القائمة الرئيسية

الصفحات

روايه عشق محرم من الجزء السابع إلى الى الثالث عشر



روايه عشق محرم 

من الجزء السابع إلى الجزء الثالث عشر 

الكاتبه كوكى سامح 


#عشق_محرم

#من_الجزء_السابع_الى_الثالث_عشر.. لكل اللى بيسألوه 

وجلال سمع ان قتل ابوه ومسك اعصابه علشان يسمع كلامهم

الام.. انا كنت بحبه! ده وهم فى دماغك انت

.. وهم ايه يا مدام ده انتى كنتى لما بتشوفيه كنت بشوف فى عينك فرحه عمرى ما شوفتها

.. انت مجنون علشان كنت حاسس بالنقص عارف ليه. لأنه كان معاه فلوس وانت معاكش غير الفقر وكان احسن منك فى كل حاجه تعليم وحتى شكله وطيبته 🥺

.. كملى يا مدام وايه كمان  

.. المهم الهام هتتجوز أدهم انا بقولك اهو البنت اتفضحت خلاص ومفيش غير الحل ده انهم يتجوزوا وبعدين كمان البنت اه هى جميله بس عدت التلاتين سنه وداخله فى سن حرج! رد وقالها وهو مضايق ومتعصب يعنى علشان عدت التلاتين نجوزها لأى حد 

.. ده مش اى حد ده فى مقام ابن اخوك يا عمران بيه والمال ماله برضه رفع ايده عليها 

.. ايه ده انت عاوز تضربنى بعد العمر ده يا عمران وبعد ما داريت على مصايبك وعمايلك السوده وبصت وفى عنيها الخباثه وقالت صحيح صدق اللى قال اللى مالوش خير فى اهله هيبقى لى خير فيه يا قاتل رد وقال وانتى راضيه انك تكونى مرات قاتل ليه؟! عارفه ليه علشان خليتك هانم وانا وانتى زى بعض منفرقش عن بعض حاجه رددت وقالت ههههههه عندك حق المهم ان البنت لازم تتجوز وهتعيش فى اوضتها هنا معانا 

جلال.. يا ولاد الكلب ده انتوا عصابه 

الام.. يلا انزل واقولهم انك موافق 

عمران.. بس ده ميمنعش انه يكتب مؤخر ومهر وشبكه 

الام.. اعمل اللى تعمله المهم البنت تتجوز علشان ندارى الفضايح. 

الباب خبط وكان جلال 

= عمران فتح الباب 

جلال.. فى تليفون من الشركه الالمانيه علشان حضرتك 

عمران.. انا مش قولت بلاش تعامل مع الشركه دى تانى 

.. يا عمى قصدى يا عمران بيه ده متعهد جديد 

.. اه انا بحسب نفس الشركه القديمه 

.. لا حضرتك احنا فسخنا العقد من فتره 

.. خلاص يا جلال ابقى اتفق بس خلى احمد فى الصوره 

.. حاضر 

الام.. انا نازله 

= والام نزلت ووراها عمران وجلال واول لما نزلوا الهام واقفه جمب أدهم 

.. انا هتجوز أدهم يا بابا 

.. خلاص بابا موافق يا الهام 

.. بجد يا ماما 

أدهم.. شكرا يا عمى 

عمران... من اولها كده احنا لسه حتى متفقناش 

جلال قال فى سره يا ابن الكلب يا قاتل يا حرامى وغلاوتك عندى هتكون مدفون جمب ابويا قريب بعد ما حسرتنا عليه وسرقت فلوسه وفضلنا عايشين أيتام وفى الاخر عامل بتعطف علينا 

جلال.. مبروك يا أدهم مبروك يا الهام 

= وليد قرب منهم وقال بكل خباثه مبروك للعروسين وحط ايده على كتفه وقال مبروك يا اخويا. 

أدهم.. الله يبارك فيك 

الهام.. الله يبارك فيك عقبالك 

. وليد قال فى سره معقول الهام هتتجوز خلاص

وليد.. ادعيلى بقى الاقى بنت الحلال بس تكون حلوه زيك يا عروسه 

ساره.. مبروك يا الهام 

الام.. أدهم اعمل حسابك انكم هتتجوزوا هنا معانا فى الڤيلا وفى اوضه الهام وان شاء الله من بكره هغيرها خالص وانزلوا اختاروا اوضه نوم جديده 

