-->

روايه حكايه ورد الجزء التاسع والعاشر والحادى عشر




روايه حكايه ورد 





الجزء التاسع والعاشر والحادى عشر 




الكاتبه // كوكى سامح 




ج. 9 و 10....#حكايه_ورد

ونزلت روح على الأرض تفوق جلال

ولما قعدت جمبه تفوقه

كانت الورقه فى ايده

وهنا سألت نفسها ليه جلال لما قرأ الورقه

وقع من طوله اكيد الورقه مكتوب فيها

حاجه تخصه

ومسكت ايده وخدت الورقه وقالت بإستغراب:



ايه ده فى ورقه تانيه جوه الورقه القديمه


وابتدت تقرأ المكتوب.. 


وكان مكتوب فيها.


¬¬ انت مش جلال ابن العامل ابراهيم 


اللى كان شغال فى الشركه 


انت عمر محسن القلعاوى صاحب الشركه 

 

اللى بتشتغل فيها والعز ده كله  ملكك انت 


ودى شهاده ميلادك


سناء صديقه امك الوحيده قتلتها وخدت


مكانها..


دور على حقك يا عمر



روح ضربت بإيدها على صدرها وقالت :


يا مصيبتى


ده كلام خطير


معقول جلال ده هو صاحب الهلومه


دى كلها


ايوه ايوه افتكرت


معنى كده ان الفيديو ده يخص سناء


هى الست اللى قتلت صاحبتها


وكمان كانت بتخونها مع جوزها


وخدت منها الولد الصغير


يعنى؟! يعنى!؟ اللى بفكر فيه دلوقتى صح


ان جلال هو الولد اللى اخدوه من أمه


لا حول ولا قوة الا بالله


ومسكت جلال من قميصه وبتحاول تفوقه


وقالت: 


ده مش عاوز يفوق 


ما هو اكيد مش مصدق نفسه 


لا انا لازم افوقه قبل 


ما يرجعوا من الشركه ويكتشفوا 


ان الموضوع كذبه 


والشركه كويسه


وفجأه جلال فاق من الإغماء 


جلال قام ومسك دماغه 


.. انا ايه اللى جرالى 


انا حاسس انى دايخ 


انا تعبان اوى 


روح.. انت بعد ما قريت الورقه 


وقعت من طولك 


جلال.. الورقه هى فين الورقه 


روح.. اهى متخافش فى الحفظ والصون 


بقى انت الولد الصغير اللى فى الفيلم


جلال.. فيلم ايه 


روح.. اللى حكتلك عليه انت نسيت 


جلال.. عارفه المكتوب فى الورقه ده كارثه 


ده لو طلع حقيقه انا مش عارف هتصرف ازاى 


روح.. تتصرف ازاى؟ 


اومال انت محامى على اساس ايه 


احمد ربنا انك محامى 


لازم تتصرف وتاخد حقك 


من سناء واخده العز كله 


وابنها عايش مكانك وفى خيرك 


جلال حط ايده على دماغه 


وبيفكر 


وقال : اعمل ايه انا مش عارف 



روح.. يعنى ايه تعمل ايه؟ 


انت عبيط يا ابنى 


اسفه متبصليش كده 


انت عارف انا بتكلم على طبيعتى 


مبعرفش ازوق الكلام 


لازم تاخد حقك طبعا وتدور عليه 



انت مش شايف وسيم بيرتب لأيه 


ده بيحط ل ياسر مخدرات فى القهوه 


علشان يموت من الإدمان 


ومتفق على قتل سناء


وعارف كل ده ليه 



علشان الفلوس 


اللى هى حقك انت فلوسك 


يا متر



جلال.. الموضوع مش سهل 


فى حاجتين لازم اعرفهم 



روح.. هما ايه 


جلال.. اول حاجه لازم اثبت انى ابن محسن القلعاوى 


صاحب، الشركه 


وتانى حاجه 


مين البنى آدم اللى عارف عنى كل ده 


لازم اعرفه 


لانه معاااه الحقيقه كلها 


روح.. طيب يا جلال 


هو فين محسن ده 


ابوك يعنى 


جلال.. انا معرفش محسن ده 


ولا عمرى شوفته 



روح.. ما انت كنت صغير وقت الحادثه 


صحيح هتفتكر ازاى 


يعنى مات اكمنه مش موجود 



جلال.. مش عارف 


وبعدين لازم اعرف مين الشخص 


اللى يهمه أمرى 


لدرجه انه عاوز يعرفنى حقيقتى 



بعد العمر ده كله 


وكان ساكت ليه كل الوقت ده 


روح.. معلش يا جلال ممكن سؤال 


واعذرنى ما انا نفسى افهم


جلال.. اتفضلى 



روح.. فين ابوك 


يو قصدى باباك 


جلال.. قصدك بابا ابراهيم 


مات من سنتين الله يرحمه 


روح.. وفين والدتك 


جلال.. انا من يوم ما وعيت على وش


الدنيا وانا مليش ام 😭


مكانش فيه غير بابا ابراهيم وبس 


الله يرحمه 


وكنت كل لما اسأله على ماما 


يقولى ماتت وهى بتولدنى 


معرفش غير كده 


روح.. طيب ملكش حد خالص 


عم خاال خاله اى حد نفهم منه اللى حصل 


وازاى انت وصلت لأيد ابراهيم 



علشان يتولى تربيتك 



جلال.. كل اهل ابويا فى الصعيد 


ومعرفش طريقهم 


ولا هما كمان يعرفونى



روح.. يادى النيله رجعنا من اول وجديد 



وقالت بصوت عالى 


فى حاجه انا افتكرتها 


ومهمه جدا ولازم تعرفها 



يمكن تكون القشايه اللى هتنجيك 



من اللى انت فيه 


جلال.. انطقى بسرررعه 


روح.. انا شوفت عم حمزه الجنينى


ماسك فى ايده صوره طفل صغير 


وكان بيعيط بس بصراحه مهتمتش


 ولما سألته عليك 


وعلى بيتك قالى ما انتى عارفه 


ان جلال تربيه ايدى 


وكان بيقولى يا بابا لولا ابوه منعه 


وكل حاجه اتغيرت لما ظهرت اللى ما تتسمى


يبقى اكيد قصده على سناء


ولسه كنت هفهم منه 


لقيت زفت الطين اللى اسمه 


ياسر ده فى وشى 


الا قولى الله يباركلك 



انا ورد ولا رووح؟ 


جلال.. انا فى ايه ولا ايه


روح.. خلاص خلاص متزعلش 


بعدين مع انى عارفه انى روح! 


