-->

 




روايه بلا رحم



الجزء العاشر



الكاتبه كوكى سامح



بجد حبايب قلبيييي انا اسفه على التأخير بس غصب عنى لأن لينك المدونه كان محظور من على الفيس 


احب افكركم بالأحداث اللى فاتت علشان لو حد نسى ولا 

ولا حاجه.. احنا وقفنا لحد ما يسرى اكتشف ان مصطفى 


على علاقه ب هاجر صديقه فجر الروح بالروح 


ولما مصطفى شافه ضربه على دماغه وفقد الوعى واتهمه 


انه كان يسرق مجوهرات فجر.. وبالنسبه ل رضوى


إسراء وعامر اتأكدوا من الاختبار انها مش حامل وكانت 

صدمه كبيره ليهم 


اما فجر بعد ما اتقبض عليها فى الشقه المشبوهه.. ربنا سخر


لها الظابط احمد ووقف جمبها.. هى كانت تعرفه من 3 سنين


وكان فى ما بينهم قصه حب وانتهت بعد ما عرف ان فجر 


هتتخطب لأبن عمها مصطفى.. ومع الأحداث القادمه 


هتعرفوا كل التفاصيل عن علاقه احمد ب فجر كويس 


اظن كده بقى كله واضح تعالوا معايا نشوف ونقرأ أحداث قصتنا.. توكلنا على الله 


الجزء العاشر


ج. 10... #بلا_رحم

__ طبعا احنا وقفنا لحد ما حسن رفع المسدس على يسرى فجأه يسرى قام وفاق لان الضربه مش قويه ومن جهه تانيه احمد طلع تسجيل الصوت ما بين هاجر ومصطفى وكل الحوار اللى دار ما بينهم.

حسن بذهول.. ايه ده؟! 

احمد.. ده تسجيل صوت بين مصطفى وهاجر واتعصب.. انا اخويا بريئ.. مش حرامى


مصطفى قرب منه ومسك فيه.. انت بتسجل لنا

يا ابن الخدامه.. يسرى قام وكان دايخ من الضربه

ومسك فى مصطفى بكل قوته.. ابن الخدامه اشرف منك ومن عيلتك كلها وضربه بالبوكس فى عينه.. مصطفى اتجنن.. انت بتمد ايدك عليه


 والاتنين نزلوا ضرب فى بعض.. محمد سلك ما بينهم ووجهه الكلام لأحمد اخو يسرى وقال.. هات التسجيل ده احنا عاوزين نسمع فيه ايه!؟ 


مصطفى.. الواد ده نصاب وكذاب.. اكيد ده مقلب منه


__ هاجر خارجه من اوضه رضوى على صوتهم

وكانت بتمثل انها نايمه.. جريت على اوضه فجر


هاجر.. فى ايه؟ مالكم! فجر جرالها حاجه

احمد طلع التسجيل وشغله قدام الكل


__ العيله كلها واقفه بتسمع اللى ما بين مصطفى

وهاجر


هاجر بذهول.. ايه ده؟ مش انا.. والله ما انا

محمد جرى عليها وجابها من شعرها.. يا خاينه يا

بنت الكلب.. وانا اللى كنت بحبك ومش شايف حد غيرك.. وقرب من مصطفى.. انت تخونى وتخون اختى.. طيب هى مش مننا ولا من دمنا.. إنما أنت

ابن عمى.. يا خساره يا مصطفى



__ فى فيلا عامر __


__ إسراء قاعدة بتعيط على حظها ونصب نشوى

عليهم وان رضوى مش حامل


عامر قعد جمبها وخدها فى حضنه وكان بيواسيها


رضوى.. على فكره انتم لازم تحمدوا ربنا انى مش حامل.. لان انا اغتصبنى 3

عامر بذهول.. نعم.. تلاته اغتصبوكى

إسراء.. يا نهار اسود


رضوى بدموع.. الدكتور اغتصبنى واتنين شباب

دخلتهم عليه القواده نشوى.. يعنى لو حامل مكنتش هعرف مين ابو البيبى.. أحمدوا ربنا


إسراء بتلطم على وشها.. هعمل ايه دلوقتى

بعد ما قولت لكل أهلنا انى انا حامل وبصت

لعامر.. الحل ايه..ها.. رد عليه؟ 


رضوى.. الحل انك ترضى بقضاء الله وحكمته

إسراء بانهيار.. لا لا انا مش راضيه.. انا تعبت من معايرة الناس ليه


رضوى.. من عاب ابتلى ولو بعد حين.. عارفه

انا كنت بعيب على واحده ويمكن ظلمتها.. قعدت على الأرض وعيطت.. قبل ما اتخطب من ابن عمى كان بيحب بنت صديقه اخته جدا وللأسف مكنش


