القائمة الرئيسية

الصفحات

روايه علاقه محرمه الجزء السادس والسابع


 روايه علاقه محرمه

الجزء السادس والسابع

الكاتبه كوكى سامح



واول ما ولاء والعروسه والعريس دخلوا القاعه وابتدت الزفه ومراسم الزفاف والكل مبسوط وولاء لاحظت أن أمها مش موجوده والكل بيسأل ع الام وبياركوا لولاء بدل امها لأنها اخت العروسه الكبيره ودعاء العروسه سألت ولاء هى فين ماما المفروض تكوون فى استقبالى 

ولاء : معرفش يمكن مشغوله هنا ولا هنا اه ممكن تكون جايه مع أولاد عمى وبنات خالتى ما انتى عارفه الشقه امبارح كانت مليانه 

دعاء : اوف الصوت عالى مش سامعه حاجه مشغوله فين ؟؟! 

ولاء : حبيبتى خليكى فى ليلتك يا قمر انتى قمر اوى اللهم بارك 😍

دعاء : ماما انا قلقانه عليها اوى 

ودعاء قالت لمحمد يتصل برقم مامتها بس محمد رفض بحجه الصوت عالى ومش هيسمع 

دعاء : أخرج بره القاعه المهم تكلم امى انت فاهم عايزه اطمن عليها انا قلقانه وخايفه لايكون جرالها حاجه وفعلا محمد خرج بره القاعه واتصل ومش بترد ع الفون ودخل قال لدعاء انها مش بترد 

دعاء : بنات عمى وبنات خالتى وعيله بابا وماما وكلهم موجودين فى حاجه غلط فين ماما راحت فيين ؟؟ انا قلبى مقبوض 😭 لا لا اكيد ماما كويسه احمد اخويا اهو 

وجريت دعاء ع احمد اخوها وسألته وقالها ماما من بعد ما مشيتى وهى كانت بتعيط وده أمر طبيعى علشان انتى هتسيبى البيت وكانت كويسه 

دعاء : بس هى فييين

احمد : هه بتقولى ايه 

دعاء : ماما فيين

احمد : معرفش انا سبتها وجيت مع اصحابى 

دعاء : اتصل بيها مالك بارد كده 😁

احمد : حاضر حاضر

دعاء : اتفضل أن شالله تروح البيت تشوفها

ولاء : يلا يا عروسه قومى ارقصى 

دعاء : ارقص بقولك ماما مش موجوده انتى ايه قلبك حجر 

ولاء : تلاقيها هنا ولا هنا قومى بس خلاص برحتك تعالى يا محمد ارقصك 🔥

ولاء فضلت ترقص هى ومحمد خطيب اختها ومع اصحابهم 

محمد : قال لولاء مالك حلوه كده انتى زى القمر 

دعاء : فى حاجه غريبه بتحصل حتى المأذون مش موجود فى حاجه غلط المفروض اول ما ندخل نكتب وبعدين الفرح يبتدى لالا لا لا فى حاجه 

وجريت ع عمها وقالت عمى هو مفيش مأذون فالقاعه دى ولا ايه ياريت تسأل 

وفعلا عمها راح سأل المسؤل عن القاعه والتفاصيل وازاى المأذون مش موجود 

ودعاء فى دنيا تانيه بتفكر فى امها راحت فين وجرالها ايه 🤦؟؟

وأحمد اخوها بيرقص مع أصحابه 😍

أما ولاء ومحمد بيرقصوا ومحدش عارف حاجه عنهم أنهم خاينين واوساخ 

والام مفقوده ومحدش عارف راحت فين وعدت ساعه والفرح شغال والدنيا تمام مع الكل إلا دعاء وعمها اللى عرف من مسؤل القاعه أن أمها هى اللى طلبت تأخير كتب الكتاب بحجه هتجيب مأذون العيله 

العم : دعاء امك عملت مصيبه وقايله لمسؤل القاعه أنها هتأخر كتب الكتاب وهتجيب مأذون العيله

دعاء : مأذون العيله هههههههه عمو هو مأذون عيله

العم : انا استغربت اكيد فى حاجه انا مش فاهم حاجه 

دعاء : انا خايفه على ماما اوى ولازم نتحرك حتى احمد البارد اتصل بيها مردتش ولا سأل 

العم : انا هروح اشوفها وان شاء الله خير كله خير 

دعاء : يارب يارب 

وعم دعاء اتحرك وراح البيت يشوف مرات اخوه فين ولما راح ملقاش حد موجود وسأل عليها الجيران اخر مره شافوها كانت امتى بس جارتهم قالت إنها كانت مرهقه وبتعيط علشان فراق دعاء 