الهام.. لأ يا ماما انا هعيش مع جوزى فى المكان اللى يختاره 

عمران.. ههههه وهو حيلته ايه يعنى غير الاوضه اللى فى الجنينه 

أدهم.. انا مقدرش اتكلم بعد كلامك يا الهام 

عمران.. يعنى ايه بنت عمران تعيش فى الجنينه زى الخادمين قصدى مينفعش 

الام.. لأ يا الهام هتعيشوا معانا هنا اتفقنا يا عرايس 

أدهم.. اتفقنا يا طنط 

الهام.. حاضر اللى تشوفيه يا ماما  

= والهام طلعت اوضتها 

وليد.. يخربيت جسمك وجمالك يا بختك يا أدهم 

أدهم.. بتقول حاجه 

وليد.. بكح انا خارج الجنينه 

جلال.. خودنى معاك 

الام.. خلاص يا أدهم جهز نفسك يوم الخميس كتب كتابك ودخلتك على الهام 

أدهم مش مصدق نفسه وحاسس انه أمتلك الكون 

أدهم.. ان شاء الله 

عمران.. خوذ الفلوس دى 

أدهم.. بتاعه ايه الفلوس دى يا عمى 

عمران.. جهز نفسك واشترى شويه حاجات ليك لزوم الجواز 

أدهم.. شكرا بس انا معايا 

الام.. خودهم يا أدهم وياريت تشترى شويه بدل وقمصان غاليه 

أدهم بص وعينه مكسوره وقال حاضر 💔 وخد بعضه وخرج الجنينه بس راح على اوضته وفضل يفكر فى الهام 

= وليد دخل عليه وقال مبروك يا عريس

أدهم بكل عصبيه مسكه من القميص وقال 

.. انت اللى عملت كده وصورتنى انا والهام وشيرت الصور على الفيس وغير الفيديوهات 

.. اه انا اللى عملت كده علشان تتجوزها وده الحل الوحيد اللى هنقدر ناخد بيه حقنا من عمران 

= ودخل جلال وقال لازم ناخد حقنا منه الكلب ده 

.. حتى انت كمان يا جلال مصدق اخوك الطايش المجنون 

... هههههههههه انا طايش ومجنون اه شكلك نسيت الوعد وحبيت الهام

.. انا منستش حاجه بس كل اللى بقولوا مفيش إثبات على عمكم انه سرق ابوكم 

جلال.. ههههه هو سرق بس يا ابن ابويا ده كمان قتل ابوك 

.. بابا وقع ومات لما كان شغال فى الموقع 

.. ده اللى احنا نعرفه انا سمعتهم هو ومراته وهى بتعايره وبتقولوا انه سرق ابونا وقتله وهو اللى زقه 

.. مش معقول 🥺

وليد.. مش معقول ايه يا اخويا انه قتل ولا ابو الهام قاتل 

جلال.. مالك يا أدهم 

أدهم.. لازم نتأكد 

جلال قرب منه ومسكه بكل قوه وعصبيه وقال انا بقولك سرق فلوسنا وقتل ابونا وموته وكل العز ده بتاعنا احنا انت مالك فيك ايه ولا حبيت البت بقى زى ما وليد بيقول 

أدهم.. اطلعوا بره دلوقتى 💔

وليد.. مش هنسيب حقنا ليهم ان شالله اولع فى الڤيلا دى فيها هى واصحابها انت فاهم يا أدهم بيه 

جلال.. يلا يا وليد 

= وفعلاً خرجوا وأدهم نام مكانه وهو تعبان ومضايق من كلامهم وخايف من اللى هيحصل وافتكر العهد بينه وبين اخواته انهم لازم ياخدوا حقهم بس خايف على الهام 

داخل الڤيلا.. 

= وعدت ساعات لحد ما الساعه دقت 12 بالليل والهام قاعده فى اوضتها وبتفكر فى جوازها من أدهم وبتكلم نفسها 

.. انا لازم اتجوزوا علشان يساعدنى وبصت فى المرايا وبتكلم نفسها وقالت بس لو عرف انك مش بنت هتبقى فضيحه رددت وقالت لنفسها بس انا مغلطتش مع حد ان كل اللى بيحصلى كان غصب عنى وكله وانا نايمه ومش حاسه وراحت على السرير ونامت عليه وتليفونها رن وشافت انه رقم غريب وكنسلت وحاولت تنام واول لما غمضت عينيها وابتدت تروح فى النوم جت رساله واتس مسكت الفون وفتحت الرساله وابتدت تقراها والرساله مكتوب فيها! 

.. لو عاوزه تعرفى مين اللى بيعمل فيكى كده وخد عرضك وشرفك وبيستمتع بيكى وانتى مش حاسه شوفى اخر مكالمه فى تليفون أمينه.. 

#يتبع

= قامت من على السرير زى المجنونه فى الاوضه ومسكت الفون وفضلت تقرأ الرساله كذا مره وقالت لنفسها انا مش فاهمه حاجه أمينه ماتت وهى اللى كانت هتساعدنى وانا لما عرفت اللى جرا ليه ملجأتش غير ليها وهى الوحيده إللى عارفه سرى؟!