حب وبسسس.. نشأ ما بينهم علاقه واتطورت

جامد وكنت كل لما بشوفها اعايرها واقولها.. انتى مش بنت.. انتى بنت مش نضيفه.. والخ.. وكتير كلام من ده.. الكلام اللى بيوجع 


لحد ما اتعمل فيا اللى حصل فيها.. حبيت شاب

جارنا اوى والحب اتطور ما بنا لدرجة اننا عملنا

علاقه مع بعض وبقيت زيها بالظبط.. وفجأه بابا


حكم عليه اتخطب لأبن عمى اللى هو نفسه كان بيحب البنت اللى كنت بعايرها.. وكمان حكم على


اخويا يخطب اخته اللى مش بيحبها.. فى وقتها


انا ضايقت جدا وكلمت الشاب اللى ضحيت بكل

حاجه علشانه.. اللى خد منى شرفى.. اتوسلت اليه


كنت بتحايل عليه علشان يتقدم ليه قبل ما اتخطب لأبن عمى.. لكن للأسف رفض وسافر


بعد ما عايرنى.. وبعد كده حصل فيا مصايب


3 اغتصبونى والبنت اللى كنت بعايرها بقت

انضف واحسن منى الف مره.. انهارت.. إنما أنا


ضعت خلاص وربنا خلص منى اللى كنت بعمله

فيها وفى غيرها.. والله من عاب ابتلى صدقونى


عامر.. انا مش هسيب اللى اسمها نشوى دى


ومسك الفون وكان بيتصل بيها ولكن مغلق


إسراء.. خلاص.. احنا اتنصب علينا


رضوى.. ممكن أمشى.. انا خلاص وجودى مبقاش لى اى لازمه هنا!؟ 


__ عامر بص لمراته.. نعم.. تمشى تروحى فين! 

رضوى.. انا مخطوفه من فترة ونشوى هى اللى

جابتنى هنا وكمان انا مش حامل.. هقعد اعمل

ايه هنا.. سبونى امشى ابوس ايدكم.. انا بنت ناس 

وعندى عيله 


إسراء قربت منها وقالت.. تتجوزى عامر

عامر.. بتقولى ايه؟

رضوى.. انا! 


تنبيهه بسيط ياريت التفاعل ب لايك 

و20 ملصق علشان الحظر ميرجعش تانى ونكمل قصه فاطمه على خير التنبيه ده لكل الأعضاء المتفاعله والصامته لاستمرار النشر


__ فى قسم الشرطة __


__ بعد ما الظابط احمد سمع اعتراف الشاب

وعرف منه أن مصطفى كان السبب فى وجود فجر

فى الشقه المشبوهه.. واعترافه انه كان بياخد


منه حبوب منومه وكمان سم وكانت بتشاركه هاجر فى كل اللى عمله.. فجر انهارت ووقعت


من طولها ولما فاقت

فجر.. معقول ابن عمى وصاحبتى هما اللى عملوا فيا كده


الظابط احمد.. للأسف ايوه.. كمان الشاب اعترف

ان مصطفى وصلك ومعاه نفس البنت للشقه

وانتى كنتى واخده منوم


فجر.. طيب ازاى خدت منوم! 

الظابط احمد.. كله واضح يا فجر.. افتكرى كلامك

كويس لما قولتيلى اخر حاجه فكراها ان مصطفى

قدملك عصير ليمون.. اكيد كان فى منوم وبعد


ما اتأكد انك مش حاسه بحاجه خدك هو وصاحبتك على الشقه وسابك هناك


فجر.. طيب ليه يعمل كده.. ليه ؟

الظابط احمد.. مش عارف.. بس اكيد عاوز يسوء

سمعتك.. والارجح علشان الجوازه تبوظ.. او يمكن

فى سبب تانى الله اعلم


فجر.. انا عاوزه اموت وأرتاح من الدنيا دى


لما اللى منك يإذيك فى شرفك وعرضك.. الغريب


هيعمل فينا ايه.. بجد مبقاش فى امان.. وانهارت


الظابط احمد.. انا مش هسيبك يا فجر وهرجعلك

حقك من الكلب ده


فجر.. انا عاوزه اقولك حاجه.. ومسكت ايده

الظابط احمد.. قولى.. متخافيش


فجر بدموع ووجع.. انا قتلت امى يا احمد

الظابط احمد بصدمه.. قتلتى امك.. مش معقول؟

فجر بانهيار.. والله قتلت امى.. انا هقولك ع كل

حاجه وابتدت تحكى كل اللى حصل من يوم ما جت لها الرساله وعرفت منها انها تحذير من اقرب ما ليها وبعدها عرفت ان الشاب اللى بعت الرساله