جلال.. عم حمزه مربينى انا 


انا مش فاكر حاجه من دى خالص


كل اللى اعرفه انه جنينى 


الڤيلا وبسسسس


روح.. يبقى السر مع عم حمزه 


واكيد انت الولد اللى فى الصوره 


يلا نقوم من هنا بسرررعه 


ونروح لعم حمززه 


جلال.. لأ يا ناصحه 


انا هروح شقتى 


وانتى هتيجى ومعاكى عم حمزه 


روح.. هتسبنى لوحدى 


جلال.. لا 


روح.. طيب والحفر ده 


والڤيلا دى 


والشاشه وكل ده كان ايه 


جلال.. والله ما اعرف اى حاجه 


انا اصلا مش مستوعب كل اللى بيحصل 


بس كل اللى استنجته 


ان كل ده مسلسل علشان اعرف حقيقتى 


وعن طريقك انتى 



ولو كلامك صحيح بخصوص عم حمزة 


يبقى السر معااه 


جلال.. انا مش قادر استنى 


تعالى نروح الڤيلا 


روح.. انت رجعت فى كلامك 


مش قولت انك هتروح شقتك 


وانا هجبلك حمزه 


جلال.. مش قادر استنى 


وقام جرى على الڤيلا وفى ايده 


روح 


ولما دخلوا الجنينه 


جلال زق باب الغرفه على حمزه 


وكان نايم وفى ايده 


صوره الطفل الصغير 


حمزه.. مين مين 


جلال وست ورد 


روح قربت منه وقالت 


مين الولد اللى فى الصوره ده 


حمزه عينه دمعت وبص لجلال 


وقال : ليه 


روح.. بقولك مين 


ده جلال صح 


ده اللى اخدوه من أمه وقتلوها 


يا حمزه أنطق 


اوعاا تكذب 


على فكره احنا عرفنا كل حاجه 


خلاص 



جلال مسك الصورة ولما اتحقق منها 


قال.. ايوه دى صورتى فعلا


انا عندى صوره زيها بالظبط 


بس ازاى جت فى ايدك 





روح.. يعنى هى صورتك فعلا 


طيب يا عم حمزه اتكلم متخافش


وبعدين انت قولتلى انك انت اللى ربيت 


جلال على ايدك 


ازاى 


جلال.. اتكلم يا عم حمزه 


حمزه انهار وقال 


ايوه اللى فى الصورة ده 


مش جلال  وقرب منه ومسك وشه وقال 


ده عمر محسن القلعاوى 


انت عمر بيه 


انا حاولت انقذك يا ابنى 


بس كل اللى قدرت عليه 


خدتك قبل ما يقتلوك


زى امك 


والله يرحمه ابراهيم رباك احسن تربيه 

وبقيت محامى قد الدنيا 


علشان تقدر تاخد حقك يا ابنى 


جلال.. وفين بابا 😭😭


حمزه قرب من جلال وخده فى حضنه 


جلال.. انا عاوز اعرف كل حاجه 


روح.. عم حمزه لازم تقول على كل 


الحكايه 


لازم جلال يعرف هو مين 


علشان يقدر ياخد حقه 


من سناء 


حمزه.. حاضر انا هقولك على كل حاجه 


فلاااااااااش باااااااااااااك 


حمزه واقف بيرش الجنينه 


محسن قاعد هو سلوى مراته بيفطروا 


سلوى.. عمر كل يوم والتانى تعبان 


مش عارفه الولد ماله 


الشغاله بتقول انه بيصحى من النوم مفزوع


محسن.. سلوى حبيبتى 


الولد عنده سنتين ونص وبتقولى 

بيقوم مفزوع 


طيب ازاى ده لسه طفل


سلوى.. والله يا حبيبى ده اللى بيحصل كل 


يوم 


فجأه بيصحى من عز النوم على صرخه واحده 


زى الكبار وبيتفزع 


مش عارفه ليه 


هى بتقولى كده 


محسن.. يمكن بيكون جعان ولا حاجه 


سلوى.. ممكن 


فى غرفه النوم.... 


