-->

روايه حكايه ورد الجزء الثالث والرابع




اولآ اسفه على عدم نزول الروايه 

امبارح لأنى عندى شغل اليومين دول 

ونزلت بجزئين تعويض عن جزء امبارح 


ونبدأ أحداث قصتنا 





روايه حكايه ورد 




الجزء الثالث والرابع 




الكاتبه // كوكى سامح 





قالت.. لا لا لا لا مش معقول 


اللى مكتوب ده 


معقول ورد تبقى..... 


بعد ما قرأت الورقه اللى ورا البرواز انا اتصدمت

من اللى مكتوب فيها

ان ورد تبقى طليقه وسيم

طلعت أجرى ادور على البنت

الصغيره بس يا خساره

كانت فص ملح وداب


كأنها عفريته واختفت

ولقيت عمى حمززه الجنينى

ماسك فى ايده ورده بلدى

وبيقدمها ليه


وقالى انه عمل زى ما قولتلوا


وان الشغاله بتحضر الفطار جووه


خدت الورده منه وقعدت فى الجنينه

افكر

ازاى ورد كانت طليقه وسيم

وفى نفس الوقت متجوزه من ياسر

وكمان ده قتل بسببها ابن عمه

لما عرف انه اغتصبها

بجد الموضوع كبير وفى لغز ولازم اعرفه


بس المتأكده منه أن انا مش ورد


يا ترى ورد فين ومعقول انا شبهها لدرجة ان وسيم حتى ميقدرش يفرق

بينى وما بينها

فييينك يا ورد؟؟ 


= وسيم خارج من الڤيلا والفوطه على رقبته


وسيم بيتلفت شمال ويمين وقال : 


** صباح الخير يا وردتى 

وحشتينى انا اسف يا عمرى على اللى حصل امبارح

الليله باظت وكله من حماتك 

يااه بجد فظيعه 


=روح متنحه وساكته 


** مالك يا ورد ساكته كده ليه 

انا حاسس ان فيكى حاجه 

عينك بتقول كلام كتير

بس انا مش فهمه 


وبعدين انتى ليه متغيره 

عمال اقول حماتك بتحبنى 

والليله باظت 

وانتى ولا فى دماغك خالص

مع ان كنتى الأول لما تسمعى 

سيرتها تغيرى وبتبهدلينى 

فاكره اخر مره وانا سهران معاها


فلاش باااااااااااااك 


=وسيم قاعد فى اوضته مع مراته وبيشربوا 

وضحكهم مسمع الڤيلا كلها 


رنه رساله واتس وكانت ورد 


ورد.. ما تلم نفسك بقى 


بدل واقسم بالله اطلع من اوضتى دلوقتى 

وابهدلك وافرج عليك الدنيا كلها 

ايه العجوزه عجباك؟ 


وسيم.. بطلى ام الجنان اللى فيكى ده

بس بحبك وانتى بتغيرى


ورد.. لا مش هبطل جنان 

لأنك عارف ان بغير عليك 

موت ومتعمد تستفزنى 


وسيم.. بحبك وبحب كل حاجه فيكى 


ورد.. وحشتنى ونفسى فيك 


وسيم.. شويه واكلمك 


علشان انا مش فاضى 


ورد.. يا سلام يعنى ايه مش فاضى 


لما اكلمك لازم تفضى نفسك علشانى 


وسيم.. يا بنتى بقولك مش فاضى 


حماتك بقى وانتى عارفاها


ورد.. لا مش عارفه حاجه 

بقولك اتلم 


وسيم.. سلام دلوقتى 


ورد.. نهارك اسود على دماغك 


مراته قربت منه وقالت : 