طلع مقتول من بعد الرساله على طول 


الظابط احمد بذهول.. معقول.. انا مش مصدق 

الكلام اللى انتى بتقوليه ده.. فجر قاطعته فى الكلام.. ولسه كمان لما تعرف المصيبه الكبيره 

اللى اكتشفتها بعد الرساله 


الظابط احمد.. اكتشفتى ايه يا فجر.. كملى 


فجر بدموع وكسره.. الرساله اللى اتبعتت ليه مكانتش بتوضح حاجه غير ان حد بيإذينى وانا هخسر أعز حاجه ما تملكها البنت.. انا وقتها مفكرتش هخسر ايه غير لما حسيت بالالم والوجع 

وكان عندى نزيف جامد جدا.. روحت كشفت وطلع 


ان حبوب منع الحمل عملت ليه ورم على الرحم ومكانش لى اى علاج غير انى استئصل الرحم


وانهارت.. انا فعلا فقدت اعز ما تملكه اى بنت.. فقدت انى اكون ام 😭 وهتحرم عمرى كله من كلمه ماما.. انا من غير رحم يا احمد واترمت 


فى حضنه.. احمد خدها فى حضنه.. هو انتى 

كنتى بتاخدى حبوب منع الحمل ليه؟! 


فجر.. انا مخدتش حاجه.. انا كل اللى عرفته ان 

حد من العيله هو اللى حطه ليه فالعصير بتاعى 

فى الاول شكيت فى مصطفى وبعد كده شوفت 

العصير فى اوضه عمى وكمان شريط برشام منع الحمل فتأكدت انه هو اللى بيعمل كده 


وبعد النهارده واللى عرفته اقدر اقولك انى معرفش مين اللى حط ليه البرشام فى العصير


الظابط احمد.. انا عارف 

فجر.. مين؟! 

الظابط احمد.. هاجر ومصطفى.. مين الواضح 

انهم مش سالكين خالص وبعدين اللى ياخد منوم وسم علشان يإذى اى حد بالطريقه دى.. يبقى سهل عليه جدا يحرمك من كلمة ام او يموتك كمان 


فجر.. انا لازم اخد حقى منهم بعد ما خلونى قتلت امى 


الظابط احمد.. قتلتيها ازاى.. ممكن اعرف؟ 

فجر.. انا اتفقت مع.. وسكتت 

الظابط احمد.. اتفقتى مع مين؟ 


__ فجر افتكرت يسرى وقالت فى سرها.. هو مالوش ذنب انا هعترف على نفسى وبس.. يسرى

كان بيساعدنى علشان بيحبنى 


الظابط احمد.. كملى.. مين ساعدك.. ها؟؟ 

فجر.. مفيش حد.. انا اشتريت سم وحطيته فى الشاى لعمى بعد ما عرفت انه حطلى حبوب منع الحمل واتحرمت انى اكون ام.. وللأسف ماما هى اللى شربته وماتت 😭😭😭 انهارت.. انا قتلت امى..... 


الظابط احمد.. فى حاجه غلط 😁 

فجر.. ايه هى! 

الظابط احمد.. اومال هاجر ومصطفى خدوا سم ليه من الولد اللى مرمى فى الحبس؟! عموما انا لازم اقبض عليهم حالا 


فجر بدموع.. ياريت.. وبصتلو اوى.. انا اسفه يا احمد.. انا عارفه انى ظلمتك زمان.. بس صدقنى 

انا كنت لسه صغيره ومعرفش يعنى ايه حب 


احمد بوجع.. انا مسامحك يا فجر.. مسك ايدها 


فجر لمست دبلته.. انت خطبت 


الظابط احمد.. ايوه من فتره.. ربنا عوضنى ببنت 

بنت حلال بجد ❤️ .. ربنا يديمها نعمه فى حياتى 


فجر.. مبروك🥺 

الظابط احمد.. عقبالك 

فجر بكسره.. عقبالى ايه بقى.. انا كده كده ميته 

وهتسجن 


الظابط احمد.. مش هتتسجنى يا فجر.. انا جمبك


والله انا حاسس انك بريئه والجانى مصطفى وهاجر


فجر.. 😭😭😭😭


الظابط احمد.. انا لازم اخد اجراء واقبض على مصطفى وهاجر حالا

فجر.. ياريت.. ياريت يا احمد


__ احمد رجع وفكر وقال.. الأول هعمل تحريات

عن هاجر.. وبعد كده هقبض على مصطفى وهاجر

بتهمه اعتراف الشاب اللى كان معاكى فى الشقه



انه كان بيجيب لهم منوم وكمان سم والله اعلم ايه كمان.. بس كله هيبان


__ فجر مسكت ايده.. اوعا تسبنى يا احمد


.. متقلقيش يا فجر انا عمرى ما هسيبك.. انتى اكتر من اخت.. فجر عيطت.



