القائمة الرئيسية

الصفحات

روايه ابن عار الجزء الرابع والخامس عشر والاخير


 روايه ابن عار

الجزء الرابع عشر والخامس عشر والاخير

الكاتبه كوكى سامح


انا عقيم يا داده وانتى عارفه وكده عوضت منى بأققل حاجه رددت عليه الداده آمنه وقالت كله مقدر ومكتوب يا ابنى وقالت فى سرها بتعرف ربنا اوى سلط ابدان ع ابدان انتى بتعوضها وهى بتخونك 😎

محمد : داده هى منى مالها شكلها تعبان وانا عندى سفر شغل حوالى 3 شهور وخايف اسبها وامشى 

الداده آمنه : متخافش انا معاها 

محمد : اى حاجه تحتاجها كلمينى يا داده انا مسافر بعد اسبوعين 

الداده آمنه : لسه بدرى لسه اسبوعين 

محمد : انا طالع انام تصبحى ع خير 

الداده آمنه: وانت من اهله

وجريت الداده آمنه ع اوضه عامر وخبطت عليه وعامر كان فاكر منى وقال تعالى 

الداده آمنه : عامر محمد بيه قاعد اسبوعين ابقى خلى بالك من البوابه ومشيت وعامر ملحقش يرد عليها 

وقال هى مالها قالت الكلمتين وجريت ؟؟؟؟

ومنى نايمه فى سريرها زعلانه ع عامر مش هتقدر تشوفوا بس فرحانه انها بقى معاها فلوس وقالت فى سرها ياااه كده بقى اطلب الطلاق بقلب جامد ومعايا فلوس تكفينى انا وعامر سنين وغير الشركه والله يا منى وبقيتى مليونيره 😍 امتى بقى تمشى يا محمد انا مش طيقاك علشان نفسى فى حضن حبيبى عامر

محمد : منى منى 

منى : نعم 

محمد : بقيتى كويسه 

منى : اه الحمد لله تصبح على خير

محمد: وانتى من أهله ⁦

وفى صباح اليوم التالى محمد قام من النوم وصبح على منى وفطر وقالها أنه خارج مش هيرجع غير بالليل وفعلا فطر وخرج

منى بعد ما محمد مشى كلمت عامر فالتليفون وطلبت منه يقابلها فى الكافيه وفعلا عامر راح الكافيه وقابل منى وحصل بينهم الأتى :

منى : وحشتنى يا عامر 

عامر : وحشتينى اوى يا حبيبتى والنونو كمان واحشنى اوى 

منى : فى خبر حلو اوى 

عامر : قولى 

منى :  محمد كاتبلى عربيه وفلوس وشركه والڤيلا كمان 😍بس مش عارفه ايه السبب بس انا اتفجأت

عامر : بجد 😍 الف مبروك 

منى : انا هعملك توكيل بكل ده وابتدى شغل وانا هطلب الطلاق 

عامر : انتى مجنونه لو جوزك عرف هتعملى ايه 

منى : يا ابنى ما انت عارف هو بيسأل عليه اصلا ده عنده هم ما يتلم يلا تعالى معايا ع الشهر العقارى انا معايا الورق كله هعملك توكيل وانت اتصرف برحتك فى كل حاجه 

عامر : لا يا منى انا راجل ومقبلش ست تصرف عليه 

منى : انا ام ابنك ومراتك ومحمد مش هيلمسنى تانى وهطلب الطلاق اول ما يرجع 

عامر : طيب نعمل التوكيل وهقولك تصرفى ازاى 

وفعلا منى راحت الشهر العقارى ووكلت عامر فى كل أملاكها اللى كاتبها ليها محمد وكانت فرحانه اوى وبعد ما خلصوا مشوارهم عامر اتفق مع منى متتطلبش الطلاق من محمد دلوقتى لانه هياخدها ويهرب معاها وهتبلغه وطبعا محمد مش هيقبل ع نفسه وهيطلقها ده كان اتفاق عامر مع منى 😎