حبيبى 


وسيم نعم يا عمرى كله 


ونامت على السرير ووسيم فى حضنها 



= ورد قاعده فى اوضتها لوحدها 

وياسر مسافر كالعاده 


قامت والنار قايده فى قلبها من غيرتها

على وسيم 


ونزلت المطبخ وعملت عصير وحطت منوم 


وطلعت على اوضته حماتها 


ولما خبطت 


محدش فتح 






الكاتبه // كوكى سامح 






وفضلت تخبط ومن كتر غيرتها

بقت تخبط برجليها كمان 


وسيم.. حبيبتى فى حد بيخبط 


انا هقوم افتح 


رددت وقالت بقرف 


ما هو مش وقته 


= وسيم قام وفتح ولما شاف ورد استغرب 

وقال : فى ايه 


ورد قالت بصوت عالى 


فين ماما يا وسيم 


يا ماما يا حماتى 


ودخلت عليهم الاوضه وشافت حماتها


نايمه على السرير 


وقالت فى سرها : يخربيتك

رجلك والقبر ولسه فيكى حيل!! 


الام.. فى ايه يا ورد تعالى حبيبتى 


ورد قالت وكأنها مكسوفه 


انا عملت عصير ليكى ولوسيم 


وايه ليمون فريش من اللى بتحبيه 


الام.. خوده منها يا وسيم 


شكرا يا حبيبتى 


ورد وهى خارجه قالت :


تعالى اقفل الباب يا وسيم 


خرج وراها وقال : عصير ايه الحنيه دى 


ورد..اشرب العصير اللى فى الكاس 


المذهب والتانى لحماتى


خمس دقايق وتكون عندى فاهم 


وفعلا وسيم دخل وخلى مراته 


تشرب العصير وكانت دقايق ونامت 


وخرج من اوضته على اوضه ورد 


الباب كان موراب 


دخل وقفل الباب وراه 


ورد نايمه على السرير ولابسه القميص اللى 


بيحبه 


وسيم..قمر 


هو ده الكلام مش الست اللى جوه دى 


ورد.. بحبك 


وكنت هموت وانت فى حضنها 


وخدت وسيم فى حضنها 


وسيم.. اخد بس الفلوس واخدك من هنا 


يا قلب وسيم 


ورد فى حضن وسيم 


الباب اتفتح عليهم وكانت الشغاله وقالت :


ورد ياسر رجع وبيركن العربيه وطالع 


وسيم.. يا نهار اسود وقام من السرير


وجرى على اوضته 


ورد.. ايه القرف ده 


الشغاله.. هههه انا نازله 


ورد.. شكرا يا سوسو 


الشغاله.. تحت امرك يا ورد هانم 


عوده 


يااه كان يوم جميل اوى يا حبيبتى 


روح.. اه جدا 


بقولك ايه يلا علشان نفطر 


وانا هطلع اصحى ياسر علشان يفطر معانا


وسيم قرب من روح وقال : 


مش انا كذا مره قولتلك مش هينفع 


انا وهو نقعد على سفره 


واحده 


انا بغير عليكى 


روح.. احنا هناكل وايه الغيره فى كده 


وسيم.. نعم يا اختى 


انتى نسيتى عمايلك


تأكليه وتحضنيه وتفضلى تغيظى فيه 


روح.. نعم 


قصدى ما هو جوزى ولازم اعمل كده 


وسيم قرب منها ومسك دراعها بقوه وقال 


من امتى بقى جوزك 


مش قولتى انك خلتيه يقطع العلاقه 


معاكى خالص 


روح قالت وهى متلغبطه 


اه اه انا بس بقول جوزى علشان المنظر 


العام 






الكاتبه // كوكى سامح 






وبعدين احنا مش لوحدنا 


مش شايف عمى حمزه الجنينى 


ده ممكن يسمعنا ونروح فى داهيه 


وسيم.. ماشى يا ورد 


انا داخل ويلا تعالى ورايا 


= وفعلا وسيم دخل الڤيلا علشان يفطر 


روح واقفه مكانها ومتسمره 


وبتكلم نفسها وبتقول :


