احنا ناس عاديه 

جدا 


زهره قالت فى سرها انا كمان بحبك مش عارفه 


ليه وحصل امتى بس انا جاية الشركه فى صفقه 


ولازم تتم ووصل المعلومات ل عادل بيه 


وأتت لو عرفت هتزعل منى يا زاهر لأنى فى نظرك هكون خاينه وساعتها هتكرهنى 😢


زاهر.. زهره زهره يا بنتى مالك بتفكرى فى ايه؟ 


زهره.. انا عاوزه اغير الفستان ممكن 


زاهر بصلها اوى وقام وفتح الدولاب وقالها تختار


اللى هى عاوزاه 


زهره شاورت على فستان اسود 


وقربت منه وخدته وبعدت عن زاهر وهى ماسكه 


جسمها 


زاهر.. انتى خايفه منى ليه هو الحب بيخوف 


زهره.. الطبيعى انك راجل غريب وانا فى شقتك 


لازم اخاف وخصوصا بعد اللى حصل بينا 


زاهر.. حصل ايه بينا ايه ها ها 


زهره قربت من السرير وقعدت عليه وبتمثل حصل 


ايه وبكل سذاجه قالت تعالى يا زاهر 


قرب منها وقعد جمبها 


وهى شدته عليها وهو مستغرب ومبتسم 


وقالت انت حضتنتى كده وحضنته جامد 


هو فرحان ومبتسم من حضنها لى وقالها وبعدين 


عملت ايه؟ ها ها 


حضنته جامد وقربت شفايفها من شفايفه وقالت 


انت كنت هتبوسنى 


راح قالها كده وابتدى يبوسها وهى مستسلمه 


لحضنه ومبسوطه 


زهره.. يخربيتك ايه ده لا لا انا مش كده 


وقامت من حضنه 


زاهر قعد يضحك وهى كمان بصتله وضحكت على 


ضحكته وقال يمتنعن وهن راغبات


قام خرج بره وقفل الباب وقالها البسى الفستان 


انا مستنى بره... 


زهره مبسوطه وهتتجن من زاهر وحنيته عليها 


وغيرت الفستان وضلفه الدولاب كانت مفتوحه 


قربت علشان تقفلها وشافت فيها علبه مجوهرات


شكلها قديم وملفته مسكتها وقالت : 


انا هفتحها اشوف فيها ايه؟ 


وخدتها وقعدت على السرير وفتحتها ولقت فيها


ورق قديم وصور قديمه ومفتاح وفضلت تقلب 


فيها وفجأه شافت ورقه مطبقه زى الحجاب 


وفتحتها وكان فيها كلمتين مش اكتر 


انا خلاص قتلت ولاء يا ماما ولسه منسى 


قالت : مين اللى قتل ومين ولاء دى؟! 


بس انا سمعت الاسم ده قبل كده 


ده اسم ولاء بنت منسى معقول زاهر قتل ولاء 


طيب ليه ده قال انها كانت خطيبته وبيحبها؟ 


وبعدين ده كمان بيقول هيقتل منسى! 


الباب بيخبط وكان زاهر وقال خلاص يا زهره 


هى اتلغبطت وقفلت العلبه بسرعه 


ايوه خلاص اهو انا خارجه ثوانى بس؟ 


خرجت زهره وكانت زى القمر 


زاهر.. يخربيت جمالك انتى حلوه اوى 


هى مرعوبه من اللى شافته وعرفته انه قاتل بنت 


عمه وهيقتل عمه وكانت خايفه منه اوى 


قرب منها وخدها فى حضنه وقال انا بحبك اوى


وبحب كل تفصيله فيكى كلك على بعضك كده 


انا بعشقك مش بحبك بس 


زهره مرتبكه وخايفه وبعدت عنه 


انتى مكسوفه منى ولا خايفه 


.. انا عاوزه أمشى دلوقتى ماما تلاقيها قلقت عليه


زاهر مسك ايدها وخدها ونزلوا ولما ركبوا العربية 


قعد يتكلم معاها وهى مستمعه فقط 


فى ڤيلا رجاء... 


.. يا ماما انا بحبها وعاوز اتجوزها 


.. تتجوز مين حته بت شغاله عندنا لأ انا برفض 


وبشده وبقولك اهو لو اتكلمت معاها تانى انا 


هطردها بره الشركه خالص 


.. هى مشيت يا ماما خلاص ارتاحى بقى 


.. ايه يا ولد الأسلوب انا امك اللى... 


.. عارف اللى ربتك وشقيت وتعبت ومتجوزتش 


وعاشت علشانى يا ماما كل ده انا عارفه ومقدر يا 


ست الكل بس انا بحب زهره ده البنت حلوه ومؤدبه وزى القمر 


.. بس فقيره ومطلقه وبعدين يعنى ايه جميله 


تقدر تقولى هى بنت مين واصلها ايه! 