محسن نايم وسلوى نايمه فى حضنه 


الباب بيخبط وكانت الشغاله 


يا هانم ياا هانم 


محسن.. فى ايه بنتى 


سلوى.. عمر 


محسن شدها عليه وقال رايحه فين 


سلوى.. عمر يا محسن 


خليك يا حبيبى هروح اشوفه وارجعلك 


💋💋


محسن.. ايه الليله دى 


سلوى رجعت ووشها باين عليه الخضه 


ومعاها عمر على صرخه واحده 


محسن.. فى ايه 


سلوى.. مش قولتلك الولد بيقوم مفزوع 


وبصراحه البنت الشغاله دى زى عدمها


مش فاهمه حاجه فى تربيه الأطفال 


محسن.. خلاص هشوف مربيه أطفال 


سلوى.. انا عندى واحده صاحبتى 


هى مطلقه 


وكان نفسى اساعدها ايه رأيك 


تيجى هنا وتاخد بالها من عمر 


وبصراحه هى شاطره جدا 


وبعدين نساعدها لأنها لوحدها 

وملهاش حد 


وكمان هى كانت بتشتغل فى حضانه 


وليها خلق للأطفال وفاهمه 


ودلوقتى هى سابتها 


محسن.. المهم انها تكون كويسه 


سلوى.. بصراحه هى كويسه جدا 


محسن.. مين دى يا ترى 


سلوى.. سناء صاحبتى 


محسن.. ايوه انا شوفتها قبل كده 


فعلا البنت دى شكلها بيقول انها غلبانه 


سلوى.. والله يا حبيبى هى غلبانه فعلا


وبقت غلبانه اكتر بعد ما أطلقت واتبهدلت


محسن.. موافق يا ستى 


سلوى.. من بكره هكلمها 


الشغاله.. ست سلوى هو عمر هينام معاكى 


سلوى.. سبيه فى حضنى 


الشغاله قفلت الباب وراها 


ونزلت على حمزه الجنينى 


وخبطت على الباب 


حمزة.. فى حاجه عمر بيه جراله حاجه 


ما تنطقى 


الشغاله واقفه بتعيط 


حمزه.. مالك يا هنيه 


هنيه الشغاله.. انا خايفه 


حمزه.. خير بس فى ايه 


هنيه الشغاله.. خدمتى ل سى عمر مش عاجبه 


الست سلوى وشكلها كده هتمشينى 


وانا ما صدقت لقيت شغل أكل منه لقمه عيش


وبعدين انا اتعلقت ب سى عمر 


اووى 


اعمل ايه 


حمزه الجنينى.. مين قالك انك هتمشى يا عبيطه 


معقول الست سلوى تمشيكى 


طيب قولى كلام غير ده 


مفيش احن ولا اطيب منها 


الشغاله هنيه.. عمر تعب وكان بيعيط 


قام مفزوع وناديت على الست سلوى 


وخدت عمر 


وسمعتها وهى بتقول ل محسن بيه 


ان انا مش نافعه فى تربيه الولد 


وهتجيب واحده صاحبتها 


تشتغل وتخلى بالها من عمر 


حمزة.. هى ممكن تجيب مربيه إنما تمشيكى لأ


متخافيش ولو حصل يا ستى


انا هتكلم معاها 


هنيه.. ربنا يجبر بخاطرك يا حمزه 


حمزه.. يلا يا هنيه روحى فرشتك

ومتخافيش 

هنيه.. تصبح على كل خير 

حمزة.. وانتى من اهله 

عووووووووووده 

عم حمزه.. الشغاله كانت بتحكى معايا 

على كل حاجة 

وغير اللى كنت بشوفه 

وسناء دخلت البيت 

كانت شكلها بنت عاديه وعلى قدها

ومن يوم ما دخلت والخراب دخل وراها 

وخصوصا بعد ما اتغيرت 

فى كل حاجه 

نضفت يا ابنى بقت تلبس احسن لبس 

والست سلوى مكانتش مخليها عاوزه حاجه 

لدرجه انها كانت بتتحكم فى هنيه وفيه 

وكنت كل لما اشتكى ل سلوى هانم الله يرحمها

 تقولى دى غلبانه

وصاحبتى 

كانت مديها الامااان فى كل حاجه 

اه لما الغدر يجى من اقرب الناس 

وكانت بتعاملك كويس فى الاول 

وانت يا عمر ابتديت تكبر وبعد كام شهر 

محسن بيه احتفل بعيد ميلادك الثالث  

ومن يومها انا لاحظت ان فى حركات 

بتحصل ما بينهم 

لحد ما شوفته عندها فى الاوضه 

بس مقدرتش اسكت 

حاولت المح لست سلوى

بس كانت بتحب سناء وبتقول عليها 

صاحبتها 

لحد ما ما اتقلبوا على بعض 

سلوى هانم ومحسن بيه 

وكل يوم خناق 

وخرابه البيوت كانت عامله نفسها ملاك 

وتحوش ما بينهم فى كل خناقه 

مع انها هى اللى مدبره كل حاجه 

وكان على طول بيصرف لها شيكات 

بمبالغ كبيره 

ما ابوك كان غنى اوى 

 وفى يوم سمعت خناقه بين 

محسن بيه ومامتك 

وطلبت منه الطلاق 

بس رفض وقالها انه ميقدرش يستغنى عنها 

مامتك كانت طيبه ويتيمه 

وهو كان عارف انها ملهاش حد 

بعد وفاه جدك وجدتك 

انا اللى اعرفه 

انها بعد ما اتجوزت 

جدك وجدتك ماتوا فى حادثة 

وده كان سبب تمسك محسن بيه بسلوى هانم 

 وطبعا بعد دخول سناء 

حياتهم لان باباك عمره ما قالها 

انها ملهاش حد 

كان على طول بيدلعها

وكانت حبه الوحيد 
بس مامتك هى اللى جابت العقربه

هنا لحد ما لدغتها بسمها 


وفى اليوووم المشؤم سلوى هانم شافتهم مع بعض

انهارت لما اكتشفت خيانتهم 

وسناء قتلتها 

وابوك دفنها بإيده 

فى الڤيلا المهجوره


جلال.. والجريمه انت شوفتها 

حمزه ايوه 

اليوم ده صوتهم كان عالى 

وانا طلعت جرى اشوف فى ايه 

كان الباب مفتوح وانت كنت صغير 

وبتعيط 

شوفت سناء بتخنق سلوى هانم 

كان نفسى اموتها بإيدى 

بس مقدرتش اعمل حاجة 

ولقيت محسن بيه شال جثه سلوى 

هانم ودفنها فى الڤيلا المهجوره 

ورجعوا وسمعتها بتقولوا 

انه يقول انها هربت 

بس ابوك كان شكله كأنه مسحور

مش ده محسن بيه 

اللى اعرفه 


وفعلا قال انها هربت 

وكل القريبين مننا صدقوا 

وبعد اسبوعين اتجوز سناء 

وكنت انت لسه صغير مش عارف حاجه 

طفل بريئ ملاك عايش مع حربايه 

وكانت هنيه الشغاله بترعاك بعد امك 

والوحيده لما سمعت ان سلوى هانم طفشت 

مصدقتش لان سلوى كانت ست ولا كل الستات

بس لما الراجل يتلعب بيه والشيطان يزن على 

ودانه ويحلله الحرام 
صدقنى يا ابنى بيشوف مراته بصورة تانيه 

مش طايقها ولا طايق عيشتها 

خلاص متلزموش 

محسن بيه ده اللى جراله 

مكانش طايق سلوى من يوم ما سناء دخلت الڤيلا 

كان شايفها شيطان مش عارف ازاى 

مع ان امك كانت جميله 


وبعدها بكام شهر محسن بيه اتغير 

 عقله خف 

واتجنن وفى يوم كان عاوز يقتلك 

جلال..بابا يقتلنى 

حمزة.. يا ابنى بقولك اتجنن 

واكيد الملعونه هى سبب جنانه 

ورمته فى مستشفى المجانين 

بعد ما خدت منه كل حاجه بيع وشراء

وعرفت انها اكيد هتأذيك 

زى ما عملت فى محسن بيه 

خطفتك وخدتك فى حضنى

ما انا كان لازم انقذك من الضياع والقتل 

جلال.. وسناء كان رد فعلها ايه لما اتخطفت 

حمزة.. قالت إنها هدور عليك 

وطبعا هى متعرفش انى اعرف حاجه 

وبعدها بكام يوم طلبتها من رقم مجهول 

على اساس انك ابنها وخطفته 

وطلبت منها فديه يأما اقتلك 

وطبعا انا كنت عارف 

انها هترفض 

وفعلا رفضت وبعتلها هدومك كلها دم 

علشان تتأكد انى قتلتك 

بسبب رفضها للفديه 

وده كان عامل كبير انها تبعد عنك ومتعرفش

انك عايش على وش الدنيا 

وانك خلاص ميت 

روح.. طيب يا عم حمزه 

عم إبراهيم اللى قام بتربية جلال 

وصل لإيده ازاى 

حمزه عينه فى عين جلال 

وكلها دموع 😢 

وقال : فى الوقت ده انا كنت لوحدى 

ومش عارف اعمل ايه 

وملقتش قدامى غير ابراهيم 

هو كان عامل فى الشركه 

كان بيحب محسن بيه اوى 

لانه كان بيعطف عليه 

فلااااش بااااك 

فى سطوح كبير  فى إحدى الأحياء الشعبيه 

ابراهيم قاعد فى اوضته بيبكى 

الباب بيخبط 

ابراهيم قام فتح وشاف قصاده 

حمزه وفى ايده طفل صغير 

ابراهيم.. عم حمزه تعالى 

حمزه.. فى حد هنا 

ابراهيم الدموع نازله من عينه وقال :