يا نهار اسود ده الموضوع كبير اوى 


بس كل اللى فهمته 


ان ورد دى بنت كلب خاينه 


والبت الشغاله شكلها تعرف كل حاجه 


علشان دخلت عليهم عادى وبلغتهم 


ان ياسر وصل


معنى كلامه ان الموضوع


مش ورد وهو وبس 


فى الشغاله ويا عالم فى مين تانى 


ويا ترى فين ورد 


انا مش عارفه اعمل ايه 


اعيش هنا ست البيت 


وبس واتمتع بالعز ده كله 


ولا ارجع الحق لأصحابه 


واقولهم على المؤامرة دى 


بس خايفه لو قولت اى حاجه 


محدش هيصدقنى انا مش معايا اى دليل 


غير الورقه دى


اللى مكتوب فيها ان ورد كانت طليقه وسيم 


وبردوا مين البنت اللى جابت الورقه 


دى كانت بتقول ماما ورد 


وبتشاور على الصورة 


بس اللى فى الصوره مش شبهى 


خالص 


يعنى لو هى ورد 


اللى بيتكلموا عليها تبقى مش انا 


طيب لو مش انا 


انا هنا ورد ازاى 


والكل شايف انى شكلها 


شكلها ايه بسسسس 


ده بيقولوا انى انا هى نفسها ورد 


ايه الحيره دى بس يارب


اعمل ايه


وسيم.. يا ورد الفطار جاهز


روح.. حاضر جايه


ودخلت روح وهى بتكلم نفسها


وخايفه من اللى جاى


ولما دخلت قعدت على السفرة


قالت : صباح الخير يا ماما


الام.. ماما مممم بقالك كتير مقولتيش


ماما يا ورد


روح.. اااااانا اسفه حضرتك عارفه ان

ياسر تعبان وده بيأثر عليه


وسيم... ههههههه


الام.. ما هو تعبان بسببك ولا انتى ناسيه يا هانم


روح.. بسببى انا


الام بصت لوسيم وقالت : شايف يا وسيم


بتمثل ازاى


روح.. بمثل ايه يا ماما


الام قامت وقربت من الكرسى اللى روح


قاعده عليه وقالت


ايوة بسببك انتى ابنى ضاع


لما اتعلم يشم علشان يرضى حضرتك


علشان يعرف يعيش معاكى


من قبل الجواز وكان حلو وعجبك


ومن بعد ما اتجوزتوا


لا ده شكله وحش


وانا ست جميله


كان ايه اللى غصبك على الجواز منه


يا ورد هانم


لحد يا عينى ما بقى يشرب ويشم


علشان ينسى كلامك اللى يسم البدن 


نفسى اعرف ابنى عمل فيكى ايه 


غير انه عيشك فى هنا 


وفى ڤيلا واحده زيك متطولش تعيش فيها 


مش كفايه منعرفش اصلك من فصلك 


روح.. يا ماما 


الام.. خلصنا خلاص ياسر 


نازل 


ياسر.. صباح الخير عليكم كلكم 


روح..صباح الخير


ياسر.. ماما ماما ورد رددت عليه الصباح 


وقرب من روح وقعد يبوس كل حته فيها 


روح خافت منه وبقت تبعد عنه 


ياسر.. بحبك يا ورد بحبك بحبك 


وبحب التراب اللى بتمشى عليه 


ونزل وقعد على رقبته 


وباس رجليها 


روح.. استغفر الله العظيم يارب 


ايه ده! 