__ فى فيلا عامر __


__ رضوى بعد ما إسراء قالت لها تتجوز من عامر

رفضت وطلبت تمشى وانها ملهاش اى لزمه انها 

تقعد معاهم بس عامر طلب منها تستنى لحد ما يكلم نشوى وكان بيتصل بيها ومغلق طول الوقت. 



____ فى فيلا حسن ____



__ حسن بيحاول يسلك ما بين ابنه مصطفى ومحمد بعد ما عرف ان هاجر حبيبته خانته مع ابن عمه مصطفى.


حسن قرب من يسرى.. كل ده بسببك يا كلب.. رفع ايده ولسه هيضربه بالقلم.. ام يسرى مسكت ايده 


حسن.. بتعملى ايه يا ست انتى 

ام يسرى.. اوعا تفكر تمد ايدك على ابنى يا حسن 


حسن.. ايه ده.. بقى انتى يا خدامه تقفى قدامى 

ام يسرى.. انا مش خدامه.. انا ستك يا حسن 


يسرى.. انا امى مش خدامه.. انت فاهم ولا لأ


حسن.. هحبسك يا كلب 

ام يسرى.. الحبس ليك انت ولاشكالك يا حرامى 


انت عارف يسرى ده مين.. يسرى ابن رضوان 


اللى انت اخدت فلوسه ورميته فى السجن فاكره


حسن بذهول.. رضوان وسند على الحيطه.. رضوان؟ 


الجده.. رضوان شريكك.. مش انت قولت انه مات 


ام يسرى.. لا يا هانم.. رضوان ابو ولادى اتحبس بعد ما ابنك خد فلوسه كلها وخلاه يداين

وخد منه كل حاجه.. ولما طلب حقه حبسه وتهمه فى قضيه قتل ومحكوم عليه ب 25 سنه سجن


وجوزى وابو ولادى مظلوم. 


ونزلت جرى على المطبخ والكل نزل وراها


وجابت سكينه وكانت بتحاول تضرب بيها حسن


بس يسرى خدها منها وانهارت 😭 منك لله يا حرامى.. اشتغلنا خدامين بعد ما اخدت مننا كل حاجه.. منك لله


حسن بعصبيه وبغضب.. انا مش عاوز اسمع حس

اى حد فيكم.. مسك الفون وبعت رساله من غير

ما اى حد ياخد باله.. وقعد يتكلم مع احمد


وسأله ازاى سجل حوار هاجر ومصطفى ازاى 


وفجأه قال ل هاجر تمشى وتسيب الفيلا خالص


محمد.. تمشى ازاى انا لازم اموتها واشرب من دمها

هاجر بخوف.. انا مش خاينه.. يسرى واخوه


هما اللى عملوا فينا المقلب ده


محمد.. كذابه ولسه كمان بتكذبى.. مسك ايدها


وجرها لحد بره بملابس النوم وطردها وكان


الكل مستغرب من اللى عمله


حسن.. يلا كل واحد فيكم يطلع على اوضته

محمد قرب من مصطفى.. فين فجر


مصطفى.. معرفش


محمد.. عارف لو ليك يد فى اختفاء اختى فجر

مش هيكفينى فيك غير الموت


يسرى.. انا حاسس ان مصطفى يعرف طريق فجر؟ 


مصطفى.. أخرس يا كلب 

يسرى.. اللى يخون سهل عليه يعمل اى حاجه 


__ وفجأه دخلت رجاله حسن وهجموا على ام يسرى وأولادها 


حسن.. خودوهم على المخزن 


__ الرجاله قربت منهم وكان احمد ويسرى بيقاوموا ولكن كانوا هما الأضعف وبالفعل 

خدوا ام يسرى واحمد ويسرى على المخزن. 


محمد بذهول.. ايه ده.. فى ايه يا عمى.. انا حاسس اننا عايشين فى مافيا.. انت خدت ام يسرى.. واحمد.. ويسرى على فين.. يا ترى هتعمل 

فيهم ايه.. هتموتهم ولا هتلبسهم جريمه قتل زى ابوهم 


حسن.. اتفضل اطلع على اوضتك وملكش دعوه بالموضوع ده خالص 


محمد بغضب.. فجر بس تظهر وهاخد اخواتى وميراث بابا وهمشى من هنا 


حسن بتوتر وانفعال.. اطلع على فوق.. انا مش 

عاوز اشوف حد فيكم دلوقتى.. وفعلا خد زيزي

اخته وطلع وهو مش مصدق نفسه من اللى حصل


وقرب من ابنه مصطفى وضربه بالقلم.. انت عملت 

ايه كمان.. انت تعرف مكان فجر 

مصطفى.. لا لا معرفش وطبعا كان بيكذب.. وطلع جرى على اوضته. 




