-->

روايه اختى فى ورطه الجزء الثالث عشر والرابع عشر والاخيره







روايه روايه اختى فى ورطه 




الجزء الثالث عشر والرابع عشر والاخيره 





الكاتبه // كوكى سامح






.. عامر قال ان باسل مخنوف ومرمى فالطريق الصحرواى رددت اسماء وقالت لا مش معقول وأثار اغمى عليها من الصدمه قام جرى عليها وحاول يفوقها

اسماء..مالك ملهوف كده دى مغمى عليها مش ميته

.. انتى انسانه مش بتحسى دى اختك الوحيده هاتى برفان بسرعه

الشغاله.. ايه ده فى ايه يا استاذ عامر

.. زى ما انتى شايفه هاتى مياه بسرعه

.. وابتدت آثار تفوق وكل اللى بتقولوا باسل مات مات اققول لماما ايه يا عامر

.. ده قضاء الله يا حبيبتى وده عمره

.. لأ مش قضاء الله ده مخنوق يعنى اخويا اتقتل بس ليه وازاى ومين اللى قتله عاوزاك تعمل اللازم بس المهم لازم ماما تعرف 😭

.. انا من رأيى بلاش دلوقتى 

.. ازاى ده ابنها الوحيد سندها فى الدنيا انت مش متخيل

اسماء.. البرفان اهو ايه ده انتى فوقتى وابتدت تعيط على عياط آثار 

الشغاله.. المياه يا دكتور عامر

عامر.. اشربى يا حبيبتى

.. وأسماء واقفه وفى عينها دموع وبتبص بخباثه على عامر وأثار وقالت فى سرها انا لازم افوق سى زفت عامر ده ويعرف اللى عمله معايا

.. تليفون آثار رن وكانت الام

عامر.. انا هرد عليها

.. ورد عليها وقالها ان عاوزها فى موضوع مهم وكمان آثار تعبانه شويه وقفل معاها

عامر.. يا جماعه لازم نتحرك ونروح المشرحه ونشوف هنعمل ايه

آثار.. يا حبيبى يا باسل ربنا يرحمك يا نور عين اختك 😭

عامر.. اتفضلوا غيروا هدومكم وانا هروح اجيب طنط وهسبق على هناك وفعلا عامر خرج من الڤيلا وراح لحماته يقولها ع خبر قتل باسل وهياخدها ع المشرحه علشان تشوفوا لآخر مره فى حياتها..

.. تليفون اسماء رن ورددت وقالت مش دلوقتى مش دلوقتى سلام

اثار.. مين يا اسماء

.. واحده صاحبتى

.. صاحبتك مين ؟

.. انتى هتحققى معايا يا آثار مش كفايه اللى احنا فى يا حبيبى يا باسل

الشغاله.. مدام انا النهارده هروح شقتى علشان ولدتى عندى والبقاء لله وحده

آثار.. ونعم بالله بس ياريت متتأخريش علينا الصبح

اسماء.. انا جهزت يا آثار

آثار.. اوك يلا

.. وخرجوا مع بعض وراحوا المشرحه وكانت الام وصلت مع عامر ومنهاره لما شافت باسل ومش مصدقه نفسها

الام.. العوض عندك يارب

آثار.. اه يا ماما اخويا راح خلاص 😭

اسماء.. ربنا يرحمك يا حبيبى

عامر.. تعالى يا آثار عاوزك فى تحقيق هيحصل وليله ولازم ناخد تصريح من النيابه بالدفن دى حاجه مش سهله

آثار.. المهم يدفن ونكرمه يا عامر ارجوك اتصرف

عامر.. هكلم الظابط طاهر صاحبى وهو هيكون معانا ومتقلقيش 

.. وبعد مرور اسبوع والتحقيق شغال فى مقتل باسل والجثه فى المشرحه والام وأثار فى حاله انهيار

آثار.. انا خايفه على ماما اوى دى مش بتاكل خالص وهتتجنن علشان باسل يدفن يا عامر ياريت تكلم المحامى يتصرف

.. هو انا قصرت انا كل يوم والتانى فالنيابه بس عموما التحقيق شغال وربنا موجود وبكره ان شاء الله هروح انا والمحامى وهحاول اخد التصريح بالدفن 