مفيش خلاص مبقاش فى حد 

حمزة دخل وقفل الباب 

وقعد على الكنبه ونيم الطفل بجواره 

وقال : مالك يا ابراهيم 

فى ايه 

ابراهيم.. مراتى ماتت وهى بتولد 

وانا بقيت لوحدى 

بعد ما قولت خلاص ربنا عوضنى بالزوجه 

الصالحه وهبقى اب وليه عيله 

بس ماتتت ربنا مش عاوز كده

ليه يارب بتعمل فيه كده 

فقدت زوجتى وابنى 

😭😭😭😭😭😭😭

حمزه مسك الطفل وشاله على ايده 

وقرب من إبراهيم وقال 

يمكن ربنا عمل فيك كده 

علشان الغلبان ده اللى مالوش حد 

ابراهيم 😭😭😭😭

مد ايده وخده فى حضنه 

مين ده يا حمزه 

ابراهيم.. انت مش فاكره 

ده عمر ابن محسن بيه 

ابراهيم قال بإستغراب 

انا مشفتوش من يوم السبوع بتاعه 

انا فاكر كويس الشركه كلها كانت هناك 

كان يوم جميل ومحسن بيه 

وسلوى هانم كانوا فرحانين بيه اوى

واليوم ده عمرى ما هنساه 

لأن من فرحتهم 

انا كلمت محسن بيه 

فى سلفه 

ما انت عارف ان ابويا 

كان مريض كلى 

ومحسن بيه قام بكل التكاليف والعلاج 

لحد ما مات

ووقف معايا فى تكاليف زواجى 

الراجل ده عمل معايا خير وعمرى ما هنساه 

والله مش عارف ايه اللى جراله بس 

ومراته طفشت 

وابنه اتخطف واتقتل 

صح مش ابنه اتخطف واتقتل 

حمزة.. كله تلفيق وكذب 

الست سلوى اشرف ست وطاهره 

وراحت غدر 

من يوم ما الملعونه دخلت الڤيلا 

والدنيا اتخربت 

ابراهيم.. محسن بيه لسه فى المستشفى 

انا عرفت ان حالته ساءت 

حمزه.. محسن بيه خلاص راح 

وكل حاجه راحت 

ابراهيم.. بس سناء هى ماسكه الشركه 

وغيرت اسمها 

شكله كده كتب ليها كل حاجه 

وابنه مات 

حمزة.. يا ابراهيم ده عمر ابنه 

انا نقذته من ايدها 

وعمر بالنسبه ليها ميت دلوقتى 

عمر بيعيط 

ابراهيم ضمه لحضنه وبطل عياط 

حمزة.. انا عندك دلوقتى بطلب منك 
ان عمر يكون امانه فى رقبتك 

وانا هتكفل بكل مصاريفه 

انا عاوزة يكبر واشوفه بيه متعلم 

ابوس ايدك يا ابراهيم 

انا مليش غيرك 

وعارف انك الوحيد اللى هتقف معايا 

ابراهيم حضن عمر وقال 

انا حاسس ان ربنا عوضنى بيه 

انا هسميه جلال 

ايوة جلال على اسم ابنى اللى مات يوم 

ما اتولد هو وأمه
 😭😭😭😭

حمزة.. وانا معاك خطوه بخطوه 

وكل إللى تعوزه 

وانا هقدر عليه هساعدك بيه 


ابراهيم.. سبها على الله 

بس المشكله الشركه 

وهسيب جلال مع مين 

حمزة.. ابوس ايدك اوعااا 

تاخده الشركه 

هتعرفوا اللى ما تتسمى 

وممكن تقتلوا زى ما قتلت امه 

ابراهيم.. قتلت امه 

حمزه.. انا هحكيلك على كل حاجه 

عووووووووووده 

وحكيتله على كل حاجه 

من يوم سناء ما دخلت الڤيلا لحد ما قتلوا 

امك وموضوع خطفك كمان 

وبصراحه ابراهيم مقصرش 

معاك يا عمر ورباك وانا كنت على طول 

بشوفك من بعيد ولما كبرت وبقيت محامى 

انا طلبت منه انه يشغلك فى مال

ابوك بشهادتك علشان متبعدش عنه 

وعينك تفضل عليهم 

وكمان مستواكم اتغير بعد ما ابراهيم 

طلع ان عنده ميراث وخد شقه 

جمبنا وفتحلك مكتب 

ومات فجأه الله يرحمه 

جلال.. وايه اللى خلاك تقولى الحقيقه 

دلوقتى 

حمزه.. لما شوفتك لعبه فى ايد ورد 

وكمان جه اليوم 

اللى اتطرد فيه قدام عينى من ڤيلاتك 

ورد رمتك بره 

روح.. انا 

حمزة.. رمتك بره 

وعرفت انك هتسيب الشركه ومكانش ينفع 

كان لازم اتصرف 

يا ابنى 

روح.. والصوره اللى فى المرسم بتاعت 

مين 

حمزة.. هههه الصوره دى لعبه منى 

هى بتاعت سناء 

معرفش لمين بالظبط 
بس هى معلقاها فى المرسم 

وانا اخدت منها فكره الورقه اللى فى ايد 

البنت علشان اوصل ل عمر بيه 

شهاده ميلاده 

ما دى الحاجه الوحيده اللى تثبت شخصيته 

انا سرقتها من المكتب من زمان 

واحتفظت بيها لنفسى 

لان ابراهيم كان عامل شهاده لعمر 

باسم جلال وانه كان ابنه 

وبص لجلال وقال : انت لازم 

تثبت انك عمر صاحب كل حاجه 

وتغير اسمك فى البطاقه 

وتعمل إثبات نسب انك ابن محسن بيه 

جلال.. يعنى انا مش ابن ابراهيم 

وامى ماتت مقتوله 

وابويا مجنون 

وكل ده بسبب بنت الكلب دى 

اللى اسمها سناء 

انا مش هسبها انا لازم اخد حقى من عينها

وبنفس طريقتها 

حمزة.. لا يا ابنى انت متعلم 

ومحامى استعمل شهادتك 

وذكاءك فى شغلتك وخد حقك 

ومعاك ورد اهى 

هتقف جمبك 

روح.. انا مش ورد 

انا روح 23 سنه من السيده 