___ بره على باب الفيلا هاجر واقفه بملابس النوم 

وبتعيط.. ماشى يا مصطفى يا جبان يا واطى 


بقى تسيب محمد يطردنى.. ماشى وقعدت مكانها


وشافت الرجاله وهما واخدين يسرى وامه واخوه


على المخزن.. وسمعت صوت حد بيبسبس.. بصت 


وشافت مصطفى واقف فى شباك اوضته.. قربت 


ولسه هتتلكم معاه كان دخل اوضته من الخوف ان اى حد يشوفه .. بس لقت هدومها نازله على وشها والفون بتاعها.. لابست بسرعه ومشيت. 



__ جوه الفيلا مفيش غير حسن وامه 


الام بذهول وحزن.. انت تعمل كده.. قربت منه.. 

تضحك عليه وتقول ان شريكك رضوان مات.. انت تكذب عليه يا حسن وضربته بالقلم 


حسن.. بتضربينى يا امى 

الام.. ياريتني ضربتك من زمان مكانش حصل معانا كل ده.. بتكذب عليه ليه.. وانهارت رد عليه؟ 


حسن.. انا مكذبتش.. انا فعلا شاركت رضوان بس 

كان عنده ضمير.. والضمير فى شغلتنا مكانش ينفع وفى وقتها انا مكانش معايا فلوس وشاركته

بالإدارة وهو الفلوس.. كان على طول يتخانق معايا.. لحد ما فى يوم طلب يفض الشراكه ويرجع لشغلته تاجر مواشى.. انا اتجننت بعد ما عملت الشركه وكانت بتكبر .. عاوز يفضها.. قالى انه مش مرتاح للشغلانه كلها.. وانا وقتها مكانش ينفع.. كنت لسه مش معايا حاجه ويدوب كانت حيلتنا العماره اللى 

كنا ساكنين فيها الاول وبس وكان اخويا مات وانا 

اتجوزت المرحومه والحمل تقل عليا.. انهار ونزل على رجل امه.. قوليلى كنت اعمل ايه.. ملقتش قدامى غير انه يداين.. سرقته وعملت مصالح من وراه كتيره اوى لحد ما اداين وانا بقيت فالامان 


وامنت على نفسى وكمل كلامه بانهيار.. فى يوم اتخانقت مع عامل وغصب عنى ضربته ضربه جامده ووقع مات.. مكنتش عارف اعمل ايه.. ملقتش قدامى غير رضوان ولبسته التهمه واعترفت عليه 


الام بدموع.. ده انا سألتك عليه بعد ما اشتريت الفيلا وانتى قولتلى انه مات.. وصدقتك يا ابن بطنى.. ليه يا حسن تودى نفسك فى داهيه يا ضنايا.. ليه تحبس راجل ظلم وتشرد ولاده ومراته


ليه؟.. كل ده علشان الفلوس.. ما تغور الفلوس 


ضيعتنا وضعيت نفسك.. حسن بتوتر.. متخافيش 

عليه انا فى السليم.. انا هكلم ام يسرى وولادها 

وهكتب لهم شيك بكل حقهم وحق ابوهم بشرط 


محدش فيهم يجيب سيرتى وعموما رضوان 

قدامه سنتين تلاته ويطلع 


الام بحزن.. تسوى ايه حبسه وكسره نفسه وبعده 

عن أولاده.. تسوى ايه ان ولاده اتربوا بعيد عنهم 


وغير شكلهم قدام الناس انهم ولاد راجل قاتل 


تسوى ايه يا حسن.. ترضاها على نفسك وع ولادك 


انا خلاص تعبت منك روح يا حسن منك لله 

منك لله يا ابن بطنى.. وطلعت وهى بتتسند على 


الحيطه ونسيت وقالت يا ام يسرى. 



__ بعد مرور اسبوع على الابطال.. ام يسرى وأولادها محبوسين فى المخزن وحسن اتكلم معاهم وعرض عليهم فلوس وشرطه انهم يبعدوا عنه خالص وينسوا موضوع التار اللى ما بينهم.. 

بس رفضوا وبشده.. لأنهم عاوزين براءه ابوهم 


قدام أهلهم وناسهم وحقهم يرجع ليهم بالكامل 


وطبعا حسن رفض.. لانه لو عمل كده هيتحبس

ويفلس. 