.. ياريت يا عامر وبجد ربنا يخليك ليه على وقفتك معانا حبيبى معلش انا هنام النهارده مع ماما فى اوضتها 

.. خليكى جمبها انتى عارفه انها زى امى بالظبط بس ابقى تابعى معاها الضغط واديها البرشامه عالريق 

.. حاضر يا حبيبى انا هطلع انام عاوز حاجه تصبح ع خير 

.. وانتى من اهله يا حبيبتى 

.. وأثار طلعت تنام وعامر دخل المكتب بتاعه وقعد يشوف شويه شغل وجاله رساله ع الواتس ومسك الفون وفتحها وكانت فيديو وقال ايه ده انا وأسماء وكمان فى اوضتى والله انا مش فاهم حاجه انا مش عارف هى عاوزه ايه منى 

.. وقام طلع على اوضته وفتح باب اوضته وكانت اسماء نايمه ع السرير 

عامر.. ايه اللى جابك هنا يا اسماء🤔

= وقامت اسماء وقالت انت متعرفش انك ملكى انا وبس 

.. انتى مجنونه وبعدين ايه الڤيديو ده وبعدين انا كل اللى فاكره انك كنت سكرانه وبأصرار منك خلتينى اشرب خمرا وده كل اللى فاكره إنما كل اللى فالفيديو ده مش فاكر منه حاجه انتى ارمله اخويا فاهمه مش اكتر من كده. 

.. اه بس كنت خطيبتك واكيد بتحبنى 

.. يلا اطلعى بره مش عاوز اشوف وشك فاهمه ده انتى حتى اخوكى لسه مدفنش ومحدش عارف مين اللى قتله انتى ايه شيطانه 

.. انا همشى بس ابقى خلى بالك علشان هتشوفنى كتير وموضوع اخويا ده هو اللى مسكتنى عنك. 

= وأسماء نزلت وعامر قعد يفكر مع نفسه ومش قادر يفتكر غير انه شرب خمرا بس ومش فاكر اى حاجه وقال لو آثار عرفت هتبقى مصيبه

وأسماء دخلت اوضتها وقعدت مع شهد بنتها وكانت مضايقه

.. وفى صباح اليوم التالى عامر خد محامى وراح النيابه والمحامى خد تصريح بدفن جثه باسل وطبعا بعد ما القضيه اتقيدت ضد مجهول لان بالتحقيق معاهم اثبت ان باسل كان مع صاحبه وسابه وقاله انه رايح ڤيله اخته والكل قال ان محدش شافه حتى الشغاله والطباخ وكمان القاتل سرق موبايله وفلوسه وساعه فى ايده وكانت ماركه معروفه وغاليه وكانت هديه من عامر يوم عيد ميلاده يعنى قتل بقصد السرقه واتقيدت ضد مجهول وعامر بلغ الام وأثار وأسماء وابتدت مراسم دفن باسل وادفن فى مدافن العائله

.. وبعد مرور اسبوعين وطبعا اسماء مش سايبه عامر فى حاله وفى يوم آثار كانت بره البيت والام نايمه دخلت على عامر وقالت إنها حامل

عامر.. حامل منى انا؟!

اسماء.. ايه شوفت سبحان الله هجبلك ولد او بنت ربنا عوضك يا حبيبى

.. انتى فعلا مجنونه

.. لا بحبك وابنى اللى فى بطنى ابنك وحته منك

.. طيب طيب بعدين علشان آثار جت

.. تليفون اسماء رن ورددت بلهفه وجريت على اوضتها

عامر.. هى مالها كده ويا ترى هيكون مين المهم اللى بيكلمها عموما انا مالى خلينى فالمصيبه اللى بتقول عليها

آثار.. حبيبى بعد عزاء باسل انا حاسه ان اسماء فيها حاجه

.. معرفش

.. وبعدين شكلها متلغبطه اوى

.. انا تعبان وراجع من المستشفى وفوق دماغى هم الدنيا والاخره

.. عاوزه اقولك حاجه يا عامر

.. قولى يا قلبى

.. انا مضايقه ان قضيه باسل اتقيدت ضد مجهول

.. وبعدين يا اثارصدقينى حقه عند ربنا انا طالع انام مش قادر 

وفعلا طلع وهو طالع راح طلع الدور التانى علشان يدخل اوضه الأطفال وفعلا دخل وفضل يعيط ولما خرج سمع اسماء بتتكلم مع واحد فالتليفون وبتقول بكره هتصل بيك وهتصرف فى فلوس بس عامر مش فى باله وقال البنت دى مش طبيعيه وطلع على اوضته