ومنى فرحانه انها هتهرب مع عامر وهتتطلق من محمد 

وعامر قال لمنى يلا روحى انتى الڤيلا وانا هتأخر شويه كده علشان محدش ياخد باله وبعد ما أتأكد إن منى مشيت دخل محل موبايلات واشترى شريحه جديده من غير اسم وراح ع الڤيلا وقعد ع البوابه ولا كأن حصل حاجه 

ومنى قاعده فى اوضتها بتحلم باليوم اللى هتكون فى مع عامر وتهرب معاه ودخلت عليها الداده آمنه وقالت ست منى هتاكلى انتى ناسيه نفسك خالص

منى : لما يرجع محمد هبقى آكل معاه بقولك يا داده ابقى ابعتى لعامر عشا ممكن

الداده آمنه: يا بنتى مش هينفع محمد بيه هنا يزعل لو شافنى ومش هيسكت 

منى : خلاص بلاش لما يمشى بقى 

الداده آمنه : انا هنزل احضر الأكل هو محمد بيه ع وصول 

منى : طيب 

والداده آمنه نزلت تقول للطباخ حسن يحضر الأكل وفعلا حضر ومحمد وصل ومنى نزلت وهما ع الأكل منى كان شكلها تعبان ومحمد قالها أنه هيسافر بعد اسبوعين فى شغل لمده شهرين ومنى قالت طيب يا حبيبى ربنا معاك بس محمد استغرب من ردها وقال إنها متغيره ومش زى الاول 😎 وبعد مرور أسبوع ومنى التعب باين عليها من الحمل ومش بتاكل خالص ومحدش عارف حاجه وبتكلم عامر فون بس وبيصبرها ع البعد وبيوعدها بالهرب وهى مستنيه اوامر عامر ليها علشان تهرب معاه ومحمد مشغول كالعاده 

وفى يوم وهما قاعدين مع بعض منى اغمى عليها ومحمد اتصل بالدكتور وفعلا الدكتور وصل وكشف ع منى وخرج وقال لمحمد مبروك المدام حامل ....

يتبع ...

الدكتور خرج من اوضه منى وقال لمحمد مبروك المدام حامل وكانت الداده واقفه جمبه ومحمد من الصدمه انهار وقال حامل ازاى انا عقيم يا داده وهى متعرفش منى بتخونى انا هدخل اموت الفاجره دى راحت الداده آمنه مسكت محمد وفضلت تهدى فيه وقالت وطى صوتك بلاش تخليها تسمعك دلوقتى خد حقك أن شالله تموتها وده حقك 🙄😎 دى خاينه تستاهل القتل بس بلاش هنا وطبعا محمد بيسمع كلام الداده وساكت ومش شايف قدامه وقالها انتى من رأيك اتصرف ازاى يا داداه راحت الداده بكل خبث قالت لمحمد مع ان انت عايش فى أمريكا وده كان قبل كده بالنسبه ليك عادى راح محمد قالها تقصدى ايه 😎 راحت الداده قالت ولا حاجه خلينى افكر تتصرف ازاى مع الخاينه اللى جوه دى 😏

الداده آمنه : محمد بيه ادخل بارك لها على الحمل ولا كأنك تعرف حاجه ودى مناسبه انك تاخدها تفسحها فى اى مكان 

محمد : افسحها كمان 

بقلمى كوكى سامح

الداده آمنه : اسمعنى للأخر وقربت من محمد وبصوت واطى وقالت خودها فى البيت اللى عند البحر 

محمد : بيت ! بيت ايه ؟ قصدك الشليه اللى فى  الساحل

الداده آمنه : والله يا ابنى ما اعرف اسمه 😂 هو البيت اللى ع البحر اللى بتصيفوا فى اهو بيعيد خد ست منى واتفاهم معاها هناك وسوف مين ابو العيل ده واوعى تقتلها 😁 مع أنه حقك ومش هتتحاسب عليه دى خاينه تستحق القتل 😎

