-->

روايه براءتى الجزء الثانى عشر والاخير



روايه براءتى 



الجزء الثانى عشر والاخير



الكاتبه كوكى سامح


لما الست والدتك طلبت منى اعمل كده روحتلوا 

زياره لأنى كنت عارفه علاقته ببراءه 


وعارفه ان عاوز ينتقم منك وطلبت منه الورقه

العرفى.. فى الاول رفض وبعد كده بعتنى لمحامى

شمال هو اللى عمل الورقه وزور امضت مراتك 


بس اللى مكنتش اعرفوا 


انه كان مصورنى فيديو.. انا غلطت وعارفه 

انى غلط بس العيب مش منى العيب فى مرات 

عمى وضربت بإيدها على كتف فهد 


ابقى حاسب والدتك قبل ما تحاسبنى يا فهد باشا


براءه قاعده مكانها وشايفه حقها كله بيخلص


قدام عينيها.. 


اسرار.. ابقى الحق فريده علشان ليها فيديو 


فهد نزل ضرب فى اسرار


فريده بفزع ورهبه.. والله ما عملت حاجه


 انا كل اللى عملتو.. كنت معاها وشربت وكانت اول مره واخرها ودوخت ولقيت نفسى فى اوضه 


وشاب معايا ولسه بيلمسنى.. حسيت بيه 


قومت جريت.. فهد قرب منها ونزل فيها ضرب 


شريف جرى عليه وخدها من ايدو 


فريده عينها فى عين شريف وكأنها بتقولو انا بريئه إنما بتوجهه الكلام لاخوها 



اكشف عليه يا فهد.. انا زى ما انا محدش قرب منى 


اسرار بسخريه.. الله اعلم بقى


حماده قرب من فريده.. وحاول يضربها

بس شريف دافع عنها


" نعمات" اه يا ملعونه يا بنت الكلاب


اسرار.. شوفى بنتك اهى شبهك


" نعمات بغضب" يلا يا زباله من هنا.. مسكتها 

وبتضربها وتخرجها بره البيت 


اسرار ماسكه جسمها وبتتوجع من الضرب 


اوعى ايدك وزقتها شريف قرب منها.. هى مش هتخرج من هنا" نعمات بغضب" وانت مالك


شريف باحراج.. انا اسف وبص لاسرار.. أصلها 


هتخرج معايا وفى ايدها الكلبشات لأنها زورت 


عقد الزواج العرفى وانتحلت شخصيه براءه مع المحامى بالأتفاق مع علام ولازم اقبض 

عليها وحالا 


اسرار بانهيااار.. لا مش لوحدى مرات عمى معايا 

فى كل خطوه.. إنا مش هتحبس لوحدى 

شريف.. كله كلام.. معاكى دليل على أنها متفقه 

معاكى ع كده.. اسرار.. لا مش معايا 

شريف.. يبقى أسف.. إنما حضرتك عليكى ادله 

وأولها.. الزياره لعلام فى السجن ووجودك عند المحامى.. وانتحال شخصيه براءه


اسرار بتهرب.. انا معملتش حاجه ومنتحلتش

شخصيه حد.. انت فاهم ولا لأ


شريف.. لا حول ولا قوة الا بالله.. ما حضرتك 

لسه معترفه حالا قدام الكل 


اسرار بثقه.. كله كلام.. معاك إثبات هههههه


شريف بثقه انا مش هتكلم كتير لأنى لسه قايلك 


ان كفايه زيارتك لعلام وللمحامى وغير امضتك 

على العقد العرفى.. بس لو مش مقتنعه 


انا ممكن اقنعك ومسك الفون  وعمل مكالمه واتأكد ان المحامى اتقبض عليه


ولما قفل واجهه اسرار وكانت مصره على رأيها 


وانها بريئه من كل اللى عملتو 


بس قالها المفاجاه.. من اول لما سمعتك بتعترفى

لفهد باشا وانا بلغت عن المحامى.. وعرفت 

من الظابط اللى قبض عليه انه زيك كده 


كان عامل فيها ناصح وبينكر

وبتفتيش المكتب وجدوا لاب 

كان فيه كذا فيديو ومن ضمنهم 


فيديو بمقابلتك معاه وكمان وانتى 

بتكتبى العقد العرفى 


يعنى زيه زى علام.. كان ناوى يهددك


وبشده ونرفذه.. يلا قدامى 


اسرار واقفه منهاره ومش صالبه طولها 


وخرجت معاه بالعافيه وبصراااخ.. متسبنيش


يا فهد وبصت لبراءه.. مش هسيبك يا بنت العمده



فهد قرب من امه وبكسره.. ليه كده.. انا عملت ايه 