.. وفى صباح اليوم التالى وكان الساعه 7 الصبح دخل ع اسماء اوضتها وقامت مفزوعه وقالها تعمل اختبار حمل قدامه رددت وقالت ازاى رد وقالها النهارده هستناكى فالمستشفى الساعه 7 بالليل وفعلا اسماء راحت المستشفى وعامر اخدها وراحوا معمل تحاليل ولما النتيجه ظهرت كانت ايجابيه وهى طارت من الفرحه وقالت لعامر كده بقى ربنا يعوضك بدل آثار اللى مبتخلفش

.. يلا على البيت وقال فى سره اسماء وراها حاجه بس مش عارف ايه هى المهم انها حامل بجد..

.. تليفون عامر رن وكان احمد صاحبه بيعزمه على فرح واحد صاحبهم بس هو رفض علشان عنده حالتين وفاه ومن ضمنهم جريمه قتل بس احمد الح عليه..

آثار.. عامر وأسماء مع بعض خير فى حاجه انا اتخضيت لما شوفتكوا

عامر.. بعدين يا آثار

اسماء قالت فى سرها بكره تخرجى من هنا ي آثار زى الكلبه

.. وبعد مرور اسبوع وكان يوم الخميس ميعاد الفرح وعامر طلب من آثار تروح معاه تحاول تخرج من الحزن رددت وقالت مش هقدر ماما كل يوم بتتعب اكتر ومش عارفه هعمل ايه رد وقالها هنقلها احسن مستشفى رددت وقالت ياريت لأنها تعبانه اوى

آثار.. روح الفرح انت يا حبيبى وفعلا عامر طلع غير هدومه ولبس بدله وراح الفرح..

اثار.. اسماء لو سمحت ياريت تخلى بالك من شهد شويه وكمان بلاش خروج انتى بتخرجى كتير اوى رددت وقالت بصوت عالى وانتى مالك فاكره نفسك واصى عليه ولا ايه وقالت فى سرها انا هوريكى يا كلبه.

.. تليفون آثار وكانت رساله واتس من رقم غريب ولما فتحته كان فيديو وكان فى اسماء وعامر فى حضن بعض اتخضت وقالت مش معقول ومهتمتش بالرقم بس قالت انتى يا اسماء رددت وقالت نعم يا اثار

آثار.. ايه ده 

اسماء.. تليفونك

.. بقولك ايه الفيديو ده رددت وقالت عامر ضحك عليه وصورنى وكمان انا حامل منه وكنت خايفه اقولك علشان هددنى

.. ههههههه هههههههه ههههههههه انتى حامل من عامر هههههه

.. بتضحكى على ايه بدل ما تقفى جمب اختك

.. اه أقف جمبك وانتى بتخربى بيتى وكمان بتلفقى لجوزى تهمه ههههههه ووطت صوتها وقالت هقولك ع سر بس اوعى تقولى لحد عامر مبيخلفش

.. كدابه كدابه

.. ورحمه باسل مبيخلفش وانا قولتلك كده علشان ميسمعش كلمه منك من واحده زيك تعبانه وكلامها سم

الام نزلت ع صوتهم وقالت مش قولتلك دى هتخرب بيتك يا آثار وانتى مسمعتيش كلامى

اسماء.. اه بقى انتوا الاتنين عليه ولا ايه انا حامل ومش هسيب حقى

الام.. عامر مش بيخلف وكلنا عارفين ويلا يا بنتى أمشى من هنا وربنا يسهلك بعيد عننا

اسماء.. مش همشى دى ڤيلتى وعامر هيبقى جوزى

.. عامر فالفرح وكان تعبان بسبب مشاكل اسماء وقال يا ترى الحمل ده من مين وفضل قاعد على ترابيزه وشاف صاحبه احمد ومعاه صاحبهم تامر وجه يسلم على عامر وقال

.. وحشتنى يا عامر بجد من وقت ما محمد مات الله يرحمه وانت حتى مبتسألش رد وقال انت ومحمد كنتوا أصحاب وكان طريقكم واحد إنما أنا لا انت ومحمد كانت حياتكم بنات وشرب وانا غيركم يا تامر