صدقونى يا ناس وكنت بشتغل فى بيت

شغاله يعنى 🥴وطالع عين أهلى 

جلال.. المهم دلوقتى 

انا لازم اشوف بابا 

روح.. الله يخربيته

ما كله بسببه منه لله والله احسن ان اتهبل 
واتجنن

حمزه.. عيب يا بنتى 

جلال.. 😭😭😭😭😭
سيبها يا عم حمزه 

هو فعلا السبب فى كل اللى حصل لنا 

حمزه.. المهم رجع حقك وانا مش هسيبك 

وبحمد ربنا انى عايش 

وان شاء الله هشوفك منصور عليهم 

جلال.. انت بتقول ابويا كتب ليها 

كل حاجة بيع وشراء 

يعنى كل ده بأسمها 

ده لوحده مشكله 

روح.. ما وسيم عايز يلهفه 

ويهرب 

ده غير ياسر 

قاتل ابن عمه 

جلال.. قاتل ابن عمه؟ 

ازاى ده؟ 

روح.. هو قالى ان البت اللى اسمها 

ورد دى قالت إنه اغتصبها 

وقتله بس معرفش تفاصيل 

حمزه.. ما كلهم زى بعض

يلا داهيه تاخدهم 

روح.. يمكن يكون ظلمه 

ما البت ورد دى باين كده انها مش سالكه 

حمزة.. المهم يا بنتى ان عمر 

اسمه يرجع وياخد حقه 

والحق يرجع لأصحابه بقى وارتاح 

جلال.. بس انت ليه مبلغتش من الاول 

يا عم حمزة 

حمزة.. مكانش ينفع 

انا راجل غلبان وكانوا هيودونى ورا الشمس

كان كل اللى فى بالى انى احافظ عليك يا ابنى 

روح.. والبنت الصغيره دى كانت مين 

يا عم حمزه 

حمزة.. البنت دى كانت؟؟؟ 

بعدين المهم دلوقتى 

انا عاوز اعرف جلال هيعمل ايه 

روح.. انا روح ولا ورد 

جلال.. انت روح مش ورد 

انا عارف  ورد كويس

روح.. اخيرا ظهر الحق 

انا روح يا خلق 
حمزة.. وطى صوتك يا بنتى 

الحيطان ليها ودان 

روح.. حاضر

حمزة.. هو انا قدرت اتصرف غير لما 

شوفت البنت الجميله دى 

وعرفت انها مش ورد 

قولت دى هى اللى هتساعدنى 

وفضلت امثل انها ورد واقولها 

كلام هى متعرفوش

اصلا وكانت بتصدق 

ومن يوم ما اتكلمت معاها وقولت ربنا بعتها

طوق نجااه ليه وليك يا ابنى 

روح.. اومال فين ورد 

حمزه.. انا كل اللى اعرفه انها اتخانقت 

مع وسيم ومشيت 

وقال انها سافرت 

وبعدها بكام يوم لقيته راجع الڤيلا 

وشايل على ايده ورد 

بس لما كلمتها عرفت انها مش هى 

ورد 

وياسر قعد جمبها

وطبعا انتم عارفين ياسر بيتعاطى ودماغه مش فيه 

وسيم سبها ومشى 

ورجع بعدها مع سناء،

جلال.. هو ياسر ده ابنها 

حمزة.. بعد ما ابوك اتجنن 

ورمته فى المستشفى 

انا حتى كنت بخاف اروحله 

علشان الملعونه متعرفش انى ليه علاقه بيه 

وتطردنى 

لقيتها داخله معاها راجل وبتقول 

انها اتجوزت 

وخلفت منه ياسر ده 
وبعد كده أطلقت منه 

روح.. جلال فى حاجه مهمه 

تقريبا ورد كانت بتلعب عليك 

علشان تظبط بها حاجه فى التوكيلات 

وكمان على علاقه ب وسيم 

وغير كده كانت طليقته 

كان مكتوب فى الورقه كده 

حمزة.. ده اللى عرفته من كلامه معاها

هما داخلين الڤيلا هنا علشان 

ياخدوا كل حاجه 

وعرفت انه طليقها 

اصلهم كانوا مكشوفين 

وانا سبتهم يلعبوا 

لحد ما روح ظهرت 

جلال.. ايوه صح صح 

هى كانت متفقه مع ياسر يكتب لها كل حاجه 

وانا أقف معاها بس رفضت للأمانة 

مكنتش اعرف انى حاجتى 

وقرب من روح وقال 

انتى ورد من دلوقتى 

عليكى وعلى ياسر 

انا عارف ان كل حاجة باسمه 

يمضى وبس 

ويكتبلك كل حاجه بأسمك 

من الاخر توكيل عام منه ليكى 

وبعد كده انتى ترجعيلى حقى اللى ضاع 

روح.. وانا هرجعلك حقك يا جلال 

حمزه.. عمر يا روح 

روح.. عمر يا عم حمزه 

حمزه.. ايه ده فى صوت بره يا ولاد 

استخبى يا عمر بسرعه 

سناء داخله وبتقول بصوت عاالى

دى قله ادب وسفاله 

قال الشركه ولعت قال 

وسيم.. الحمد لله يا سن سن 

ياسر.. اه الحمد لله 

انا طالع اوضتى 

ودخلوا الڤيلا. 


روح.. انا طالعه بقى 

علشان محدش يشك فى حاجة 

جلال.. خلى بالك من نفسك 

روح.. حاضر 

بس انت عرفت ازاى ان انا مش ورد 

جلال.. بعدين المهم التوكيل عام 

من ياسر ليكى 

حمزه.. يلا يا ولاد بسرعه 

جلال خرج يتسحب

حمزه قفل عليه اوضته 

روح طلعت بتتسحب لحد اوضتها 

ولما فتحت الباب 

قالت فى سرها 

انا لازم ارجع الحق لأصحابه 

ياسر.. حبيبتى ورد كنتى فين 

روح قربت منه وقالت 

حبيبى كنت فى الحمام 

بس انت وحشتنى 

ياسر.. كل سنه وانتى طيبه يا حبيبتي 

روح..وانت طيب بس ليه 

ياسر.. انتى ناسيه ان بكره عيد ميلادك 

اقولك على سر 

روح قربت منه وقالت :