.. انا مش فاهمه حاجه مكالمه ايه اللى فى تليفون أمينه اللى هعرف منها كل حاجه!؟ وبعدين فين تليفونها هو كان فى اوضتى وانا من امبارح منمتش فيها

= وقامت لابست روب وجريت على اوضتها وفتحت الباب ودخلت زى المجنونه تتدور على التليفون وخرجت البلكونه وقالت لأ انا هتجنن كده ورجعت تانى وقعدت على السرير وودماغها مش فيها مش مستوعبه اللى بيحصلها وبتلمس السرير بإيدها وبصت لقت الفون عليه ومسكته وجت تفتحه كان مقفول بباسورد وحاولت تفتكر الباسورد كام او تستنج وجربت عيد ميلاد أمينه وفشلت المحاوله وجربت كذا رقم وبرضه فشل ورزعت الفون وقالت حياتى واقفه على الفون ده وجت تفصل الفون قالت الغريبه ان من امبارح لحد النهارده مفيش حتى إشعار مكالمه واحده جايه لأمينه مع ان فونها مكانش بيبطل رن وقالت ايه الغباء ده هو بيقول فى الرساله ان اخر مكالمه جت لها يعنى اكيد رددت عليها ومسكت الفون وفصلته وشالته فى الدولاب لحد ما تتصرف وتروح اى مركز صيانه يفتحه وفردت نفسها على السرير ونامت لحد الصبح

= وفى صباح اليوم التالى الام دخلت عليها الاوضه

.. انتى هنا يا بنتى مش قولتلك بلاش تنامى هنا يلا اصحى الساعه بقت 11 الصبح

.. اه يا ماما انا حاسه ان جسمى متكسر وتعبانه اوى

.. افطرى وخودى اى مسكن للعضم

.. حاضر

.. انتى نايمه كده ليه يا الهام التكييف هواه جامد عليكى علشان كده جسمك مكسر وكمان فاتحه الشباك يا خرابى عليكى تكييف وشباك 

= بصت لنفسها وقالت فى سرها ايه ده انا كنت لابسه الروب وفاكره انى من كتر التعب نمت بيه والروب مرمى جمبى ونايمه بالمنظر ده بس يا نهار اسود يبقى حصل تانى وانا بقول متكسره ليه وحاسه بألم تانى 

.. انتى كمان بتكلمى نفسك يا عروسه 😁 يلا انا هسبقك وانزلى افطرى علشان نروح نشترى اوضه النوم ليكى ولأدهم

.. ماما مش هنروح عزا أمينه لازم نواسى طنط فى محنتها دى😭 وكمان متنسيش اننا سبب فى موتها

.. انا عملت الواجب بالتليفون واخواتك وابوكى اكيد هيرحوا عزا الرجاله يلا انا نازله

= والام نزلت والهام قامت واتأكدت ان فى علاقه حصلت وهى مش حاسه ومتجننه وفتحت الدولاب ولابست وخدت تليفون أمينه علشان تحاول تفتحه ونزلت تحت وفطرت وأدهم جهز وراحوا اشتروا اوضه نوم جديده وابتدوا يفرشوا اوضه الهام وفى الفتره دى أصرت تنام فى الاوضه مع اختها ساره والفون مش بيفارق شنتطتها

= وبعد مرور اسبوع وقبل الفرح بيوم

وليد.. مبروك يا عريس بكره دخلتك بقى ومحدش قدك

.. الله يبارك فيك عقبالك وربنا يهديك

.. قرب منه وقاله ههههههه انت فاكر نفسك بتتجوز بجد انا بقولك اهو اوعى تنسى العهد

جلال.. لو نسى العهد يا وليد احنا مش هننسى وتار ابونا فى رقبتنا حتى لو كلفنى رقبة الهام يا أدهم

.. عاوزين تقتلوا مرات اخوكم

.. لأ احنا هنقتل بنت قاتل ابونا

.. انا عاوز اتخمد 💔

وليد.. تصبح على خير يا عريس وخد جلال وراحوا اوضتهم

= وفى صباح الخميس الهام راحت الكوافير معاها أخواتها البنات علشان تجهز وهما يجهزوا والام والأب ابتدوا فى تحضير مراسم الجواز وعمران عمل حفله فى الڤيلا تضم الاهل والأقارب وأولاده فقد لا غير وفى الساعه السابعه مساءا أدهم راح علشان يجيب الهام من الكوافير وخرجت كالملكه فى يوم زفافها وركبوا العربيات ووصلوا الڤيلا وكان المأذون حضر وتم كتب الكتاب واحتفلوا حتى الساعه 12 صباحاً

أدهم.. يلا يا حبيبتى عاوزين نطلع اوضتنا كفايه كده دى الساعه 12 وبعدين انتى وحشانى رددت وقالت بكسوف وحشتك بجد ❤️ رد وقال اه واوى كمان

الام.. يلا يا عرايس على اوضتكم

= وفعلا أدهم خد الهام وطلعوا على اوضتهم واول لما دخلوا قفل الباب وهى سبقت ودخلت البلكونه ودخل وراها وابتدى يلمسها

.. انت بتعمل ايه

.. بحبك يا الهام

.. ممكن اغير الفستان الأول وجت تتدخل الحمام شدها وقرب منها وابتدى يقلعها الطرحه وهى كانت بتبص لعينه اوى وقرب منها وهى قربت واول لما ابتدى يحضنها. 

فجأه زقته وجريت على الحمام وجرى وراها ووقفت على الحوض وابتدت ترجع....