__ فى فيلا عامر __ 


__ بعد ما إسراء طلبت من رضوى الجواز من عامر 


علشان تخلف منه وبعد كده تطلق.. رضوى رفضت 

وطلبت منهم انها تمشى وخلاص مبقاش لوجودها 

معاهم اى لزوم.. بس عامر طلب منها تقعد لحد 

ما يشوف نشوى وفعلا راح العياده وسأل عنها وعرف حاجه غريبه.. رجع الفيلا وهو مش مصدق 

نفسه.. إسراء.. مالك يا حبيبى وشك مخطوف كده ليه! عامر بلهفه.. فين رضوى؟..إسراء.. فى الحمام 



__ رضوى خارجه من الحمام.. استاذ عامر حضرتك عرفت مكان نشوى.. عامر بذهول.. عندى ليكى حته خبر بس مش هتصدقى.. رضوى بخوف.. فى حاجه حصلت تانى.. هى نشوى جايه تاخدنى ولا ايه؟ عامر بفرحه.. حقك رجع ليكى انتى واللى زيك يا رضوى.


رضوى.. خير

عامر.. حذرى؟ 

إسراء.. قول بقى يا عامر.. البنت أعصابها مش مستحمله؟ 


رضوى.. اتقبض عليهم؟ 

عامر.. اكتر من كده وابتدى يحكى انا روحت العماره وطلعت العياده ولقيتها متشمعه.. سألت البواب.. لقيته قالى حاجه غريبه! 


رضوى بلهفه.. قال ايه؟ 

عامر.. قالى ان الدكتور اسامه كان عنده مريضه 

والمفروض انها كانت بتعمل عمليه من الياهم طبعا  وكانت تحت التخدير وطبعا عمل معاها هو نشوى زى ما عملوا فى رضوى.. اخو المريضه كان بيراقبها ولما شافهم فى الوضع ده قتل الدكتور أسامة والممرضه نشوى وماتوا فالحال.. والعياده 


من ساعتها اتشمعت. 


رضوى.. الحمد لله.. بسس.. وسكتت 

عامر.. مالك يا رضوى؟.. انتى مش فرحانه ولا ايه! 

رضوى.. كان نفسى اعرف ليه عملوا فيا كده؟ 


إسراء.. حبيبتى المهم انهم ريحوا واستريحوا 

رضوى.. عندك حق.. الحمد لله


عامر.. الحمد لله 

رضوى.. ممكن أمشى بقى 

عامر.. اكيد 

إسراء.. هتوحشينا يا رضوى.. ياه لو توافقى 

رضوى.. والله وانتى وكمان هتوحشينى اكتر 

وابتسمت.. ان شاء الله ربنا هيكرمك بالذريه بس دورى ورا نفسك وحاولى تتعالجى 


إسراء.. يارب.. ومسكت ايدها وعيطت 


__ وطلعت رضوى غيرت هدومها ونزلت مع عامر 

علشان يوصلها وودعت إسراء، واعتبرت اللى حصل لها كان درس واتعلمت منه كتير 


__ فى القسم __ 


__ من جهه تانيه الظابط احمد عرف كل حاجه عن هاجر وخد اذن من النيابه بالقبض عليها هى ومصطفى.. فجر طلبت من أحمد لما يتحقق مع هاجر تكون موجوده علشان تعرف ليه عملت فيها كده هى ومصطفى. 



___ فى فيلا حسن ___ 


__ مصطفى بيحضر شنطته ومسافر بره مصر 

بعد ما ابوه حسن طلب منه يبعد لحد ما الدنيا تهدى شويه وطبعا حسن رغم جريمته مع رضوان وولاده إنما ميعرفش ان مصطفى ابنه هو سبب المصايب كلها. 



___ عربيه وقفت قصاد باب الفيلا.. نزلت منها رضوى.. وقبل ما تتدخل ودعت عامر وشكرته انه 

رجعها بيتها.. عامر ركب عربيته ومشى.. رضوى دخلت جرى زى الفراشه.. مبسوطه وفرحانه جدا انها رجعت بيتها ولما دخلت شافت قدامها محمد 



محمد بذهول.. رضوى.. معقول! 

رضوى.. ايوه انا رضوى.. فين بابا.. فين ماما.. يا ماما.. يا بابا.. ماما.. بابا.. فين فجر وزيزى وطنط حكمت.. فينكم 


محمد.. حمد الله على سلامتك يا رضوى 

رضوى.. مالك يا محمد شكلك متغير فى حاجه ولا ايه 


محمد بدموع وكسره.. ماما ماتت وطنط صفيه للأسف هى اللى قتلتها ومحبوسه بتهمه قتلها 


رضوى.. ماما 😭😭 لااااااااا.. يا حبيبتى يا ماما 

مش كفايه انا واللى حصلى بعد ما اتخطفت 

كمان امى تضيع منى لا حرام بجد 


محمد.. مين اللى خطفك يا رضوى؟ 


رضوى.. اللى خطفنى ممرضه ودكتور 


محمد.. ممرضه ودكتور معقول الكلام ده.. اصل الناس اللى كانت بتهددنا اننا مندورش عليكى او نعمل بلاغ فى خطفك كانوا بلطجيه اوى 