" نعمات بدموع" والله يا ابنى كنت عاوزه سعادتك


اتجهه ناحيه براءه 

 قرب منها ومسك ايدها وباسها 

ومسح دموعها وخدها فى حضنو 


وقامت معاااه وايدو فى ايدها 


 وقرب من أمه.. وبخيبه امل وكسره نفس


ليه يا امى بتعملى فيا كده ها!؟


كل ده علشان خدت الانسانه اللى بحبها وقلبى


استريح لها.. وبصراخ ووجع قلب.. مفيش ام


بتعمل لابنها كده علشان تنكد عليه عشتو


وحضن براءه وبضحكه سخريه ودموع..ومش كده

وبس.. لأ وكمان كنتى عاوزه اتهمها فى شرفها


واقتلها.. انا مش عارف ليه كل ده وعلشان ايه


وبزعيييق.. علشان اسرار.. اللى انتى شوفتيها

دلوقتى فى فيديو مع راجل غريب 

فى وضع زباله ودبلتى فى ايدها 


علشان اسرار اللى لما قلعت البدله 

راحت اتخطبت لراجل تانى وكسرت قلبى 


وضرب بإيدو على قلبه.. كسرت قلبى 

انا كنت بموت علشان شغلى 

و علشانها 

ليه يا امى مش عاوزه ربنا يعوض عليه 

وبزعيييق ليه ليه 


نعمات بانهيار.. لا مش علشان اسرار

علشان البت دى وبصت لبراءه 


فهد.. ليه.. عملتلك ايه؟ 

نعمات بدموع وغضب.. كانت متفقه مع علام عليك وكانت سبب الحادثه اللى اترفدت بسببها 

وغير علاقتها بعلام 


فاكر ولا لأ


براءه بانهيار.. مش ذنبى انى ابويا رمانى 

وامى كل يوم بتتجوز من راجل شكل 


فهد عينه فى عينها بصعبانيه 


براءه.. كنت بخرج كتير علشان اهرب من بيتنا 

امى كانت كل فتره تطلق وتتجوز من راجل شكل 


شويه راجل كبير وآخرها شاب من عمرى 


كنت بهرب لما لقيت الشاب ده بيقرب ليه 


كنت بخاف.. حاولت اعيش مع ابويا 


بس كان شايلنى من حسبانه 


وبعد كده قربت من وهدان اخويا بس كنت 

بحس انه مش منى 

عمره ما كان حنين عليه 


مشيت وخرجت لدنيا علام 


وكنت بشوفوا كتير فى كافيهات وكباريهات 


لقيتو قرب منى وكنت وقتها جاهله بالناس


كنت فعلا براءه.. مليش فى اى حاجه 


قربت منه لما حسيت بحنيتو عليه 

هههههههه اصلو كان بيحسسنى انه زى ابويا


ومع الوقت بقى عاوزنى لى.. انا رفضت


وقاومت وقولت لأ.. وهو محاولش يجبرنى


لحد ما شوفت فهد.. من اول نظره حبيتو 


وقولت هو ده شريك حياتى 


بس اتفجأت باللى بينه وبين علام 


لما طلب منى اققرب منه علشان اعملو 

كمين بشنطه مخدرات 


رفضت والله رفضت 


وبعدها انا وفهد اتصاحبنا 


بس صاحبنا مسبنيش فى حالى 

وقالى يا انا يا هو 


وقتها اخترت علام علشان انقذ فهد 

اصل كنت عارفه انه مش هيسيبو فى حالوا 


بلغت فهد بكل حاجه وحذرته من علام.. بس اللى معملتش حسابه انه يخلى حد غيرى يحط الشنطه


واتفجات بعدها بالحادثه وموت القط مع فهد 

وحبسه ورفده من الشغل.. يعنى مش انا السبب


ده انا عملت المستحيل علشان علام يخرجوا 

من تهمه المخدرات وفضلت وراه 


بعد ما وعدتوا انى هكون لى وفعلا خرج 

فهد وطبعا كان اترفد وضحكت على علام


 و اتجوزنا انا وفهد ورضيت ان اعيش معاه 

رغم انه مدمر نفسيا وشبهه بينسى 

من تأثير الحادثه وغير عصبيتو 


وغير حبه لاسرار وقتها 


بس حبيته وكنت راضيه لانه كان حنين عليه 

ومع الوقت اثبتلى حبو ليه ❤️ 


انا مأذتش فهد ولا عمرى هأذيه ابدا🥺


" نعمات بحقد وغل" بس انا مش حباكى 

ولا عاوزاكى لابنى 


فهد.. بس انا بحبها وعاوزها 

آيات بدموع.. ليه يا حماتى.. براءه كويسه.. حرام تحرميها منه

 