قول 

ياسر.. بكره هنعمل حفله كبيرة ليكى 

وسيم قالى كده 

روح قالت فى سرها 

هنا لازم اضرب على الحديد وقالت

وقربت من ياسر وحضنته 

.. وانت هديتك ليه ايه 

ياسر.. اللى تطلبيه ان شالله عمرى كله 

روح.. انا عاوزه 

ياسر.. انا محضرلك اللى هيسعدك 

وتبقى ست البيت زى ما طلبتى منى 

روح.. اه يا حبيبى بجد 

وقالت فى سرها يا ترى ايه؟ 

ياسر.. بكره الصبح هتعرفى 

بس انتى ارضى عن جلال المحامى 

روح.. بس كده انا هكلمه دلوقتى واعتذرله

على اللى حصل منى 

كلمه وهاته 

وفعلا ياسر كلمه 

وروح خدت الفون وابتدت تمثل انها ورد 

وبالاتفاق مع جلال 

واعتذرت على اللى حصل منها 

وياسر خد الفون وطلب من جلال 

اللى مكانش متوقعه 

انه يعمل توكيل عام ل ورد 

فى التصرف فى كل شئ 

ولما قفل معااه 

روح كانت طايرة من الفرحه 

وحضنت ياسر 

الباب بيخبط وكانت الشغاله

روح قامت فتحت وكان معاها قهوه 

الشغاله.. خودى بسرعه وانجزى 

وسيم بيقولك هو عاوز التوكيل فى اققرب 

وقت 

روح.. حاضر كلها اسبوع بس 

بس لازم يفهم ان الورق كلة خلص 

الا التوكيل 

الشغاله.. سلام دلوقتى 

القهوه دى فيها منوم بس خليه يطفحها

علشان وسيم عايزك فى المرسم 

روح.. ماشى ماشى

وقفلت الباب ودخلت وقالت فى بالها 

كويس خليه ينام علشان اقدر انام 

وشرب القهوه 

ونام 
ونامت روح على الكرسى 

وسيم قاعد فى المرسم على الأرض وبيبكى 

روح منزلتش

قام وطلع اوضته وكان مضايق منها 

وفى صباح اليوم التالى 

الساعه العاشره صباحا 

ياسر مع جلال وعمل توكيل عااام ل ورد 

وسيم بيحاول يكلم روح 

إنما هى مطنشاه 

وقاعدة فى اوضتها 

ولما ياسر وصل 

عرفت منه أن خلاص عمل لها التوكيل 

فرحت وحاولت تمشى من الڤيلا 

ولكن نزلت لحمزة 

تبلغه ان الحق رجع ب التوكيل 

ولازم تمشى من الڤيلا 

وكله فى ايد جلال 

بس طلب منها تأجل العيد ميلاد اسبوعين 

وتقعد فى الڤيلا وده طلب جلال 

ووافقت وقعدت 


وفى نفس الوقت جلال راح لابوه المستشفى 

وشافه واخد منه عينه تحليل dna

علشان يثبت قدام الكل انه ابنه 

بس محسن كان مش عارفه 

وكانت حالته سيئه ومريض 

وجلال سابه ومشى 

ورغم اللى عمله فى امه وفيه 

بس صعب عليه 

ورجع بيته تعبان نفسيا 

وافتكر ورد 

وروح فى نفس الوقت 

وقال اكيد وسيم عارف ان دى مش ورد 

وحب يلعب بيها 

واكيد ورد جرالها حاجه 

انا عارف

بس اخلص من الإجراءات اللى بعملها 

وكله حاجه هتظهر 

كلها كام يوم 

وبعد اسبوع.. 

فى الڤيلا.. 