محمد : خلاص يا داده انا هاخدها واروح الشليه لما ادخل ابارك لها ع الحمل 😭💔

وفعلا محمد دخل ع منى بس كانت نايمه وفضل قاعد جمبها ومستنيها تقوم من نومها

والداده آمنه دخلت اوضتها وكانت مبسوطه وقالت انت ياما خربت بيوت ناس وأولهم انا منك لله لما اروح لعامر وافهمه ع اللى حصل وراحت لعامر وفهمته أن محمد عرف بحمل منى وهياخدها ع الشليه وعامر قالها كده كله كويس والداده طلبت من عامر ميخرجش من اوضته ويعمل عيان وعامر استغرب بس وافق 

منى : اه اه انا حاسه انى دايخه 

محمد : حبيبتى صحيتى الف مبروك 

منى : ع ايه ؟؟؟!

محمد : انتى حامل يا حبيبتى 😍😁

منى : حامل اه الله يبارك فيك

محمد : قومى شدى حيلك علشان نروح الساحل نقضى يومين هناك وطبعا منى متعرفش أن فى مكيده ليها 

محمد قال فى سره ماشى لازم اوريكى يا خاينه

وفى صباح اليوم التالى قعدوا فطروا ومنى جهزت نفسها هى ومحمد علشان يروحوا الساحل بس منى مش عارفه توصل لعامر وسألت الداده عليه والداده قالت تعبان ومنى قالت لازم اشوفوا قبل ما أمشى بس معرفتش تشوفوا خالص 😭💔😎 وخدها محمد وراحوا الساحل وهما فالطريق كانت منى تعبانه من الحمل جدا ومش قادره حتى تتكلم 

وطبعا عامر قفل البوابه واتملك من الڤيلا ودخل لاقى الداده آمنه وقالها هههههه كل حاجه بقت بأسمى خلاص يا يا داده آمنه قدرت اخد حقنا ولسه وراحت الداده قالت أنا مشيت الطباخ وفهمته ميجيش تانى راح عامر قالها وده الورق والڤيلا والفلوس والشركه والعربيه بقدمهم مهر لبنتك نجلاء انا طالب أيدها والداده فضلت تعيط وحضنت عامر ووافقت 😍 وكانت فرحانه جدا 

ومنى ومحمد وصلوا الساحل وابتدى محمد يعاتب منى وقالها انتى حامل من مين وفضل يضرب ومنى مش عاوزه تقول وقالت منك يا محمد لأنها خافت من شكله بس محمد قالها انا اتجوزت فى أمريكا يا هانم وعملت فحوص واشعه وأثبتت انى مش بخلف 💔😭 وانتى خاينه يا منى 

منى : انت مش بتخلف 

بقلمى كوكى سامح

محمد : وانتى خاينه تستاهلى القتل وطلع المسدس من جيبه وقتل منى ب 4 رصاصات ومنى ماتت فالحال ضحيه عامر والداده وانتقامهم من محمد 

بقلمى كوكى سامح

فى الڤيلا حصل الأتى : الداده وعامر استولوا ع الڤيلا وفجأه وصل عبد الدايم خال محمد وفضل يضرب كلكس والداده خرجت وقالت محمد راح الساحل وخرج عامر وقال يا استاذ عبد الدايم انا اشتريت الڤيلا والشركه بيع وشراء من منى هانم وياريت محدش منكم يجى هنا تانى وطبعا عبدالدايم خال محمد استغرب وراح الساحل وبمجرد وصوله لاقى باب الشليه مفتوح وشاف مصيبه منى مقتوله ومحمد مقتول والاتنين بمسدس واحد وراح اتصل بالداده وقالها منى اتقتلت ومحمد اتقتل والبوليس والطب الشرعى أثبت أن محمد قتل منى ولسبب الخيانه وطبعا خاله عارف أنه مش بيخلف إنما مين قتل محمد الطب الشرعى أثبت أنه اتقتل  ب 4 رصاصات اللى فاضلين فالمسدس وفى بصمات غير بصمات محمد ع المسدس والداده قفلت السكه وقالت لعامر انت قتلت محمد بس عامر قالها انا لا طبعا ههه ما انا متحركتش من جمبك والدادده قالت والله كان نفسى اققتله بإيدى بس السؤال هنا مين قتل محمد