وفجأه عامر لمح فى ايده ساعه باسل وقاله ايه ده انت جبت الساعه دى منين رد وقال انا اشترتها قاله كداب

عامر.. عن اذنك يا احمد تعالى يا تامر بره القاعه

تامر.. ليه مش هطلع

.. وتليفون تامر رن بس مردش

وعامر مسك ايده وشده وخرج بيه بره القاعه وقاله انت عارف لو مقولتش الساعه دى جت منين هتروح فى داهيه دى ساعه اخو مراتى ده اتسرق واتقتل وخرج احمد لأن تامر مسك فى عامر وبين شد وجذب طلع يجرى بس عامر جرى وراه هو أحمد ومسكوه وعامر ركب عربيته وكان معاه احمد وكان ماسك تامر وقعدوا وقفلوا باب العربيه عليهم وكان احمد شاهد على كل حاجه وبعد ما عامر ضرب تامر ابتدى يتكلم ويقول

تامر.. انا هقولك ع كل حاجه كله بسببها من يوم ما محمد هرب معاها وهى كانت بترسم عليه انا كنت معاه يوم ما هربت من الفرح

عامر.. ايوه صح انا فاكر كويس يومها الأمن قال ان فى اتنين شباب كانوا معاها

.. انا اللى كنت معاهم بس شوفت فى عينها انها مش بتحب محمد ومع الوقت كانت عرفت ده من كلامه مكانش مرتاح معاها كان تعبان وكل يوم شكوى وفى يوم ما ولدت انا كنت معاهم فالمستشفى وكان محمد فى شغله وانا وقفت جمبها واليوم ده اعتبرت انى الراجل بتاعها واعترفت ليه بحبها وكل يوم كانت بتبهرنى بجمالها لحد ما جه اليوم وشافت صورتك انت وأثار عالفيس اتجننت وانت طقيت فى دماغها وكلمتنى واتفقت معاها ناخد محمد سكه علشان بس تتدخل الڤيلا وطبعا ده كان اتفاقنا مع بعض

عامر.. ومحمد ميعرفش حاجه

تامر.. لا هى فهمته انهم يعملوا خطه مع بعض وتقابل آثار وتاخد فلوس 400 الف علشان حد بيهددها بفيديو مش كويس بس بقى الموضوع اتغير بموت محمد ودخلت الڤيلا بطريقه سهله وانتوا اللى طلبتوا كده وهى قالت انتوا ساذحين اوى وهى اللى دبرت انها توقعك وقالت إنها هتتصرف من واحده صاحبتها فى خمرا وحبوب هلوسه 

عامر.. وانت متصرفتش ليه ده انت استاذ 

تامر.. مكانش ينفع علشان لو اتكشفت انا اكون بره الموضوع وتلبس انت حملها فى ابنى انا 

عامر.. هى حامل منك 

تامر.. اه علشان تلبسه انت وخصوصا لما عرفت ان آثار مش بتخلف 

عامر.. ازاى تعمل كده فى اختها دى شيطانه 

تامر.. اختها لا مش اختها 

عامر.. انت بتقول ايه 

تامر.. والله مش اختها انا اعرف انها بنت عمها وابوها وامها ماتوا فى حادثه وعمها اللى رباها ومحمد عرف ده عند المأذون بس كان عادى ما هو بيت عمها 

عامر.. اه اه بس آثار عمرها ما قالت حاجه عن الموضوع ده علشان كده فهمت ولما اتقدمت لاسماء فالأول محدش فهمنى 

تامر.. بقولك بنت عمها لزم يعنى بنتهم ومع الوقت كنت هتعرف 

عامر.. كمل الكلام الساعه دى جت فى ايدك ازاى 

تامر.. لاقيتها بتتصل بيه وقالت تعالى بسرعه وروحت وخبتنى فى اوضه النوم وقالت ليه اصورك فيديو وهى معاك وطبعا انتى شربت الخمرا وكان فيها حبوب هلوسه وانت مكنتش حاسس بحاجه وفجأه باسل جه وفتح الباب وانا كنت ورا الباب وشوفتوا وهى كمان وقالت باسل بس هو قال اسماء وعامر ونزل يجرى محستش بنفسى غير وانا وراه وخنقته بإيدى وسرقته علشان يقولوا سرقه وقتل ومحدش يعرف حاجه 