الام.. انا قايمه عن اذنكم 


وسيم.. ما تخف الحركات دى يا ياسر 


عيب كده قدمنا 


شوفت سن سن زعلت ازاى 


سابت الفطار وقامت 


ياسر.. سناء قلبها ابيض 

امى بقى وانا عارفها 


المهم ان ورد رضيت عنى 


وسيم.. يا عم ليكم اوضه تعملوا فيها اللى انتم 


عاوزينه 


ياسر بيبوس فى رجل ورد 


بس روح بتحاول تبعد 


روح.. ياسر ممكن مياه 


ياسر قام يجرى على المطبخ 


علشان يجيب مياه 


وسيم قرب منها وقال بصوت واطى 


كياده يا بت 


روح.. نعم 


وسيم.. عارفه لو قرب منك ولا لمسك 


هقتلك 


النهارده ميعادنا فى شقه الزمالك 


الساعه 7 بالليل 


فاهمه 


روح.. ماشى 


وقالت فى سرها : شوف بقى مين هيروح


ياسر خارج وفى ايده المياه 


وقرب من روح 


روح.. اقعد افطر 


ياسر... حاضر 


الشغاله.. ورد هانم استاذ جلال المحامى 

بره وعاوز يقابل حضرتك 


روح.. جلال محامى مين ده 


ياسر.. معلش يا ورد 


ونبى اوعى تطرديه زى المره اللى فاتت


روح.. انا طردته 


ياسر.. ده انتى بهدلتيه 


روح.. خليه يدخل 


وبعد ثوانى دخل المحامى جلال 


وقال : صباح الخير 


وقرب من روح وقال : 


ده كل الورق يا ورد هانم 


وانا بقدم استقالتى ومن هنا ورايح مليش


دعوه بالشركه خالص 


روح قامت من على السفره وقالت : 