#يتبع

ووقفت على الحوض وابتدت ترجع ومسكت بطنها وخرجت من الحمام وقعدت على السرير وقالت الظاهر كده ان اخدت شويه برد فى معدتى

.. الف سلامه عليكى يا حبيبتى خلاص غيرى الفستان وريحى جسمك وانا هعملك حاجه دافيه

= هزت راسها ونامت على السرير ومسكت بطنها

= وهو نزل تحت علشان يعمل لها حاجه دافيه

= قامت من على السرير وكأن لم يكن شئ وقالت كان لازم اعمل كده انا مش عاوزاه يلمسنى خالص لأنى ضحكت عليه وهيعرف انى مش بنت ووقتها بقى هيتهمنى زيه زى اى راجل وهيقول انى فرط فى شرفى وهيفضحنى قدام أهلى

الام.. ايه ده فى ايه يا أدهم خير نازل وسايب عروستك لوحدها هى زعلتك ولا ايه

أدهم.. لا يا طنط الظاهر كده انها واخده برد فى معدتها قولت اعملها حاجه دافيه

الام.. اكيد التكييف

أدهم.. الظاهر كده

الام.. اقعد عاوزه اقولك حاجه

أدهم.. خير يا طنط

الام.. انت دلوقت جوز بنتى يمكن مش مناسبين لبعض بس خلاص بقى أمر واقع انت بقيت نسيب عمران بيه وولادك هيكونوا من الهام أجمل بنات العيله واول حفيد لعيلتنا ولينا كلنا هتكون انت باباه

أدهم.. يا طنط هو فى حاجه حصلت منى

الام..المهم لازم تتغير فى كل حاجه عارف يا أدهم انت شبهه ابوك بالظبط ودايما بتفكرنى بيه كان مكافح وشاطر الله يرحمه 

أدهم.. الله يرحمه يا طنط ان شاء الله هكون عند حسن ظنك وقال فى سره الله يرحمه ده لو كلام جلال صح انكم قتلتوه انا مش عارف هعمل فيكم ايه 

الام.. يلا اطلع لعروستك دلوقتى وخلى بالك منها

عمران.. انت هنا يا أدهم بيه ما انا قولتلك يا هانم اكيد الهام مش عاوزاه شكلها طردتك يا عريس الغفله

الام.. اطلع انت يا أدهم

= وفعلا أدهم طلع اوضته ومردش عليه  ولما دخل وكان معاه نعناع علشانها بس لقاها نايمه على السرير

.. خودى يا حبيبتى نعناع يهدى معدتك شويه

.. انا حاسه انى بقيت كويسه وعاوزه انام

.. تنامى؟!

.. اه يا أدهم انام واحده تعبانه متنمش يعنى!

= قام وفتح الدولاب وغير البدله وقال فى سره الليله باينه من اولها وطفى النور وراح نام جمبها ولما حاول ياخدها فى حضنه كانت بتبعد! 

= الام طلعت اوضتها وعمران طلع وراها وهو متعصب من كلامها مع أدهم 

.. انا بقولك اهو أدهم بقى جوز بنتك وأمر واقع بلاش بقى الأسلوب ده علشان خاطر البنت على الاققل

.. ههههههههه خايفه عليه علشان شكل حبيب القلب 

.. انت شكلك كبرت وخرفت وبتغير من راجل ميت! 

.. الراجل الميت ده انتى كنتى بتحبيه 

.. احنا مش هنخلص من الموضوع ده يا عمران!؟ 

.. انا هنام تصبحى على خير

.. وانت من اهله 😁

= والكل نام والڤيلا فى هدوء تام

الهام قلقت من النوم وبصت فى الفون وكانت الساعه 4 الصبح وشافت رساله واتس وفتحت وكان نفس الرقم الغريب ومتصل بيها كذا مره وفتحت الرساله وكان كاتب لو عاوزه تعرفى مين بيعمل فيكى كده انا هستناكى بكره ومعايا فيديو يهمك كتير والمكان قدام بوابه الڤيلا الساعه 3 بالليل ولو منزلتيش انتى الخسرانه مش انا 👍🏼

= بصت جمبها وأدهم نايم وحاولت تنام بس الرساله شاغله دماغها وقالت فى سرها انا لازم افتح تليفون أمينه واعرف اخر مكالمه كانت مع مين بدل القرف اللى انا فيه ده 

=وفى صباح اليوم التالى 

.. صباح الخير يا اجمل حاجه حصلت فى حياتى وابتدى يقرب منها ويلمسها وهى بتبعد عنه وقامت من جمبه 

.. ايه ده انتى رايحه فين؟ 

.. نازله تحت 

.. نازله تحت وانتى لابسه هدوم خروج 

= تليفون الهام رن رددت وقالت ازى حضرتك يا طنط ونزلت وهى بتتكلم 

.. مبروك يا الهام بس مكنش العشم تتجوزى ولا كأنك ليكى صاحبه لسه نارها مبردتش😭 

.. انا اسفه بس غصب عنى صدقينى يا طنط 

.. انا عاوزه اشوفك يا بنتى ده انا لما بشوفك بشوف فيكى روح أمينه

= التليفون وقع من ايد الهام والسكه اتقفلت ومسكت الفون وقالت ده جاب شاشه وهو الموضوع ناقص قرف 

الام.. صباحيه مباركه يا حبيبتى 

الهام.. الله يبارك فيكى يا ماما 

الام.. مالك فيكى ايه وفين جوزك 

الهام.. جوزى فوق والتليفون جاب شاشه وانا عاوزاه ضرورى 

الام.. اشترى غيره 

الهام.. انا مستغناش عن تليفونى 

الام.. هه برحتك مالك يا بنتى مش على بعضك ليه؟! 