العم : اومال هتكون راحت فين كده الليله هتبوظ عموما انا لازم اتصرف انا عمها ولازم البنت تتدخل النهارده وبعد ما اطمن عليها هشوف مرات اخويا راحت فييين وفعلا العم اتحرك وطبعا هو عارف ان مفيش مأذون فالقاعه اتصل بواحد صاحبه وشاف مأذون وخدوا وراح القاعه ومازالت الام مفقوده 

واول ما دخل القاعه ومعاه المأذون دعاء جريت عليه وقالت هى ماما جت الحمد لله 

العم : لا مجتش بس انا عمك مكان ابوكى جبت مأذون وهنكتب الكتاب ومتخافيش يا حبيبتى الليله مش هتبوظ

دعاء : متبوظ ولا تتحرق فين امى انا مش هكتب من غير ماما 

العم : حبيبتى انتى بنتى اسمعى كلامى هنكتب وتروحى بيتك وبكره الصبح هتلاقى ماما اول حد يخبط ت باب شقتك

ولاء : فى ايه 

دعاء : يا برودك امك مش لاقيناها 

ولاء قالت فى سرها احسن خلى الجوازه تتم 

ولاء : دعاء ماما كويسه هى بس تلاقيها مش عاوزه تودعك زعلانه عليكى ده انتى روحها دى بتحبك اكتر منى يلا يا حبيبتى ربنا يسعدك يلا يا محمد 

العم : المأذون جاهز يلا 

وفعلا دعاء كانت قدام الأمر الواقع واستسلمت 

والمأذون قعد واخوها احمد ومحمد العريس والعم وابتدت مراسم كتب الكتب وكل المعازيم واقفين والموسيقى سكتت والماذون ابتدى يكتب 😍وفجأه ولاء مسكت بطنها واترمت ع الأرض ودم خرج من فمها وبقت تصوت بأعلى صوت من الألم وقالت ااااااااه ااااااه بموووووت الحقونى ....

يتبع ..

ج. ٧


ج. 7  #علاقه_محرمه

ولاء اترمت على الأرض ومسكت بطنها وبقت تصوت بأعلى صوتها اااه ااااه الحقونى بموووت والدم خارج من فمها وفضلت تقول بطنى بتتقطع وقام محمد العريس يجرى وساب دعاء واترمى على الأرض فى حضن ولاء وجاله شبهه انهيار وقال حبيبتى مالك قومى وبعلو صوتوا قال اسعااااف اسعااااف والكل وقف مذهول ودعاء قالت انت بتقول ايه هه ايه اللى بتقولوا لولاء ده 😢 هو فى ايه بالظبط ومسكت محمد من چاكت البدله وقالت انت بتقول ايه يا خاين انت عارف ولاء دى بالنسبه ليه ايه اختى اللى مليش غيرها 💔 يا خاين وقعدت ع الارض وولاء بطنها بتتقطع وقالت انتى يا ولاء تخونى اختك ده انا مليش غيرك يا شيخه

ولاء قالت بصوت ضعيف انا بموت ماما ماما الحمدلله انى شوفتك

دعاء بصت وراها وقامت وقالت ماما ماما كنتى فيين؟؟  الحقينا يا ماما شوفتى ولاء عملت فيه ايه 😭💔

الام قعدت ع الارض وخدت ولاء فى حضنها وقالت بنتى بنتى 😭 اوعى تموتى يا بنت عمرى كلك حاجه هتتصلح بس عيشى وقالت اسعااااف

ولاء قالت وهى بتطلع اخر أنفاسها قالت ماما انا اللى سميت  نفسى لأنى متسهلش اعيش وسطكم انتوا انضف منى بكتير ومسكت ايد امها وقالت لدعاء وامها سامحونى وماتت ولاء والأم ودعاء بقوا يصوتوا 💔😭 والأسعاف وصلت وخدت جثه ولاء وطبعا ولاء قبل ما تموت قالت إنها سممت نفسها

كده مفيش قضيه من الأساس المفروض النيابه هتقول المجنى عليها موتت نفسها يبقى الام بريئه ومفيش اى حد مشكوك فيه

والفرح اتفض ومحمد مشى منهار وساب دعاء خالص

 والأم ودعاء واحمد اخوها فالنيابه واعمامها مستنين امر بدفن الجثه إنما وكيل النيابه حول الجثه للطب الشرعى علشان يثبت الحاله ويطلع امر بالدفن إنما تجرى الرياح بما لا تشتهي السفن وحصلت الكارثه اثبت الطب الشرعى ان المجنى عليها اللى كان فى جسمها سم مزمن يعنى فى جسمها من فتره لحد ما قضى عليها مفعوله بطيئ