ليه بتقدم استقالتك 


ياسر.. متزعلش يا جلال 


ورد كانت بتهزر معاك 


واستأذن وقال انه رايح الحمام


جلال قرب من روح وقال 


انتى مش عارفه بقدم استقالتى ليه 


منك يا هانم ولا فاكره انى هقبل 

اللى بيحصل ده 


مش كفايه اللى حصل ما بينا 



روح.. انا مش فاهمه حاجه 


جلال.. مش فاهمه ايه


فلاش بااااااك


جلال قاعد فى مكتبه وكانت الساعه 


8 بالليل ودخلت ورد 


واتخانقت مع البنت السكرتيرة 


لما رفضت تدخلها


ولما جلال خرج شاف ورد


وقالها تتدخل


واليوم ده كان شكلها مضايق


ورده قعدت وطلعت سيجاره


وشربتها وطلبت من جلال ان المكتب


يبقى فاضى


لأنها عاوزاه فى موضوع مهم


وجلال نفذ اوامرها


وبقوا لوحدهم فى المكتب


ورد قربت منه وقالت : انا بحبك


وكانت بتستعمل معاه كل الأساليب


الرخيصه علشان يقع فى شباكها


جلال.. يا مدام ورد عيب كده


انتى ست متجوزه

ومن مين من الناس اللى بشتغل عندهم 


ورد.. ليه هو انت بتسمى ياسر ده

راجل


انت الراجل اللى بتمناه يا جلال


من يوم ما شوفتك وانا حاسه


انى بنام فى حضنك انت مش ياسر


وقربت منه وحضنته


جلال بيحاول يبعد


بس مش قادر يقاوم جمالها


واسلوبها لانها بتقدر تبهر كل راجل


وتحرك شهوته ناحيتها


جلال.. يا مدام ورد مينفعش كده 


ورد بتحضنه 


وجلال بيحاول يقاومها 


إنما انوثه ورد غلبته 


ونام فى حضنها 


جلال.. ايه اللى عملته ده 


ورد قامت وبتلبس هدومها 


.. عادى يا حبيبى 


ده حب 


عارف انا حاسه انى طايره دلوقتى 


جلال.. بس انا خايف لحد يعرف اللى حصل 


ورد قربت منه وحضنته وعينها فى عينه وقالت 


ولسه هيحصل ما بينا كتير 


يا حبيبى 


بس شوف شقه بقى نتقابل فيها 


ولا فى المكتب وبس 


وشاورت على الفوتيه 


اوعى يكون الفوتيه عجبك 


جلال.. انتى عارفه انى عازب وعايش لوحدى


شقتى فى الدور اللى فوق 


يا ورد 


ورد.. ماشى انا ماشيه دلوقتى وبينا التليفون 


باااى 


جلال.. بااى 


عوده


وبعدها اتقابلنا فى شقتى كذا مره 


وكنت كل مره بنام فى حضنك بموت بعدها 


لأنى خاين وخونت الامانه 


ومش قادر استحمل 


وكفايه اخر مره كنت فى حضنك 


برواز صورة ياسين وقع علينا 


ربنا بيقولى انا اهو 


وانت خاين 


كفاية يا ورد بقى 


انتى ايه معندكيش قلب يا شيخه 


وخلى بالك موضوع التوكيل انا مش هعمله


وخلاص انا من النهارده 


مش بشتغل فى الشركه 


خلاص وارجوكى انسى كل حاجه يا ورد 



= روح قعدت مكانها ومش قادره تتكلم 

من اللى بتسمعه 


جلال.. انا ماشى 


وخرج جلال وهو منهار بعد ما اتكلم مع روح



روح.. يا مصيبتى 


هى فين ورد دى 


ده انا لو شوفتها هقتلها بإيدى 


وقامت دخلت المطبخ بسرعه 


وكانت الشغاله واقفه على الحوض 


روح قربت منها وقالت 


انتى يا بت 


الشغاله.. نعم يا ورد 


روح.. انا ورد هانم 


الشغاله.. هانم على نفسك يا عنيه


روح... من هنا ورايح أسمى ورد هانم 


الشغاله.. هههههه ضحكتينى يا مضروبه 


المهم سيبك من كل ده 


انا زودت جرعه المخدرات فى قهوه ياسر 


زى ما طلبتى 


علشان نخلص منه


ومش هيكون فاضل غير سناء هانم 


ودى أمرها سهل


وسيم هيتخلص منها بطريقته 


وهتبقى انتى وفريده 


الورثه وبس 


وساعتها بقى هنبقى بهاوات يا بت 


وهنتمرمغ فى العز ده كله 



روح قالت فى سرها.. 


يا نهار اسود دى عصابه بقى 


الشغاله.. مالك يا ورد 


روح.. انا كويسه


وخرجت من المطبخ 


وطلعت اوضتها وياسر كان قدامه قهوه 


ولسه بيشربها


قربت منها ووقعتها على الأرض 


ياسر.. كده يا ورد 


القهوة وقعت وانا تعبان 


روح.. هعملك غيرها حاضر 


وقالت.. انت لازم تتعالج 


ياسر.. ما انا اتعالجت من شهرين 


ورجعت اتنكست 


تانى 


بس بحاول ابعد والله 


مفيش غير القهوه وبس 


وبطلت كل حاجه 


روح قالت فى سرها. 


القهوة دى فيها موتك 


وانا مش هسمح بده ابدا 


وفضلت قاعده جمب ياسر 


وهو تعبان شويه ينام وشويه يصحى 


لحد ما بقت الساعه 6 المغرب 


الباب خبط وكان وسيم 


وقالها انه رايح الشقه


وقال لمراته سناء انه هيبات بره 


رددت وقالت ساعه وهكون عندك 


قفلت الباب وبصت من البلكونه


واتأكدت انه مشى 


وحست انه هم تقيل 


على قلبها وانزاح بمجرد 


خروجه من الڤيلا 


وكل تفكيرها فى الشغاله 


لأنها عارفه انها تعرف كتير 


بس السؤال اللى محيرها 


وسيم عارف انها ورد 


والشغالة كمان 


اومال ورد راحت فين 


وفجأه شافت نفس البنت الصغيرة 


داخله المرسم 


اتخضت بس نزلت جرى 


علشان تشوف هى مين البنت دى 


وازاى بتدخل الڤيلا كده 


ومحدش يعرفها 


ولما نزلت الجنينه كانت فاضيه 


دخلت المرسم وشافت البنت 


قاعده بتعيط 


دخلت وقفلت الباب وراها


وقالت : بتعيطى ليه 


البنت.. كده 


روح قربت منها وقالت.. 