الهام.. ماما انا خارجه هشوف موضوع التليفون ده ومش هتأخر 

الام.. انتى لسه عروسه مينفعش 

الهام.. مش هتأخر ها 

= وخرجت من غير ما تقول وكانت سريعه الخطوات وهى خارجه الجنينه خبطت فى كتف وليد. 

الهام.. مش تحاسب 

وليد.. صباحيه مباركه يا عروسه امال فين العريس؟! 

الهام.. فوق أدهم فوق 

= وخدت بعضها وركبت عربيتها وخرجت.. 

وليد.. شوفت الهانم بتعاملنى زى الخدام 

جلال.. وايه الجديد 

وليد.. الجديد انى مش هسيب حقنا 

جلال.. انت فاكر علشان اتجوزت أدهم هتعاملك زى اخوها وكده 😂🤔 تبقى عبيط علشان هى مش بتحبه دى مغصوبه وطبعاً بسبب الفضيحه اللى حصلت 

وليد.. بس انا مش هسيب حقى وحقكم 

جلال.. أدهم بس يتحد معانا وكل هيمشى زى ما احنا عاوزين.... 

= وبعد مرور ساعات الهام رجعت الڤيلا ومعاها تليفون جديد واول لما دخلت أدهم زعق معاها لأنها مقالتش انها خارجه

عمران.. اوعى تعمل راجل على بنتى انت فاهم يا أدهم بيه 

أدهم.. دى مراتى يا عمى 

الهام.. خلاص يا بابا انا اسفه يا أدهم وقربت منه وقالت يا حبيبى التليفون جاب شاشه وروحت اعملها وكمان روحت كشفت على معدتى رد وقالها مش المفروض اكون معاكى رددت وقالت غلطه منى بس انت عارف التليفون ده غالى عليه ده هديه أمينه ليه رد وقال وهو فين رددت وقالت سبته فى الصيانه وقالى يومين وهروح اخده 

.. ماشى يا حبيبتى 

.. انا طالعه 

عمران.. مش هتتعشى يا حبيبتى 

الهام.. هتعشى فوق انا وأدهم

=وطلعت اوضتها جرى وسبقت أدهم وقفلت عليها الباب وفتحت الشنطه وكان فيها تليفون أمينه وتليفون جديد وركبت خطها ونزلت واتس  ومسكت تليفون أمينه وقالت انت اللى فيك السر بس للأسف الولد اللى اعرفه وبيفتح اى تليفون مكانش موجود ومينفعش حد غيره لأنى اتعاملت معاه كذا مره وبثق فيه بس كلها بكره وهعرف كل حاجه وخبت تليفون أمينه فى شنطتها وشالته فى الدولاب 

= أدهم طلع الاوضه وكانت عامله نفسها نايمه واضايق منها وابتدى يقرب منها بس بعدت عنه 

.. انتى بتبعدى عنى ليه مع انى بحبك♥️ 

.. أدهم انا مخبيه عليك حاجات تمنعنى منك وقامت قعدت على السرير وقالت ومش اى راجل يقبلها 

.. ما انتى صاحيه اهو؟؟ 

.. يا ترى لما تعرف هتقف جمبى

.. اكيد بس قولى حاجات ايه؟؟ 

.. بكره ان شاء الله فى خطوه هعملها وصدقنى لو متمتش هقولك على كل حاجه لأنى فعلا محتاجالك اوى وحضنته 

.. انا بحبك يا الهام ومقدرش استغنى عنك 

.. خليك جمبى وفى ضهرى 

.. انا جمبك يا حبيبتى بتعيطى ليه دلوقتى وانتى فى حضنى بصت وعينها كلها حزن وقالت صدقنى كلها يوم وهتعرف كل حاجه بس اوعدنى اوعى تسبنى وتقف جمبى 

.. حاضر يا حبيبتى وخدها فى حضنه لحد ما نامت وهو كمان راح فى النوم 

. الباب بيخبط 

= قام فتح الباب وكان الوقت متأخر وعرف ان وليد اخوه تعبان اوى وسابها نايمه ونزل جرى ولما راح اوضته لاقاه ماسك جمبه وخدوا هو وجلال وراحوا المستشفى وعرفوا انها زايده 

= الفون بيرن 

الهام قامت مسكت الفون وبصت فيه وافتكرت الميعاد وقالت ايه ده هو فين أدهم

.. انا لازم اقوم البس وانزل ده الميعاد 3 وخلاص كلها ربع ساعه بس فين أدهم ومسكت الفون ورنت عليه بس الفون كان جمبها وقالت هو كمان ساب التليفون امال راح فين ده؟ ياربى بقى 😏

وسمعت صوت تليفون بيرن بس مش تليفونها ومسكت فون أدهم بس لما ركزت كان الصوت جاى من الدولاب وقربت وفتحت الدولاب وقالت ده تليفون أمينه بيرن وخدت الشنطه وفتحتها بسرررعه 

.. ده رقم غريب وردت عليه وبعد المكالمه نزلت جرى.. 