عامر.. بس الطباخ والشغاله قالوا ان باسل مجاش 

تامر.. انا هددتهم لو حد فتح بوقه بكلمه هيجنوا ع نفسهم ومضتهم على إيصالات امانه ب ٢ مليون جنيه وخدت باسل جثه ورميته فالطريق الصحرواى وأسماء كملت خطتها معاك 

عامر.. كلاب وانت كلب وخاين 

احمد.. يلا على القسم نسلمه هناك 

عامر.. هات الفيديو كده من عندك 

تامر.. الفيديو فى كارت ميمورى فالبيت 

.. عامر طار بالعربيه لحد ما وصل بيت تامر وطلع معاه وجاب الكارت الميمورى وشاف الفيديو 

عامر.. كنت واثق ان الفيديو مع أسماء ناقص 

تامر.. انا عملت مونتاج للفيديو اللى معاها 

عامر فتح الفيديو وشاف اسماء وشاف كل حاجه وشاف باسل وهو بيجرى 

احمد.. خلاص يلا نسلمه فالقسم ونخلص منه 

عامر.. ونخلص منها هى كمان وفعلا خدوا تامر وراحوا القسم وسلموه وتامر اعترف بكل حاجه والفيديو والساعه وكان الاعتراف سيد الأدله 

اسماء.. انتوا غيرانين منى طول عمركم بتعاملونى انى مش منكم 

آثار.. كدابه كلك كدب يا شيخه اتقى الله 

اسماء قعدت على الأرض وقالت لما ابويا وامى ماتوا فى حادثه لقيت نفسى فى بيت عمى وكان قاسى انا عارفه ان مرات عمى عمرها ما فرقت بينا لدرجه انى قولتلها يا ماما من اول ما حسيت فعلا انها زى امى 😭 بس عمى كان بيضربها ويهين فيها ويقولها اكسرى للبنت ضلع يطلع لها 24 ويشتم فيها لما اتعقدت وكرهت الرجاله بسببه 

آثار.. ما انا كنت زيك وكان بيضربنى برضه 

اسماء.. بس كان ابوكى 

آثار.. هههه ما هو عمك ولما كبر فالسن وحس اننا كبرنا وربنا هداه وبطل

اسماء.. بعد ايه بعد ما اتعقدت 😭 وكرهت كل الرجاله بسببه

الام.. روحى يا بنتى وابعدى من هنا خالص بعيد عن آثار سبيها تعيش حياتها

.. اسماء قامت ووقفت وقالت لا لا مش همشى

جرس الباب رن والشغاله فتحت وكان البوليس ومعاه عامر واحمد وتامر وأسماء اتخضت وقالت انا معملتش حاجه وانهارت

اثار.. ايه ده فى ايه يا عامر فى ايه يا حضرت الظابط

الظابط.. انتى اسماء رددت وقالت لا بس خير انطق يا عامر

الظابط.. اسماء متهمه بقتل ابن عمها باسل هى وتامر ومطلوب القبض عليها وعلى الشغاله والطباخ بتهمه تضليل النيابه والشهاده زور

الشغاله.. يا بيه هدددونى

آثار.. ايه قتل باسل

الام قامت وبعزم قوتها ورغم تعبها مسكت عكاز كان فى ايدها كانت بتمسكه لما تعبت ونزلت ضرب فى تامر وأسماء والبوليس قبض عليهم واتحولوا على النيابه واتحولت لقضيه كبيره واتحكم عليها بالإعدام هى وتامر واتحكم على الشغاله والطباخ ب 6 شهور بتهمه تضليل العداله بس هى هتتعدم بعد 9 شهور وده لظروف حملها وبعد مرور شهرين بعد حبسها نفسيتها وخوفها من الموت أثر عليها وسقطت وبالذات بعد ما عرفت ان تامر اتعدم وفى يوم قبل ما تتعدم آثار راحت لحد عندها علشان تشوف بنتها لآخر مره وقالت

.. انا عذبتك يا آثار انتى وبابا وماما مش هقولك غير حاجه واحده خلى بالك من بنتى وكلميها عنى بكل خير.. 