فهد قرب من براءه ومسك ايدها وعينه فى عين

نعمات وبص لكل ركن فى البيت


وبهدوء وضيق.. البيت ده مش بيتى ولا بيت مراتى والمكان اللى مش هيسعنا مع بعض

ميلزمنيش.. انا ماشى يا نعمات هانم علشان تستريحى خالص.. عيشى فيه لوحدك 


خططى وارسمى واعملى مؤامرات 


بس بعيد عنى وعنها 


حماده.. رايح فين يا فهد.. ده بيتك

فهد.. لا مش بيتى.. انا همشى وخلى بالك من 

اختك كويس 


فريده جريت على مامتها.. ماما فهد ماشى 

ابوس ايدك.. ده فهد يا ماما.. ابنك حبيبك 

ابن عمرك زى ما كنتى بتقولى عليه 



آيات.. لو فهد وبراءه مشيوا انا كمان همشى 

حماده.. نعم.. انتى بتقولى ايه 

آيات.. بقول انى ماشيه معاهم وغمزت لحماده 

حماده.. وانا كمان ماشى


فهد خد براءه وخرج بره البيت


حماده مسك ايد آيات وخرج وراهم


فريده بتوسل وانهيار.. ماما.. احنا خلاص بقينا

لوحدنا.. اخواتى خلاص مشيوا وسابونا 

وبتشاور على الباب 


خلاص بقينا لوحدنا.. حرام عليكى


نعمات متسمره مكانها 


فريده.. يعنى مفيش فايده.. خلاص انا كمان 

مليش مكان هنا وبعلو صوتها.. فهد.. حماده 

آيات.. براءه.. براءه 


وخرجت وراهم 


" صدمه ةةةةةةة 😱😱😱😱" 


نعمات مسكت صدرها وحست بنغزه ووقعت

من طولها..


ام فرحات خارجه وشافتها وبصرااااخ


ست نعمات.. يا ست نعمات


فهد بص وراه لما سمع صوتها وبفزع.. ماما 😱


وجرى بلهفه الطفل على امه 


ودخل ولقاها واقعه على الأرض وفاقده النطق 

شفايفها زرقاء ووجها شبهه مشلول ومتصلبه مكانها



حماده.. امى.. امى.. هى مالها


فهد بصراخ.. معرفش 

براءه مسكت الفون واتصلت بالاسعاف 


فهد شالها.. انا لو استنيت الإسعاف امى 

هتكون ماتتتتت

وجرى بيها ووراه حماده وبراءه وآيات 


وخدوها على اكبر مستشفى وكان عندها 

جلطه وكانت نتيجتها شلل نصفى 


"وكانت صدمه ةةةةةةة 😱 للكل" 



___ بعد مرور 6 شهور على أبطال قصتنا ___


نعمات تجلس فى غرفتها على كرسى متحرك


ومصدومه لما عرفت انها بعد العلاج الطبيعى 

مفيش اى امل فى انها ترجع تمشى من تانى 


قاعده على الكرسى وماسكه ستاره الشباك 


والشمس فى وشها وفى مطر ومع اذان الظهر


بتمتم بداخلها.. سامحنى يارب.. ولادى بعدوا عنى وبقيت لوحدى مشلوله.. سامحنى.. انا غلطت بس خدت عقابى.. هعيش مشلوله طول العمر😭😭


وقالت " ربى لا تزرنى فردا وانت خير الوارثين" 



اما فهد عدى عليه وقت صعب فى المده دى 

لانه راح لدكتور امراض نفسيه وعصبيه واتعالج 


وبقى قادر يواجهه الناس والمجتمع بعد ما ظهرت 


براءته قدام الكل.. بس مرجعش شغله


فتح مكتب محاماه بعد ما نقلوا القاهره 


وأصبح محامى مشهوررررر. 


وبعد مرور 4 شهور __


تظهر براءه عند دكتوره النساء نايمه على السرير


وبتشوف نوع الجنين ومعاها فهد 


براءه بتوتر وخوف.. ولد ولا بنت يا دكتوره 


فهد بفرحه وتوتر.. انا حاسس انه بدر 


براءه.. لأ بتول 


الدكتوره بابتسامه.. مش باين ولد ولا بنت 


براءه بزعل.. ليه بس كده 

فهد.. يا خساره.. كان نفسى اعرف وحط ايده

على بطنها.. البطيخه دى جواها ايه؟ 


براءه بحده.. بطيخه.. بذمتك انا بطيخه

ده انا حتى مش تخينه خالص ومش باين عليه 


فهد مسك ايدها وقوامها من على السرير 


وبص لبطنها.. هى بطيخه🤣

وقعد يضحك ويغيظها.