= وبعد مرور ساعات وكانت الساعه 6 الصبح أدهم رجع الڤيلا والغريب ان البوابه كانت مفتوحه ودخل الڤيلا وشاف عمران مرمى على الأرض غرقان فى دمه ومضروب بالنار فى دماغه ومن الخضه طلع يجرى على اوضته وكان باب الاوضه مفتوح والهام مش موجوده... 

#يتبع

ج. 12و13.....#عشق_محرم

ولما دخل الاوضه كانت الهام مش موجوده

= نزل يجرى على تحت وهو مذهول وعلى ضرخه واحده عمى عمران اتقتل وطلع على اوضه حماته وخبط عالباب وقامت وهى مخضوضه على صرخاته ان عمران جوزها اتقتل

.. فى ايه يا أدهم

.. الحقى عمى عمران بره مضروب بالنار ردت بصرخه وقالت هو فين وخرج يجرى فى الجنينه وهى خرجت وراه واول لما شافته قربت منه ومسكته وايدها بقت كلها دم عمران وفضلت تصرخ وانهارت وكل أولاده قاموا على صرخات الام وشافوا اغلى شئ مقتول قصاد عينهم

أدهم.. محدش شاف الهام دى مش موجوده فى اوضتها

الام.. هى فين الهام؟ رد احمد وقال لازم نطلب البوليس دلوقتى بابا اتقتل ودى جريمه قتل

أدهم.. ايوه وانا هكلم المحامى اهو يكون معانا

ساره.. خلاص اتيتمنا يا ماما يا حبيبى يا بابا 😭

= واحمد طلب البوليس وقال إن ابوه اتقتل فى الڤيلا وعمران مرمى على الأرض سايح فى دمه

وبعد مرور الوقت البوليس وصل والاسعاف وبالكشف على عمران كانت هنا المفاجأه

الدكتور.. ده لسه فى نبض وبيتنفس يعنى عايش

الام.. يارب

وكيل النيابه.. مستنى ايه يا دكتور يلا بسررعه على المستشفى

= وفعلا الإسعاف شالوا عمران وطلعوا عربيه الإسعاف والام ركبت معاهم هى وأولادها الرجاله والبنات قعدوا فى الڤيلا وأدهم بين نارين عمران وكمان اختفاء الهام

وصلوا المستشفى وعمران دخل عمليات وخرج على االانعاش وكان فى غيبوبه

أدهم.. عمى عمران عامل ايه يا طنط

الام.. فى غيبوبه بس قولى الهام رجعت البيت

.. لأ انا رجعت من المستشفى عند وليد وكانت الساعه حوالى 6 الصبح ولقيت عمى عمران مرمى غرقان فى دمه والهام مش فى الاوضه

الام.. امال هتكون راحت فين الصبح كده

أدهم.. مش عارف الساعه دلوقتى عدت 11 الضهر انا هكلم اصحابها وهسأل عليها

الام.. اصحابها مكنش فى غير أمينه وماتت الله يرحمها بقى

.. خلاص يا طنط انا همشى على الڤيلا دلوقتى علشان البنات هناك وشوف هعمل ايه يمكن الهام رجعت

احمد.. فى ايه يا ماما

.. اختك الهام مش موجوده من الصبح

.. هتكون راحت فين يعنى

.. والله ما اعرف ده انا حتى عرفت من أدهم

= وكيل النيابه قرب منهم وقال

.. مين اللى اكتشف قتل عمران وضربه بالنار

.. أدهم جوز بنتى وكمان عمران يبقى عمه

.. ممكن تحكى شوفت ايه بالظبط

.. ااااا انا رجعت البيت 6 الصبح وكانت البوابه مفتوحه وده مش طبيعى

.. وحضرتك كنت راجع منين فى الساعه دى؟!

.. يا باشا انا كنت مع اخويا لأن بالليل جاله ألم جامد فى جمبه وروحت المستشفى معاه وطلع زايده ولما اطمنت عليه رجعت من المستشفى علشان اطمن مراتى عليه لأنى خرجت من غير ما تعرف وكمان مخدتش معايا التليفون بس لما رجعت كانت البوابه مفتوحه وعمى مرمى سايح فى دمه جريت وانا مخضوض وطلعت على اوضتى اقول لمراتى الهام بس ملقتهاش

.. يعنى ايه ملقتهاش؟

.. ايوه ملقتهاش بس قولت يمكن فى الحمام وجريت على اوضه مرات عمى وبلغتها باللى حصل

.. ومراتك رجعت وكلمتها؟!