رضوى بدموع.. ماما يا حبيبتى يا ماما 😭


محمد بيكلم نفسه.. بتعيطى على امك القاتله اومال انا اعمل ايه على امى اللى ماتت وكمان السبب فى موتها امك الحقيره 


__ مصطفى نازل وفى ايده شنطه سفر وحسن 

وراه ولما شاف رضوى مكانش مصدق نفسه.. جرى عليها وخدها فى حضنه.. وحشتينى اوى


حسن بلهفه.. رضوى بنتى حبيبتى وخدها فى حضنه.. رضوى ببكاء.. بابا هى ماما قتلت طنط حكمت بجد.. لسه هيرد عليها سمع صوت عربيه الشرطه..جرى على مصطفى.. اهرب بسرعه!. 


مصطفى بقى يجرى شمال ويمين ومش عارف يتصرف ازاى ورمى الشنطه من ايده؟ 


___ كانت الشرطه وصلت ورجال الشرطه محاوطه الفيلا من كل مكان.. ودخلوا الفيلا 

ومعاهم هاجر بعد ما اتقبض عليها 


__ حسن واقف مذهول.. ابنى عمل ايه يا فندم 


الظابط احمد بص اوى لايد مصطفى وشاف شنطه سفر على الارض .. الاستاذ مصطفى متهم انه خطف الانسه فجر وكمان كان بيحط لها المنوم فالعصير 


وحرض شاب على اغتصابها وتم القبض عليها فى 


شقه مشبوهه بعد ما بلغ عن الشقه 


حسن.. ده ابن عمها وهيبقى جوزها وبعدين دى مش تهمه دى 


الظابط احمد.. لما هى مش تهمه.. ممكن اعرف هو 

كان رايح على فين.. اصل من الواضح كده انه كان ناوى يهرب 


حسن بتوتر..ده كان مسافر شغل

 

الظابط احمد.. عموما ابن حضرتك متهم كمان بقتل حكمت والده فجر.. بعد ما اكتشفنا انه كان بيشترى حبوب منومه وسم وعليه شهود على كده.. حسن.. شهود؟ .. الظابط احمد.. الشاب اللى حرضه على فجر اعترف بكل حاجه 


هاجر واقفه وبتعيط ومنهاره 


محمد قرب من مصطفى ونزل ضرب فيه.. انت اللى خطفت يا كلب.. انا هموتك ومش هسيبك يا ابن عمى.. الشرطه ادخلت ما بينهم 


محمد سأل الظابط.. اختى فجر حضرتك تعرف مكانها.. الظابط احمد.. ايوه.. متقلقش.. فجر كويسه 


رضوى.. مصطفى وقعدت على الكرسى وعيطت.. هو ايه اللى بيحصل ده 


مصطفى بانهيار.. كذب.. انا معملتش حاجه 


الظابط احمد.. هنشوف ده عندنا فى القسم يا استاذ مصطفى بعد التحقيق.. اتفضل معانا 



محمد بغضب.. انا ببلغ حضرتك أن عمى حسن 

حابس البوابه وأولادها فى المخزن وناوى ليهم على نيه.. ده ممكن يقتلهم كمان.. وطلب منه يساعدهم 


حسن قرب من محمد وضربه على وشه.. خاين وابن كلب.. انت لا يمكن تكون ابن اخويا اللى ربيته على ايدى 


محمد.. وانا ميشرفنيش انك ربتنى.. اللى ربتنى امى الله يرحمها وبس 


الجده نزلت وهى منهاره واكدت كلام محمد كله وكان قلبها بيتقطع على ابنها الوحيد اللى خلاص 

راح منها بسبب أفعاله 


حسن خرج الجنينه وفتح المخزن بأمر من الظابط احمد وخرج ام يسرى 


وولادها بعد ما عرف الحقيقه كلها وتم القبض عليهم جمعياً ما عادا الجده ومحمد ورضوى 




___ خرج مصطفى وحسن وهاجر مقبوض عليهم 


وخرجت معاهم ام يسرى واحمد ويسرى علشان يتم التحقيق معاهم ويعرفوا حكايتهم ايه؟ 



___ وخرجوا كلهم فى عربيه الشرطه ومحمد ورضوى وراهم بالعربيه ولما وصولوا 



يسرى لظابط احمد.. ممكن اشوف فجر؟ 

الظابط احمد.. انت مين؟ 

يسرى.. انا بشتغل عندهم وعاوز اطمن عليها 

الظابط احمد.. اه اه.. مش دلوقتى.. بس عموما هى كويسه.. وسابه ودخل مكتبه 


احمد بعصبيه وغضب.. يا عم الحبيب.. مش وقته خالص.. بدل ما تفكر فى حقنا اللى حسن كلو علينا وابوك اللى مرمى فى السجن من سنين.. بتسأل على ست فجر اللى كانت عاوزه توديك فى داهيه 