.. واتعدمت اسماء وقابلت رب كريم 

.. وبعد مرور سنه كان أول عيد ميلاد لشهد والجده وأثار وعامر بيحتفلوه بيه 

اثار.. مالك يا ماما 

الام.. انا بستعجب من الدنيا دى الناس بقت مسعوره على كل حاجه انا ربيت اسماء ع ايدى وعمرى ما فرقت بينها وبينكوا وقتلت اخوها اللى كان روحوا فيها 

آثار.. الله يرحمه هى خدت جزائها خلاص يا ماما 

عامر.. فى حاجه 

آثار.. لأ يا حبيبى بس ست الكل بتدلع علينا 

آثار مسكت ايد عامر وقالت انت خسرت اسماء يوم ما هربت وقولت الحياه انتهت 

عامر.. بس ربنا عوضنى بيكى 

آثار.. الموت خد مننا اعز احبابنا 

عامر.. بس ربنا كبير الموت بيبقى كبير فالأول علشان الفراق وبعد كده بيكون ذكرى 

آثار.. خد اخويا واخوك بس اختى قتلته علشان حقدها وكرهها لبابا 

عامر.. وخدت جزائها 

عامر.. وانا ربنا أراد انى مش بخلف وعندى عيب يمنعنى من الخلفه طول عمرى بس انتى كنتى صابره ورضيته بحكمه 

آثار.. شوفت حكمت ربنا اسماء هربت علشان شهد تنور حياتنا وتعوضنا هى فعلا ملهاش ذنب ومننا بنت اخوك وبنت اختى 

عامر.. وانا كنت مقهور لما اسماء، هربت وفعلا وعسى أن تكرهوا شيئا وهو خير لكم وعسى أن تحبوا شيئا وهو شرا لكم 

ا لام.. خودى شهد بتعيط 

آثار.. انا فرحانه يا ماما انتى اول مره تشيلى شهد 

الام.. ملهاش ذنب انا حزنى على ابنى فأنا احتسبته عند الله وان شاء الله انا من الصابرين لانه قال فى كتابه الكريم 

(( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ ))*😍

عامر.. ربنا يفرحنا ويعوضنا خير

آثار.. يارب

.. وبعد مرور سنين الجده اتوفت وشهد كبرت وأثار وعامر أحسنوا تربيتها وورثت من عامر مهنه الطب واصبحت دكتوره عظيمه يفتخر بيها كل اب وام وقابلت شاب زميلها واتجوزت وأثار وعامر أصبحوا جد وجده لتؤام ولد وبنت باسل وبسمه زى القمر 💞 والحب بينهم وطبعا مع مشاكل  بسيطه زى كل بيت بس كانت بالحب بتعدى وباسل وبسمه كانوا فرحه آثار وعامر وانتهت القصه 😍

لكل زوج وزوجه ياريت مشاكلكم بينكم بلاش ولادكم يتأثروا بيها لأنها فعلا بتأثر ع حياتهم وبيتعقدوا لو الأم شديده وعصبيه وبتعامل جوزها بالطريقه دى الولد بيتأثر ولما يتجوز يفتكر ان لما يتحكم فى مراته وانها مطلعش اللى جواها يبقى هو كده صح إنما العكس صحيح الزوجه بتنفر من الزوج وبتكرهه وده بيأدى لعواقب كبيره ونهايتها اولاد حقوده وبتغير من اصحابها ولو دخلوا بيوت اصحابهم يقولوا اشمعنى بيتنا احنا كده ياريت تعرفوا اللين فالمعامله بلاش القسوه

اما الزوج اللى بيضرب مراته وطبعا ده أكبر غلط ربك قال وجعلنا بينكم موده ورحمه عارفين معناها ايه الزواج سكن ورحمه قلب الزوج سكن للست وربنا مقالش حب قال موده ورحمه علشان العشره بتولد الحب يا الله قد ايه ربنا حنان منان طيب لا يقبل الا طيبا ياريت تكونوا من الطيبين ربنا يسعدكم ويوفقكم ويحافظ على أولادكم وازوجاكم وزوجاتكم ويجعل من الصالحين

علقوا ب 20 ملصق وعاوزه رأيكم في كومنت ♥️

واسفه ع التأخير يا غالين 😍



الكاتبه كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم : روايه اختى فى ورطه

إرسال تعليق