هى اللى فى الصوره دى ورد 


البنت.. دى ماما 


روح.. اسمها ايه 


البنت.. ماما 


روح.. يعنى اسمها ورد


مش انتى قولتى ليه 


انها اسمها ورد 


البنت.. بصراحه كذبت عليكى


روح.. طيب انتى تعرفى شكل ورد


البنت.. هى شبهك بالظبط


روح.. ومين قالك ان انا مش ورد

اصلا


البنت.. علشان انا عارفه طريق ورد

وشاورت بره المرسم


روح.. بره فين


البنت.. ياااه ورد فى اخر الجنينه التانية


روح.. هو فى جنينه غير دى


البنت ايوه فى الفيلا المهجوره اللى جمبنا


فى شجرة فل دبلانه يا حرام


تحتها ورد


روح.. تحتها فين


البنت.. فى التراب


روح سرحت فى كلام البنت


وفجأه البنت اختفت


 وشافت باب المرسم مفتوح


بصت للصوره وكانت بتشدها 


وقالت.. اكيد البنت بتخرف 


دى طفله والله اعلم عفريته 


ولا بنى ادمه 


انا حاسه انى هشوف العجب فى الڤيلا دى 


وقامت من مكانها 


وشافت بوابه الڤيلا مفتوحه 



وقالت لنفسها 


كويس عمى حمزة مش موجود 


انا لازم اروح اتأكد من الڤيلا اللى جمبنا 


المهجوره 


وفعلا خرجت من البوابه 


وفضلت ماشيه وشافت ان فى ڤيلا 


مهجورة وشكلها فخم 



إنما فاضيه والغريبه ان البوابه مفتوحه 


دخلت روح وهى خايفه 


وبدور على شجرة الفل الدبلانه 


وكانت الڤيلا كبيره 


اوى 



قد الڤيلا اللى عايشه فيها مرتين تلاته 


وفضلت ماشيه جواها 


ومش لاقيه شجره الفل الدبلانه 


وكملت وبردوا بدور 



على الشجرة 


وفجأه شافت الشجره 


كانت دبلانه وفاضيه 


قعدت تحتها تستريح 


وقالت انا لازم احفر بس ازاى 


الموضوع ده عاوز راجل 


مش هينفع انا خالص 


وبردوا اخاف احفر هنا 


أصحاب الڤيلا 


يعملوا معايا مشكله 


وقالت لنفسها 


بس الڤيلا مهجوره 


وبصت وشافت ان فى غرفه منوره فى الڤيلا


فرحت وقالت معقول ده فى 


حد هنا 


الڤيلا مش مهجورة زى ما البنت قالت


وبعدين انا مش لازم اصدقها 


مرة تقول الصورة فيها ورد 


ومره تقول انها مامتها 


بس بردوا وسيم ميعرفش 


مين اللى فى الصورة 


وقامت روح من مكانها 


والفضول قتلها 


علشان تعرف مين اللى فى الڤيلا


ومشيت بخطوات سريعه 


ودخلت الڤيلا وكان الباب 


مفتوح 


والڤيلا مفروشه 



وقالت.. ياه الڤيلا جميله 


ومفروشه 


مين بس اللى قال انها مهجورة؟ 

اما بنت طلعت كذابه 

اخره اللى يسمع كلام العيال بقى 


بس بردوا هى باينه من بره انها مهجورة 


وطلعت روح 


لحد باب الغرفه وسمعت صوت 


وقالت : زى ما قولت بالظبط فى فعلا 


حد جووه 


وقربت من الباب 


والصوت ابتدى يقرب منها 


وكان صوت بنت وبتضحك 


وقالت.. كويس انها بنت 


وخبطت روح قبل ما تتدخل 


الباب اتفتح وشافت اللى ميصدقهوش عقل؟؟.... 



يتبع 



تابعونى ب 20 ملصق 🔖 علشان يوصلك اشعار الجزء الخامس


 

الكاتبه كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم : روايه حكايه ورد