الوضع زى ما هو 

ياسر وضعه بيسيئ من الشرب 

وبعد روح عنه 

والام مع وسيم فى دوامته 

ووسيم مستنى روح 

تجبله توكيل عام 

علشان يهربوا الاتنين 

وياخدوا كل حاجة 

وطبعا هو عارف انها مش ورد 

وبيلعب عليها 

روح قاعده فى الجنينه 

حمزة شاور لها ودخل المرسم 

روح دخلت وراه 

وقالها 

.. جلال بيقولك قولى ل ياسر 

يعملك عيد الميلاد 

يوووم الخميس 

روووح.. اخيرا حاضر 

وفعلا روح طلبت من ياسر 

يعمل لها اكبر عيد ميلاد 

فى الوقت اللى طلبه جلال 

بعد ما أجلته معااه 

ياسر نزل جرى وطلب من وسيم يجهز 

العيد ميلاد 

وطلع اوضته 

روح نازله 

وسيم.. تعالى هنا عاوزك 

روح.. ايدى فى ايه 

وسيم.. مالك 

متغيره ليه 

وبعدين المغفل ده معملش التوكيل ليه 

المفروض كان عمله 

دى المخدرات لحست عقله 

يا ست انجزى 

روح.. ما دى بقى المفاجأه اللى كنت محضرهالك

وسيم.. مفاجأه ايه 
روح.. ما يوم الخميس 

التوكيل هيكون هديه عيد ميلادى 

وسيم.. بجد بجد ياااه اخيرا يا حبيبتى 😍

روح.. شوفت بقى يا عمرى 

انا بحبك قد ايه 

وسيم قرب منها ولسه هيبوسها 

روح.. ايه ده حد يشوفنا 

وسيم مبتسم وفرحان 

ومش قادر ياخد نفسه من الفرحه 

روح.. انا خارجه الجنينه 💋💋💋

وسيم.. بحبك 💋💋

وبعد ايام وكان يوووم الخميس 

وابتدت الڤيلا تجهز لعيد ميلاد ورد 

وكانت الساعه 7 مساءا 

بحضور جلال المحامى 

وكل أعضاء، الشركه 

والمدعوين من أصحاب سناء

وسيم ظهر وكان وسيم فعلا فى هيئته وملابسه

رووح نزلت زى الملكه 

بملابس انيقه وكلها انوثه 

وكانت جميله جمال مش، عادى 

وسيم قال فى سره انا شايفك ورد وبس😭

سناء،.. امتى تحلى عننا 

ياسر.. قلبى نازل 
جلال واقف عينه منها 

حمزه.. ما شاء،الله 😍 


وابتدت نغمات الدى چى تشتغل على موسيقى 

انزل يا جميل فى الساحه 

روح نزلت كالملكه 

وسيم قرب منها ونسى ومد ايده 

ياسر مد ايده يرقص معاها 

جلال مد ايده وشغل ريموت الشاشه

وهنا شاشه العرض اشتغلت بنفس الفيلم 

وصوت الموسيقى وقف 


روح بصت ل وسيم وقالت 

شوف كده الفيلم ده 

الفيلم اشتغل والمره دى كان فيه 

صوت بيتكلم وكان صوت جلال 

الكل بص على الشاشه متنح 

ايه ده وفى ايه 

سناء بصت ومتنحه

ياسر.. ايه ده فى ايه 

سناء ابتدت تتوتر 

جلال قرب منها 

وأول لما ظهرت غرفه النوم 

والست بتخنق الست التانية 

روح.. قتلوها 

والراجل شال الست ودفنها 

روح.. خدوا الولد يا عينى 

يا حرام 

جلال قرب من سناء وقال 

ايه يا مدام سناء الفيلم ده مفكرش حضرتك بحاجه 

سناء.. انت مين وعاوز ايه 

جلال.. انا عمر 

وسيم.. فى ايه 

حمزة.. عمر يا سناء فكراه 

اللى قتلتى امه وضيعتى ابوه ورميتيه 

فى مستشفى المجانين 

وكنتى كمان عاوزاه يضيع 

وتقتليه زى امه 

سناء.. انت بتخرف يا راجل انت 

عمر مين؟ 

محسن ظهر وحالته سيئة 

جلال.. ده ابويا 

والحق ظهر وانا عمر محسن القلعاوى 

وامى سلوى أطهر ست ماتت مظلومه 

مهربتش زى ما قالوا 

سناء.. يلا اطلعوا بره 

ده بيتى انا 



جلال.. ههههههه ههههههههه

ما الاستاذ ياسر عمل التوكيل ل ورد 

وورد بقى كتبت كل حاجة بأسمها

ورجعتلى حقى 

وطلع كل الورق اللى يثبت انه عمر 

روح قربت منه وحطت ايدها على كتفه 

وقالت : حصل يا سناء، هانم

وسيم قرب منها وقال 

انتى عملتى ايه يا مجنونه 

وطلع مسدس، من جيبه 

ولسه هيضربها 

جلال دافع عنها وكان راجل بجد 

وخد المسدس من ايده وخنقه 

وقاله.. فين ورد 

وسيم.. دى ورد 

جلال.. انت عارف انها مش ورد 

بقولك فين ورد 

روح.. الشغاله 

ومسكت الشغاله وقالت 

هى دى اللى عارفه 

فين ورد يا بت 

الشغاله.. معرفش

روح.. بقولك قولى فين ورد 

الشغاله.. وسيم ضربها على دماغها 

وماتت فى ايده 

ودفنها فى الصحراء 

هو قالى كده 

انا مليش دعوه 

روح.. يا ولاد الكلب 

سناء ابتدت تنهار 

لما قرب منها محسن ومحدش واخد باله  وخنقها ووقعت ماتت

ياسر.. ماما ماما 

سناء ماتت فى الحااال 

وسيم انهار وقال :انا قتلت ورد حبيبتى 

كله بسبب عمايلها 

كانت بتغيظنى بجلال 

وفى الاخر قالت انا هعيش مع ياسر 

بعد ما ضحكت عليه وخلتنى طلقتها 

علشان تتجوز المتخلف  ده وتاخد فلوسه 

بعد ما عرفت ان امه كتبت بأسمه كل حاجه 

جلال.. هى تعرفه منين 

وسيم.. كانت بتشتغل فى الشركه 

سكرتيره 

وهو كان عينه منها 

وفى يوم كان مبسوط وكان لسه بعقله 

وقالها ان سناء كتبت كل ما تملك بأسمه 

لقيتها راجعه البيت وكانت زى المجنونه 

وفرحانه فى نفس الوقت وطلبت الطلاق 

واتفقت انا وهى 

واتجوزت انا سناء وهى اتجوزت ياسر
لحد ما حصل اللى حصل 

وموتها بإيدى دى 😭

كانت تستاهل الموت 

وفى يوم شوفت بنت واقعه على المحطه 

مغمى عليها والناس بتقول فين شنطتها 

عاوزين يعرفوا هى مين 

كنت واقف بركن 

ولما شوفتها لقيتها ورد 

فى الاول اتلغبطت انا عارف انى قتلتها 

بإيدى بس خدتها وقولتلهم انى اعرفها 

وشيلتها ورجعتها الڤيلا 

وساعتها كل اللى فكرت فيه انها تكمل اللعبه 

وكنت بمثل عليها طول الوقت 

وسبتها ومشيت بعد ما فهمت ياسر انها 

رجعت من السفر

أصلها كانت متخانفه 

معايا وقالت إنها مسافره 

كانت زهقت منى 

سى جلال كان مالى عينها 

واتجننت لما منع نفسه منها 

انا مستحملتش وقتلتها 

وياسر كان شارب 

ومش عارف حاجه خالص 

وفرح لما شافها رجعت

ياسر.. يعنى دى مش ورد 😭

روح.. انت ده انت مش سهل يا قتال القتله 

وقربت من وسيم وقالت فين شنطتى

وسيم.. شنطتك انا رميتها 

روح.. يخربيتك 

وسيم.. ابعدى عنى كتك القرف 

روح.. يلا يا قتال القتله 

وبعدين فين الخاتم بتاعى 

حرام عليك ده ذكرى من امى 

وسيم.. قولتلك انا رميت كله كله 

روح.. منك لله 😭 



=وهنا البوليس دخل عليهم ببلاغ من جلال 

وقبض على كل الموجودين 

وسيم بعد اعترافه انه قتل ورد اعترف بقتل نبيل 

صديق جلال

اتقبض عليه وخد جزاءه وأوراقه اتحولت لمفتى 
الديار 

روح اعترفت ان ياسر قتل ابن عمه 

حسام واتقبض عليه بعد ما اعترف بجريمته 