خرجوا من عند الدكتوره وبراءه أصرت 

تدخل محل جواهرجى علشان تشترى طقم دهب


لان سلفتها آيات ولدت وجابت بنوته وسمتها مريم


وحماده كان طاير بيها من الفرحه 


___ براءه قربت من فريده مع الوقت وكانت بتحاول تصاحبها لأنها بعد مرض نعمات دخلت فى حاله اكتئاب ولما صعبت عليها وطبعا هى عارفه 

انها بتحب شريف.. براءه كلمتو وصرحتو

بحب فريده لى وانها متغيرتش ولسه بتحبو 


وطلبت منه من غير جرح مشاعر فريده 

انه يرجع لها.. بس هو كان لى رأي تانى خالص☺️


 وكانت " الصدمهةةةةةة " 😱


لما طلب منها تحضر حفل خطوبته على بنت خالتو.. فعلا براءه حضرت الخطوبه هى وفهد


وشافت العروسه ولقيتها اققل من فريده فى الجمال وفى المستوى.. بس عرفت من شكله 


وحبه ليها.. انه اختار شريكه حياتو اللى هيرتاح 

معاها.. ما هى مش بالشكل ولا بالفلوس


موضوع الجواز ده بالأصل والتربيه واللى تصون


_______


نرجع بقى لبنوته آيات.. البنت اللى اسمها مريم


البيت كله بيجهز لحفله سبوع مريم 


براءه خارجه ولابسه دريس ابيض جميل 

والحمل باين عليها جدا.. بس شكلها مرهق من الحمل.. أصلها نحيفه وضعيفه 


براءه بتوتر.. يو بقى بتصل بيه مش بيرد

هو عارف انى مش بحب الحركه دى 


حماده.. فى ايه يا بنتى 

براءه.. اخوك يا سيدى متأخر جدا وخلاص المغرب 

هيأذن وعاوزين نعمل سبوع البنوته واللى ذاد وغطى مش بيرد 


حماده مسك الفون وكلمه ومش بيرد 


وبعد مرور نص ساعه آيات جهزت وابتدت 

مراسم السبوع😍


فهد وصل ومعاه حماته وجوزها الجديد 😁


فهد بيحاول يصلح لبراءه حياتها لانه عارف ان ناقصها اهم حاجه وهى الام وكان على قد ما يقدر 

بيصلح ما بينهم وفعلا براءه لما شافتها 

رغم عمايلها إنما فرحت والفرحه نورت وشها

واترمت فى حضنها ورضيت بالأمر الواقع 


فريده واقفه فى السبوع.. اتسحبت من غير 

ما حد يحس بيها وطلعت لمامتها ودخلت قعدت 

معاها واترمت فى حضنها 


براءه شافتها وكان السبوع خلص والكل مشى 


كانت بتحاول تسعد فهد زى ما بيدور على راحتها ويسعدها 


طلبت من آيات تطلع ب مريم لجدتها 


لان ده هيحسن من نفسيتها 


وطلعت معاها بعد ما قالت لفهد وحماده 


وطلعوا الاربعه على غرفه نعمات 


براءه خبطت بإيدها على الباب وبقت تطبل 

وتغنى بأغنية السبوع يارب يا ربنا تكبر وتبقى قدنا.. حلاقاتك برجالاتك وفتحت الباب 


آيات دخلت بابتسامه 


فريده قامت من حضن مامتها 


آيات نيمت البنوته على حجر حماتها 


مريم يا ماما.. ادعلها تكون صالحه وباره بيا وبأبنك " نعمات بدموع" بداخلها.. يارب اسعدهم 

واجعل حفيدتى صالحه وتحبنى يارب ❤️ 



فهد قرب من منها هو وحماده وباسوا ايدها ♥️


براءه.. ادعيلى يا ماما ان ربنا يتمم حملى على خير " نعمات" بداخلها يارب يا براءه يتم حملك على خير وعلى قد ما ظلمتك تتهنى يا بنتى 

انتى وابن عمرى فهد😘


___________________


اما العمده بابا براءه انتهت حياته بسكته قلبيه 

بعد ما كلمها وكان بيحاول يصالحها وبعد وفاته

اخوها وهدان قرب من اخته واتغيرت حياتهم للأحسن واصبحت كلها ود ومحبه❤️


نرجع بقى لاسرار.. اتحكم عليها هى والمحامى

وخدت عقابها وعلام مده حبسه زادت 


وتنتهى قصتنا بمعرفه براءه وفهد نوع المولود 


وكانت بنوته "بتول" ❤️ 


واكتملت فرحه براءه بوصول الطفله نور علشان 

تقضى معاهم يوم زى ما طلبت من فهد.. خدتها فى حضنها وبابتسامه وضحكه طالعه من القلب 


مسكت الفون وخدت سيلفى مع نور وايدها 

على بطنها وكتبت سيلفى مع الشمس ❤️


تمت قصتنا..


كوكى سامح
كاتب المقالة
كاتب ومحرر اخبار اعمل في موقع روايات الكاتبه كوكى سامح .

جديد قسم : روايه براءتى

إرسال تعليق