وأمر وكيل النيابه بدفن الجثه وحبس محمد لأنه شك فيه علشان كان على علاقه بيها

وادفنت ولاء ملعونه من أهلها 

وابتدت التحقيقات وبسؤال محمد ✋

وكيل النيابه : انتى كنت ع علاقه بيها

محمد : اه بس مقتلتهاش والله مقتلتهاش هى قالت قبل ما تموت قدام الكل انها سممت نفسها

وكيل النيابه : اه بس الطب الشرعى اثبت ان السم مزمن فى جسمها من فتره لحد ما قضى عليها واكيد طبعا لو كانت سممت نفسها كانت هتاخد اى سم وتموت مش ع فترات اعترف يا محمد قتلتها ليه اختلفوا ولا حبيت تتخلص منها علشان تجوز اختها وطبعا بكده تعيش فى سلام

محمد : لا لا بس فى حاجه هى كانت ع خلاف مع مامتها كبير

وكيل النيابه : مامتها 🤔🤔 طيب انت عندك فاكره عن الخلاف ده

محمد : هى اتهمت امها انها خاينه بس مش فاكر حاجه تانى وانا مقتلتهاش

وكيل النيابه أمر  بحضور الام واستجوابها

فى بيت العيله الام قعده هى ودعاء مش مبطلين عياط وبياخدوا عزاء ولاء ووصل للأم امر من وكيل النيابه انها طلباها للشهاده

الام : انا 😁🤔 النيابه طلبانى ليه هو انا هموت بنتى

دعاء : ماما اكيد فى حاجه تانى

وفى صباح اليوم التالى الام راحت ع النيابه

وابتدت التحقيقات معاها

وكيل النيابه : اتفضلى اقعدى يا امى

الام قعدت وقالت شكرا خير حضرتك طلبتنى هو انتوا عرفتوا مين اللى سمم بنتى

وكيل النيابه : وعرفتى ازاى

الام : مش حضرتك قولت ان هى كان فى جسمها سم مزمن وبكده هى اتقتلت بالسم وبقت جريمه قتل

وكيل النيابه : ايوه ممكن تحكلنا على مشكلتك مع القتيله بنتك ولاء قبل ما تموت

الام : مشكله ايه

وكيل النيابه امر باستدعاء محمد خطيب دعاء وبمواجته مع الأم قال إن ولاء قالت إن امها خاينه

الام : دى مسائل عائليه بس مش هقتل بنتى دى بنت عمرى 😭😭💔

وكيل النيابه : للأسف أمرنا بحبسك 4ايام ع ذمه التحقيق

الام : انا مقتلتش بنتى ياريت تراعى انى حزينه ومكسوره ع بنتى

وبعد ما خرجت الام ع الحبس دعاء عرفت ان امها اتحبست وانهارت وبعد تفتيش شقه محمد واستجوابه خرج بكفاله مؤقتا

دعاء اتصلت بمحامى علشان يحضر النيابه ويحاول يخرج امها وفعلا المحامى التمس عذر لوكيل النيابه لكبر سنها وحزنها ع بنتها ومفيش إثبات عليها وحتى كلام محمد مفيش عليه اى دليل وخرجت الام بكفاله ع ذمه القضيه

ودعاء فرحت ان امها خرجت بكفاله وقالت اكيد هتاخدى براءه يا ماما وخصوصا مفيش دليل

ودعاء اخدت مامتها وخرجوا من النيابه بس الأم كانت مضايقه وقالت تعالى يا دعاء عاوزه أزور اختك وحشتنى 😭💔

دعاء : بجد بعد اللى عملته فينا فعلا انتى ام عظيمه واترمت فى حضنها

الام : سامحى اختك يا حبيبتى

دعاء : لا مش مسمحاها ضيعت مستقبلى دى خاينه يا ماما 💔😢

الام : مش هتيجى معايا قبر اختك

دعاء حاضر يا ماما هى وحشتنى انا كمان

الام : عارفه اكيد هتسمعنا ما هما بيسمعونا

دعاء : هما مين

الام : الغالين 😭 الأموات يا حبيبتى تعالى ندعلها بالرحمه

وفعلا الام خدت دعاء وراحت ع قبر ولاء واول ما دخلوا الترب لاقوا باب تربتهم مفتوح بس الأم استغربت وقالت ايه ده هى الترب بتاعتنا مين اللى فتحها وفين الحارس بس استغربت ومسكت دعاء من ايدها ودخلت وشافت حاجه غريبه وقالت.....

يتبع...

الاجزاء الثامن والتاسع والعاشر والاخير من هنا 







تعليقات