سناء ماتت بخنق من محسن 

ام محسن رجع المستشفى الأمراض العقليه 

وحالته ساءت اكتر لحد ما ماااات 
والشغالة خدت نفس جزاء وسيم 

واتقبض عليها بعد ما اعترفت ان الطفله فريده

بنت اختها مش بنت ورد وكله كان تمثيل 


** اما جلال حقه رجع ورجع ڤيلته وعاش فيها 

واسمه رجعله وأصبح عمر محسن القلعاوى 

حمزة .. البنت روح وحشتنى 

جلال.. تخيل وانا كمان 

بس انا كلمتها النهارده علشان تيجى 

تتغدى معانا يا عم حمزة 

حمزه قال بابتسامه عريضه 

معانا ولا معاك 

بصراحه البنت حلوه وأخلاق 

وهى كانت طوق نجاه ليه وليك يا ابنى 

جلال.. انا خايف بس 

أصلها شكل ورد اوى 

ورد دى كانت حاجه حلوه 

اغراء وانوثه وكل حاجة 

حمزه.. يلى تغور اهى ماتت وريحتنا 

إنما روح 

حاجة تانيه خالص 

جلال.. عارف رغم كل اللى حصل بس كان 

نفسى اعرف صوره مين اللى فى المرسم 

بعد ما تم تجديده اصل انا رميتها

حمزه.. الصوره دى سناء بعد ما جننت ابوك 

وسرقته أطلقت منه 

وحطت الصورة دى وكانت كل لما تشوفها 

تعيط 

روح داخله الڤيلا 

يلى هنا عمى حمزه 

جلال.. روح 😍

حمزه.. تعالى يا بنتى 

روح.. انتوا هنا بتعملوا ايه 

جلال.. كنا بنتكلم على الصوره اللى فى المرسم


روح.. واللى يقولك موضوع الصوره تديله كام 

جلال.. عمرى كله ❤️

روح.. انا سألت ياسر 

وطبعا قالى وهو مرعوب 

انها كانت صوره خالته وطبعا سناء كانت واكله 

حقها وماتت من القهره 

كانت بتيجى فى الأحلام ل سناء تطلب حقها

راحت لشيخ وعمل عمل على الصوره 

وقالها تحطها فى المكان اللى عايشة فيه 

ومش هتحلم بيها تانى 

وفعلا عملت كده

جلال.. وحشتينى وحشتينا 

روح.. وانتم كمان عارف يا جلال 

قصدى يا عمر 

انا مبسوطه ان حقك رجع اول مره اعمل حاجة 

مفيده فى حياتى 

عمر.. احكيلى انتى مين بالظبط 

عندك اخوات ولا لأ

روح.. انا يتيمه مليش حد 

اتربيت مع ماما لحد ما ماتت اشتغلت علشان 

اصرف على نفسى 

شغاله فى بيت 

كنت ساعات بحلم ان ليه اخت 

أسمها منار 

وكنت بتكلم معاها كمان 

تخيل لما وسيم الله يلعنه قالى 

انتى ورد 

قولتلوا انا روح 23 ساكنه فى السيده 

وكمان ليه اخت اسمها منار مستنيانى 

انا مكنتش بكذب 

بس الوحده اللى عملت فيه كده 

عمرى ما عرفت يعنى ايه راجل 

وحضن راجل 

ده لما وسيم حضنى حسيت احساس 

غريب 

عمر.. ايه ده هو حضنك 

روح.. يعنى بس انا بعدت 

عمر.. انتى جميله 

روح.. مش هتقولى عرفت ازاى انى مش ورد 

عمر.. من ضهرك 

أصلها كان فيها شامه فى ضهرها

وعلى فكره ورد كانت غيرك فى حاجات 

وكويس ان ياسر وسناء مخدوش بالهم 

روح.. زى ايه 

عمر.. عينها كانت أخضر عسلى 

وانتى لون عينك عاديه 
روح.. اكيد افتكروا ان لابسه عدسات 😂

عمر.. اكيد 

ما هى كانت مجنونه 

روح.. شكلك بتحبها 

عمر قرب منها وقال 

ده مش حب 

اللى بنا كان فى السرير وبس

إنما الحب ده هى متعرفوش 

روح قالت فى سرها : اه بحبك اوى 

ياريت تحس بيا 

عمر.. ايه ده 

روح.. ايه ده 

ده البنت يا جلال قصدى يا عمر 

الحقها قبل ما تختفى 

اكيد فى مصيبه جديده

حمزه... ههههه دى تبعى 

عارف يا عمر بيه دى مين 

عمر.. مين 

حمزة.. جدتها كانت صاحبت مامتك الروح بالروح

وكمان أصحاب ارض الڤيلا المهجوره  

اصلهم ماشيوا من زمان ولما رجعوا 

انا شوفتها وقولتلها الحكاية كلها 

ولما عرفت الحكايه 

عرضت عليه انها تساعدنا 

وفى يوم بعتت بنتها الكبيره 

وبنتها اللى من سنك 

وكمان زوج بنتها 

ومثلوا الفيديو ودى كانت فكرتهم 

علشان نساعد روح فى إظهار الحقيقه 

كامله 

وطبعا كانت سناء فى الشركه وياسر نايم كالعاده 

وروح كانت مع وسيم 

عمر.. انت باشا وحاجه عظمه يا عم حمزه والله تنفع 

فى المخابرات 

حمزة.. والله يا ابنى زوج بنتها 

اللى قال الفكرة ورتب لكل شئ 

روح.. كده يا قمر 

كنت كل لما أقرب منها تستخبى 

البنت.. كنت بدخل غرفه جدو حمزه 

عمر.. ان شاء الله لازم اشكرهم 

وكمان نعزمهم على الغدا 

وقرب من البنت وحضنها وطلب منها 

يشوف مامتها وجدتها 

البنت.. بابا بره 

ودخل ابو البنت وسلم على عمر 

وكان فرحان من رجوع الحق ل عمر 

وبعد ما مشى عمر دخل الڤيلا 

حمزة.. تتجوزى عمر يا روح 

روح قالت بفرحه ولهفة : هو قالك 

يا عم حمزه 

عمر.. انا اللى بقولك اهو 

تتجوزينى يا روح 

روح.. انت بتحبنى 

ولا بتحب ورد 

عمر مسك ايدها وقال 

ورد راحت 

وعمرى ما حبيتها وانا قولتلك 

هى كانت بالنسبه ليه ايه 

إنما انتى حاجه تانيه 

انا نفسى اتجوز وأخلف 

واعمل عيله يا روح 

روح.. وانا كمان 

وبعد مرور شهر.. 

عمر اتجوز من روح 

وعمل لها أجمل فرح 

وكانت زى الأميره وبعد 9 شهور 

خلفت تؤام بنت وولد سلوى على اسم مامته 

وجلال على اسمه علشان اسمه اللى عاش 

بيه يفضل موجود 

وبعد مرور 5 سنوات سعاده وحب 

بين روح وعمر 

روح قاعده مع ولادها فى غرفتهم 

وكانت بتنيمهم وقالت 

يلا نحكى حكايه 

سلوى.. قولى يا مامى 

روح.. احكلكم ايه 

سلوى.. حكايه سندريلا

روح.. فى حكاية تانيه 

بس حلوه اوى 

جلال الصغير قال.. 

أسمها ايه 

وابتدت روح تحكى وقالت : 

كان فى بنت جميله اسمها ورد 

كانت حكايتها حكاية 

سلوى.. مين ورد 

دخل عليهم عمر وقااال :


تاااانى يا روووح ورد تااانى 

روح.. خلاص خلاص 

يا قلب روح 

عمر.. بحبك ❤️

روح.. بموت فيك 💋

وتمت قصتنا😍

القصه كل أحداثها من خيااال المؤلفه 

كوكى سامح ❤️ 

علقوا ب 20 ملصق 🔖 علشان يوصلك اشعار الروايه الجديده

وعاوزه رأيكم في كومنت ♥️ 


































 

الكاتبه كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم :

  1. اكثر من رائعه كالعادة

    ردحذف
  2. القصه روعه الروعه وفعلا شابو ليكي

    ردحذف
  3. جميلة ومبدعة يا كوكي

    ردحذف
  4. حلوة اوووووى يا كوكى ❤❤❤تسلم ايديكى حبيبتى

    ردحذف
  5. احلي قصه قراتها ليكي انت مبدعه فعلا

    ردحذف
  6. ماشاء الله عليكي قصة في منتهي الرووووعة سلمت يداكي

    ردحذف