.. لأ مرجعتش لحد دلوقتى يا باشا

.. بس ده معناه أن اختفائها وراه حدوث الجريمه

.. ازاى يا باشا؟ 

.. يمكن حد كان بيحاول يخطفها وخصوصاً انك كنت مش موجود وعمران بيدافع عن بنته قام ضربه بالنار وخطفوها 

.. معقول بس مين اللى هيخطف الهام؟ دى ملهاش اى أعداء 

.. هو لازم أعداء يمكن حد وعاوز فديه عموما لو مظهرتش النهارده كله هيبان بس انا عاوز اشوف اوضتها ممكن 

.. اكيد يا باشا انا عموما كنت راجع الڤيلا دلوقتى اتفضل معايا 

الام.. ابقى طمنى يا أدهم 

احمد.. ماما يا ترى مين اللى عمل فى بابا كده ومعقول تكون الهام مخطوفه 

الام.. انا قلبى جواه نار 🔥 يا ابنى 

احمد.. انا هروح معاهم وهطمنك ومحمد معاكى ولو فى جديد عن بابا بلغينى وانا برضه هكلمك 

الام.. ابوك فى غيبوبه والله اعلم هيقوم منها ولا لأ يمكن مكناش متفاهمين فى حاجات كتير بس هو عشره عمرى مليش غيره ونايم جوه لا حول ولا قوة ربنا يقومه بالسلامه وغير الهام انا خايفه عليها 

.. ان شاء الله خير والهام هترجع متقلقيش يا ماما 

الدكتور.. عمران بيه حالته لسه مش مستقره بس لو عدى 24 ساعه مع الوقت هيفوق هو دلوقتى محتاج دعواتكم 

الام.. يارب يارب 

الدكتور.. معاكم الممرضه أيه لو محتاجين اى حاجه هى هتكلمنى على طول 

الام.. حاضر يا دكتور

= واحمد خرج وراهم وراح معاهم الڤيلا واول لما دخلوا كانت ساره وتوأمها قاعدين 

أدهم.. اتفضل اوضه الهام فوق يا باشا 

= واول لما طلعوا الاوضه كانت مفتوحه 

وكيل النيابه.. دى اوضتها 

أدهم.. ايوه 

= وابتدى يبص ويفتش فى الاوضه شمال ويمين وقرب من البلكونه وفضل يبص على الجنينه ودخل وفتح الدولاب ومسك شنطه الهام 

وكيل النيابه.. دى شنطه المدام الهام 

أدهم.. ايوه 

= واول لما فتحها شاف تليفون أمينه وقال ده تليفونها رد وقال لأ مش تليفونها 

.. امال تليفون مين؟ 

.. معرفش انا اول مره اشوف التليفون ده

وكيل النيابه.. ده مقفول بباسورد

أدهم.. يارب ترجع

احمد.. انا اختى اختفت وياريت تحقق فى اختفائها لأنها مش متعوده تخرج فى الوقت ده

.. تليفون أمينه رن

= الكل مذهول ووكيل النيابه مد ايده وادى التليفون لأدهم وقاله رد وخده منه ورد وكانت مامت أمينه وقالت الو ده تليفون بنتى وانا بدور عليه رد وقالها مين معايا رددت وقالت انا مامت صاحبه التليفون رد وقال مين صاحبته رددت وقالت صاحبته ماتت 😭 رد وقالها اسمها ايه يعنى؟ رددت وقالت المرحومه أمينه رد وقال أمينه! 

أدهم قال لوكيل النيابه دى مامت أمينه صاحبت الهام بس ايه اللى جاب تليفونها هنا؟

وكيل النيابه.. هات التليفون يمكن تعرف الباسورد 

= ساره طالعه تجرى وقالت الحقوا فى واحد كلمنى وقال إن الهام خطفوها وعاوزين 5 مليون جنيه

أدهم.. مين دول

ساره.. معرفش

وكيل النيابه.. هات الرقم بسرررعه

ساره.. ده رقم خاص

وكيل النيابه.. فى حاجه غلط

مامت أمينه.. الو الو

وكيل النيابه.. ازى حضرتك انتى متأكده ان ده تليفون بنتك رددت وقالت اه رد وقالها طيب انا عاوز اكلمها اتأكد منها رددت وقالت دى ماتت من اسبوعين وقعت من البلكونه عند صاحبتها الهام رد وقال ماتت البقاء لله ومشى بخطوه سريعه لحد البلكونه ومسك السور بإيده وقال بس السور عالى ازاى تقع من البلكونه

مامت أمينه.. الو الو انا بس عاوزه تليفون بنتى عليه كل صورها وده الذكرى الوحيده ليه رد وقالها اول مره تتصلى عليه رددت وقالت ايوه انا لسه يا دوب بفوق من صدمه موت بنتى الوحيده

وكيل النيابه.. تعرفى الباسورد بتاع التليفون

مامت أمينه.. هى كانت بتعمله عيد ميلادها او عيد ميلاد اخوها الله يرحمه ده كان غالى عليها اوى واهى حصلته يا قلب امها 😭