#التعديل

#ابن_عار

#التعديل

ولما الداده وسوست لمحمد أنه يروح الساحل علشان يتصرف مع منى ويعرف هى خانته مع مين طبعا كل ده بالاتفاق مع عامر لأن قبل ما محمد يتجوز منى الداده كانت بتجيب بنتها الوحيده نجلاء تساعدها فى الشغل فالڤيلا ونجلاء كانت هى وعامر بيحبوا بعض ومحمد اول لما شاف نجلاء أعجب بيها اوى وطبعا نجلاء كانت بتحب عامر ومحمد قال للداده أن نجلاء كبرت وبقت زى القمر وابتدى يعاكس فيها وطبعا الداداه عمرها ما فكرت أن محمد يبص لنجلاء لأنهم فقرا وهما خادمين عندهم والعين متعلاش ع الحاجب 😒 محمد كل اللى عجبه أن نجلاء جميله وكانت بتقف تكلم عامر كتير وهو عايش فى أمريكا فالبنسبه لي الأمور دى عادى وفى يوم الداده خرجت وسابت نجلاء لوحدها فالڤيلا ومحمد كان فى شغله وعامر وأبوه كانوا على البوابه بس شاءت الظروف أن عامر يرجع بدرى ونجلاء كانت فالحمام بتغير هدومها وخرجت ولاقت محمد فى وشها اتحرجت واتكسفت بس محمد كانت نظراته ليها نظرات ذئب بشرى واتهجم عليها ومع صراخ نجلاء وكانت بتتوسل لى أن يسبها هى مخطوبه لعامر وفضلت تصرخ وتنادى على عامر😭 وعامر قاعد ع البوابه للأسف مسمعش صوتها ومحمد ضيع شرفها وسابها وغير كده اتعدى عليها بطريقه وحشيه وهتك رحمها وسابها غرقانه فى دمها ومشى وفضلت نجلاء مغمى عليها ولما الداده رجعت ولاقت نجلاء غرقانه صوتت وجريت ع عامر تستنجد بيه وخدوه نجلاء وراحوا  المستشفى هى وعامر وعرفوا الكارثه أن محمد اغتصبها وغير كده اتسبب فى هتك رحمها ونجلاء جاتلها حاله نفسيه وسابت عامر بس عامر متخلاش عنها وحلف هو الداداه ياخدوا حقها علشان الداده لما عرفت أن محمد اغتصب نجلاء اتوسلت وباست رجل محمد يتجوزها بس للاسف مرضاش وسافر ورجع واتجوز منى والداده مشيت بس عامر قالها علشان تاخد حق نجلاء لازم تقعدى فالڤيلا وتستحملى وفعلا خدوا حقها بخيانه منى مع عامر وخدوا فلوس وشركه وڤيلا وعربيه بس نجلاء عرفت أن محمد مسافر من اتفاق عامر مع مامتها وسبقتهم وراحت واتربصت لمحمد وبعد ما قتل منى محمد كان منهار مش عارف يعمل ايه وقعد ع كرسى وهو منهار ومش شايف قدامه دخلت نجلاء وهو ولا كأنه شايف وخدت المسدس وقتلته بباقى الرصاص ومشيت والجريمه اتقيدت ضد مجهول بقتل محمد لمنى إنما قاتل محمد مجهووول لأن محدش يعرف نجلاء لأنها للأسف مجهووله واتجوزت عامر وفاقت وخدوا حقهم العين بالعين والسن بالسن والبادى اظلم وانتهت القصه 😍 يارب تكون عجبتكم

تعليقات