.. ماما بنت مين والحوارات دى كانت زمان إنما 


دلوقتى البنت بقت بأدبها وشهادتها 


.. كلمه واحده لأ يعنى لأ 


.. حاضر يا ماما 


عادل قاعد بيسمع حوارهم 


رجاء.. ايه يا عادل مش ده ابن اختك ولا ايه 

ما تنصحه وتتكلم معاااه


عادل.. فى ايه بالظبط؟ 


رجاء.. انت عامل من بنها بقى 


عادل.. من بنها هههههههههه


سامع كل حاجه يا ستى بس الولد مش صغير 

دلوقت مش زى زمان 


رجاء.. بجد يا حج عادل هه هه هه هه ايه الحنيه 


دى هو انت معايا ولا معاه اوعى يكون قصدك اللى 


فى بالى انه يتجوز البت اللى اسمها زهرة 


وبعدين مالك كده بتبصلى من فوق لتحت 


انا مش قاسيه على ابنى انا سمعت كلامك انت لما 


المرحوم ماااااات انا فاكره اليوم ده كويس 


كنت منهاره وانت قولتلى انا اخوكى سندك 


وملناش غير بعض ولازم تسيطرى على أحمد 


وميخرجش من تحت طوعك 


وقالت وهى متعصبه مش انت قولت كده 


عادل.. بالراحه الولد يسمع انتى فهمتى غلط 


معقول انا أوافق ان احمد يتجوز زهره الكول سنتر

دى مش من مستوانا يا بنت سواق الكارو قصدى


يا بنت البهوووات 


قربت منه وقالت بكل غيظ ووطت صوتها وبتجز على اسنانها


سواق الكارو ده ابوك اللى انت رميته فى دار مسنين ومستعر منه مش انا يا عادل يا ابن ابويا 


عادل.. انتى طالبه معاكى نكد وانا بقى ورايا شغل 


كبير بعدين نتكلم انا هطلع انام دلوقتى وياريت 

مش عاوز قلق وسابها ومشى ورجع وقال 


رجاء موضوع زهره لو احمد اتكلم فيه بلاش ترفضى مبدئياً وانا هتصرف


وطلع على اوضته 


رجاء هتتجنن من كلامه وبتكلم نفسها 


هى مين البت دى اللى واكله عقول الرجاله 


ده عادل اللى مش بيعجبه العجب ناوى على نيه 


بس يا خوفى لا يكون عاوز يجوزها لأحمد 


ده انا تعبت فى تربيته وشقيت لحد ما بقى 


راجل ومعاه أعلى الشهادات بس قسماً برب العزه


اموتها بإيدى لو ده حصل 


زاهر وقف بالعربيه مكان ما زهره قالت 


.. انتى ساكنه هنا يا زهره 


.. ايوه ساكنه هنا 


.. مالك شكلك متغير هو انا عملت حاجه زعلتك 


.. لا بالعكس انت كنت كويس معايا جدا 


ده كفايه جميلك ده دين فى رقبتى 


مسك ايدها وقال 


بكره هستناكى فى الشركه اوعى تتأخرى مش 


هفطر غير لما اشوفك قدامى 


.. بس انا خايفه منسى بيه يطردنى او يعمل كده تانى 


.. ده كان شارب طينه وبعدين اللى يقرب منك 


انا اموته انا ضهرك وسندك يا حبيبتى 


انا اتخلقت فى الدنيا دى علشانك انتى وبس ❤️


زهره قالت فى سرها فعلا مش بالكلام 


ده انت قتلت بنت عمك يعنى مالكش خير فى 


اهلك هيبقى ليك خير فيه بس انا لازم 


اعمل نفسى مصدقاك وخلاص علشان تبعد عنى 


لحد بس ما اخلص مهمتى فى الشركه 

وقال ايه كنت هقع على جذور رقبتى واحبك 


زاهر عينه عليها وشايف انها سرحانه وقال 


.. حبيبتى فى حاجه 


.. مفيش انا بس بفكر لو ماما سألتنى غيرت الفستان فين 


.. سهله قوليلها اشتريته 


.. عندك حق 


شاب كان معدى من قدامهم وقال 


فى حاجه يا زهره 


رددت وقالت لا يا وديع مفيش تسلم 


زاهر.. هو مين ده؟ 


زهره.. ده واحد جارنا 


زاهر.. اممم انا كده اطمنت عليكى بس ده 


ميمنعش انى ضهرك وسندك 


زهره.. اتمنى تكون كده زى ما بتقول


زاهر.. الايام هتثبتلك كلامى 


زهره.. سلام بكره ان شاء الله ميعادنا فى الشغل


زاهر ركب عربيته وودع زهرة ومشى 


زهره مشيت لحد بيتها وكل تفكيرها فى زاهر


ولما وصلت طلعت الشقه شمت ريحه غاز جامده 


استغربت واتخضت وفتحت الباب بسرعه 


ولما دخلت اتخنقت وبقت تصرخ وتقول 


ماما اخواتى وتنادى عليهم اسم اسم 


مها.. ايمان.. محمد.. ماما.. ماما 


وداست برجليها على اختها ووطت فى الأرض 


ومسكتها وقالت ايمان فوقى مالك 


الغاز ريحته بتخنق اكتر وهى بدوخ وبتتخنق


 جريت على المطبخ بسرررعه


تشوف محبس الغاز شافت امها مرميه على الأرض  ومخنوقه..... 


يتبع 


علقوا ب 20 ملصق علشان يوصلك اشعار الجزء الخامس بسررعه 


الجزء الاول من روايه صفقه على مطلقه اضغط هنا👉


الجزء الثانى من روايه صفقه على مطلقه اضغط هنا👉


الجزء الثالث من روايه صفقه على مطلقه الجزء الثالث 👉














 











.


الكاتبه كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم : رواية صفقه علي مطلقه