وكيل النيابه.. قولى تاريخ عيد ميلادها ولما كتبه طلع غلط وقالها تقول عيد ميلاد اخوها؟ وقالت عيد ميلاد اخوها وطلع غلط 

وكيل النيابه.. السر مع عمران هو اللى شاف كل حاجه وعارف مين خطف بنته 

مامت أمينه.. انا عاوزه تليفون بنتى 

وكيل النيابه.. انا هجيبه لحد عندك وقال ممكن العنوان 

أدهم.. حضرتك هتديها التليفون 

وكيل النيابه.. قفل مع مامت أمينه بعد ما وعدها ان التليفون هيوصلها لحد عندها وخد العنوان منها 

أدهم.. يا باشا هو فى حاجه 

وكيل النيابه.. التليفون ده اكيد هنعرف منه حاجه بس فى اسئله كتيره هو ليه مع الهام وازى صاحبتها وقعت من البلكونه مع ان السور عالى وهى مش طفله علشان تقع فى لغز فى الموضوع 

أدهم.. المهم ان مراتى تكون بخير 

وكيل النيابه.. السر مع عمران 

= وكيل النيابه نزل من الڤيلا وراح المستشفى ومعاه التليفون وأدهم والبنات واحمد قاعدين مستنين اى خبر عن الهام وعمران فى المستشفى وفجأه وليد رجع ومعاه جلال من المستشفى ودخل اوضته 

= وجلال ساب اخوه ودخل الڤيلا 

.. فى ايه هو ايه اللى سمعته ده 

أدهم.. شوفت عمى عمران كان هيتقتل بس جت سليمه 

احمد.. بابا فى غيبوبه والله اعلم هيفوق ولا لأ

جلال.. بس الحمد لله انه عايش 

ادهم..بس الهام مش، موجوده اتخطفت شوفت المصيبه وكمان فى تهديدات انهم عاوزين فديه 

جلال.. الهام يا نهار اسود 

أدهم.. انا مش عارف هعمل ايه 

جلال.. خلاص ادفع الفديه 

أدهم.. معرفش بقى 

جلال.. ازاى متعرفش انت جوزها

أدهم.. انا مش عارف حاجه خالص ومش عارف مراتى راحت فين؟ 

فى المستشفى... 

وكيل النيابه وصل واطمن على حاله عمران وعرف انها مش بسيطه ولسه فى غيبوبه وخد شويه اقوال من مامت الهام واخوها محمد الكبير ومسك تليفون أمينه وفضل يبص فيه 

وكيل النيابه.. ممكن حد يتصل بإلهام 

الام.. انا بتصل بيها من الصبح مغلق 

محمد.. وانا كلمتها مغلق بس ممكن تكون عند حد من قرايبنا 

وكيل النيابه.. للأسف اختك مخطوفه واللى خطفها طالب فديه واكيد هو اللى ضرب عمران بيه بالنار 

= الدكتور خرج وقال عمران حالته بتسوء وعاوز أكياس ده لأنه نزف كتير وفصيله دمه نادره _AB ومش موجوده 

الام.. وايه العمل يا دكتور 

الدكتور.. المفروض نعمل اعلان بسرررعه او نشوف حد من أولاده 

وكيل النيابه.. انا نفس فصيلته سبحان الله ومستعد اتبرع 

= وفعلا اتبرع وبعد نقل الدم لعمران حالته ابتدت تستقر 

الام.. متشكره جدا يا ابنى انت عملت موقف انسانى 

وكيل النيابه.. لا شكر على واجب اى حد مكانى كان هيعمل كده انا والدى متوفى واعتبرته زى والدى وان شاء الله يقوم بالسلامه وتطمنى على بنتك 

الام.. يارب 

= واستأذن وراح لحد بيت مامت أمينه يحقق معاها ويستفسر عن موت أمينه ولما راح شاف انها لا تقل مستوى عن عمران ودخل الڤيلا وكانت مامت أمينه قاعده والڤيلا كلها ضالمه 

مامت أمينه.. اتفضل 

وكيل النيابه.. حضرتك عارفه انا مين 

مامت أمينه.. ايوه البواب بلغنى وعرفتك انت اللى هتدينى تليفون بنتى بالله عليك انت لقيته فين؟

وكيل النيابه.. المهم أمينه ماتت ازاى 

مامت أمينه.. من يوم ما مامتت وحيطان الڤيلا ضلمت الضنا غالى اوى البيت مبقاش فيه روح خدت كل حاجه معاها 😭

وكيل النيابه.. ايه الصريخ اللى جاى من فوق ده 

مامت أمينه.. مفيش صريخ ده الجيران 

= وبص على صوت الصريخ وكان فوق وطلع يجرى وهى طلعت وراها وقرب من الاوضه والصريخ صوته بيعلى وقال ده صوت بنت وبيفتح الباب 

مامت أمينه.. سيب الباب ومتحاولش علشان مش هيتفتح وبقولك هات تليفون بنتى وغور من هنا ورفعت عليه المسدس..

يتبع... 

الجزء الرابع عشر والخامس عشر والاخير اضغط هنا 


تعليقات