يسرى.. اسكت خالص.. ملكش دعوه 

ام يسرى.. اخوك بيتكلم صح يا يسرى 


عسكرى.. الصوت يا جماعه 


محمد ل يسرى بلهفه.. شوفت فجر 

يسرى.. انا سألت الظابط وقال كويسه 



___فى مكتب الظابط احمد.. هاجر دخلت ومعاها

مصطفى وحسن عم فجر.. ولما دخلوا كانت فجر


قاعده ومعاها نفس الشاب اللى كان معاها فى الشقه المشبوهه بس كان باين على وشها الإرهاق

والتعب


الشاب.. هو ده اللى كان بيشترى منى المنوم والسم حضرتك والبت دى اخته اللى كانت معاه


وبص ل فجر.. مش قولتلك انها اخته ومحدش فيكم صدقنى وقرب من مصطفى.. مش دى اختك 

وانت اللى قولتلى اخد فجر على الشقه وادتنى


فلوس.. مصطفى وطى راسه فى الارض


الظابط احمد.. ايه رأيك فى الكلام ده يا مصطفى رد وقال انا اه خدت منوم والسم وقرب من فجر.. بس مقتلتش طنط حكمت والله يا فجر ما قتلتها


فجر.. كذاب.. ما انت حطيت المنوم ليه قبل كده  وع فكره انا شوفتك لما حطيته فى البيبسى.. فاكر! بس كنت بحسبه حبوب منع الحمل؟ 


مصطفى.. انا اه حطيت المنوم بس وبص ل هاجر 

والشيطانه دى هى اللى لعبت عليه وخلتنى اعمل 

فيكى كده علشان تنتقم منك واسوء سمعتك 


فجر.. اه تسوء سمعتى وانت الوضع بالنسبالك عادى.. انهارت.. ده انا بنت عمك يا اخى من لحمك

ودمك وكنت فى يوم من الايام هبقى مراتك.. انا 

مش مصدقه نفسى بجد.. انت تعمل فيا كده.. معقول! 


مصطفى.. الشيطانه دى هى اللى وزتنى عليكى 

فجر بانهيار... اه وكمان وزتك تقتل امى وتسممها

وتحط ليه حبوب منع الحمل فالعصير 


مصطفى.. انا اه حطيت منوم.. إنما اقسم لك.. انا معرفش حاجه عن حبوب منع الحمل والسم.. انا اه اشتريت السم لكن مستخدموش اصلا وكمان رميته 



فجر قربت من هاجر وضربتها بالقلم.. انا تعملى فيا كده يا حقيره يا بنت الكلب 



الظابط احمد بزعيق.. خلاص انا مش عاوز صوت 


وقرب من حسن وهاجر ومصطفى وسألهم 


مين فيكم اللى حط السم فى الشاى؟؟

يتبع... 


نقف بقى ل حد هنا مين اللى حط السم وقتل حكمت 

هاجر ولا حسن ولا مصطفى؟ 

ويا ترى اللى حط السم هو اللى نفسه اللى حط حبوب منع 

الحمل ل فجر


وبالنسبه ل يسرى وامه واخوه هياخدو حقهم من حسن 

ويا ترى حسن هيعترف ولا لا؟ 


وبالنسبه لأجهزة التسنط اللى تخص احمد يا ترى هنعرف منها


ايه جديد🤔

كل دى اسئله واجابتها فى البارت القادم والاخير 

.. البارت الأخير جاهز ومستنى تفاعلكم يا حلوين 

انا كنت هنزل العاشر نفسه الأخير واكملها إنما عددالكلمات  

كتير اوى على المدونه 


تابعونى ب لايك و 20 ملصق ليصلك اشعار الجزء الأخير 

علشان بقى انزل لكم النهارده جزئين من فاطمه فينكم يا متابعين 😍











كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم : روايه بلا رحم

  1. روووووووووووووعه بجد 😘😘😘

    ردحذف
  2. لالا اني اعترض كده مش عدل نزلي البارت الاخير بقي

    ردحذف
  3. بصراحة رواياتك كلها مشوقة وفيها احداث غير متوقعة

    ردحذف
  4. جميلة ما تتاخريش ثانى علينا

    ردحذف
  5. رووووووووعة يا كوكى ❤

    ردحذف
  6. روعه تسلم الايادي

    ردحذف
  7. تمام ياقمر كويس انك عرفتي تكمليها ربنا يوفقك ياقمر ياكوكي

    ردحذف
  8. تمام ياقمر كويس انك عرفتي تكمليها ربنا يوفقك ياقمر ياكوكي

    ردحذف
  9. تم منتظر اخر جزء ♥♥♥

    ردحذف