القائمة الرئيسية

الصفحات

روايه جوازه سوده ( عمياء ولكن) الجزء الثامن والتاسع


 روايه جوازه سوده ( عمياء ولكن)

الجزء الثامن والتاسع

الكاتبه كوكى سامح



وحازم استغرب وقال مبتخلفش يا بنت الشياطين وكمان بتضحكى عليه بس انا هتصرف وفتح الباب ودخل وقال حبيبتى ايه ده انتى هنا يا داده

الداده فوزيه.. تعالى يا حبيبى شوفت الست نيره حامل وهتجبلك بنت زى القمر حلوه زيها كده

حازم.. ان شاء الله

نيره.. روحى نامى انتى يا داده

الداده.. حاضر بس هتنامى لوحدك

حازم قال فى سره كله منك يا عقربه

حازم.. خليكى معاها يا داده

نيره.. خليك معايا النهارده

حازم.. نيره مش هينفع انا طالع علشان امنيه متاخدش بالها تصبحوا على خير 

.. ومسك راس نيره وباسها وباس ايدها وسابها وطلع وقفل الباب وراه وفضل واقف ويسمع بيعملوا ايه 

الداده.. بقى يطلع للبت اللى ما تسوى دى ويسيب القمر ده 

نيره.. بكره يرميها 😂

الداده.. امتى يجى بكره ده 

نيره.. بعد سبع شهور 



.. حازم قال يعنى ايه بعد سبع شهور مع انها مش حامل ومش هتخلف من الأساس 😁 يا ترى بيدبروا ايه بس انا هفضل وراهم واشوف اخرتها معاهم؟. 

.. وطلع ودخل يتسحب ونام جمب امنيه بس قلقت وقالت انت كنت فين يا حبيبى 

.. كنت فالحمام يا مونى 

.. ياااه مونى بقالك كتير مش بتقولى الدلع ده فاكر لما كنت بدلعنى 

.. ومازلت ادلعك انتى الدنيا كلها يا مونى 

ونام فى حضن امنيه إنما دماغه شغاله تفكير فى نيره والداده ومش فاهم هى تقصد ايه بعد سبع شهور..

..بقولك يا مونى انا عاوز اعرف ايه اللى حصل يوم حادثه نيره 

.. بعدين يا حازم انا عاوزه انام 

وبصت بخباثه وقالت بس خلى بالك لولا الحادثه دى مكناش هنبقى هنا اصلا 🙄 كان زمنا فالشارع 

.. ليه فى الشارع انا عندى شقه يمكن فى منطقه عشوائيه بس شقتى وكنت هظبطها ونعيش فيها وخلاص 

.. انت بتكلم بجد يا حازم شقه ايه ده اللى بتكلم عليها دى خرابه وانا كمان عايشه فى خرابه وطول عمر خالتى ونيره عايشين فالجنه وانا وبابا وماما كنا ساعات مش بنلاقى ناكل وهى عايشه فى العز هى وخالتى وعارف كمان يمكن بابا علمنى احسن تعليم وع قد ما قدر مكانش بيحرمنا من حاجه بس الفقر وحش ومات هو ماما وسابونى لوحدى وهما حتى مش بيسألوا عليه بس لما اتعمت ابتدت تسأل وبالأخص لما خالتى ماتت 

.. انا يا امنيه مش قادر افهمك كويس انتى بتحبيها ولا لأ

.. مش لازم تفهم بس كل اللى اقدر اققولك عليه لو غارت فى داهيه مفيش وريث غيرى وكل ده هيبقى ملكى انا 😌 ونعيش انا وانتى وابننا احسن عيشه ونجيب عيل واتنين ان شاء الله عشره يلا نام بقى 

حازم قال فى سره انا مش فاهم حاجه ده الاتنين بيكرهوا بعض 

حازم.. تصبحى ع خير يا قلبي 

.. وفى صباح اليوم التالى امنيه قامت متأخره وبترجع جامد ونزلت قعدت مع نيره ومكانتش عاوزه تاكل ولا تحط حاجه فى بطنها 

الداده.. مش هينفع كده يا ست امنيه 

امنيه.. تعبانه يا داده ونفسى غما عليه خالص

نيره.. هو حازم فين 

امنيه.. نزل بدرى ع شغله عن اذنكم هروح الحمام حاسه عاوزه ارجع 

.. وفعلا امنيه قامت وراحت الحمام 

.. شوفتى البت قال ترجع قال دى لسه حامل امبارح تلاقيها بتغيظك

نيره.. خلاص يا داده كفايه اللى هيحصل فيها 

الداده.. نويتى يا ست الكل 

نيره.. اه نويت وكان عندك حق القتل رحمه للى زيها 

.. وبعد مرور خمس شهور وامنيه بطنها بانت وبتعمل متابعه وعرفت انها هتجيب ولد وكانت فرحانه اوى 

حازم.. نيره انتى غير امنيه حاسس ان بطنك مش باينه 

نيره.. اه اصل انا حملى فى جنابى وداده قالت انى زى ماما مكانش باين عليها حاجه خالص 

رد وقال اه زى مامتك الله يرحمها 

وقال فى سره يا بنت الكدابه نفسى اعرف دماغك فيها ايه انا اللى يهمنى احافظ على ابنى وبس 

نيره.. حبيبى انا على أول الشهر هروح الڤيلا التانيه وخليك مع امنيه لحد ما تولد رد وقال برحتك اكيد بس خليكى جمبى رددت وقالت علشان بطنى هتبتدى تبان بقى وهى كده هتعرف 

حازم.. انا عاوز اقول لأمنيه على كل حاجه انتى من دلوقتى هتبقى ام ابنى يعنى ازاى متعرفش تتجوزينى يا نيره 

نيره.. بتقول ايه اكيد يا حبيبى بس بعد ما اولد ماشى 

ونيره قالت فى سرها اتجوز ايه دلوقتى 

حازم.. بقولك هقول لأمنيه انتى مالك 

نيره اتعصبت وقالت قولتلك لما اولد وقامت من مكانها ومشيت ووقعت على الأرض من خضتها

امنيه.. مالك يا نيره قومى يا حبيبتى مش تخلى بالك يا حازم 

حازم.. اسف مخدتش بالى

وامنيه سندت نيره وراحت معاها لحد اوضتها ولما دخلت وقعدت معاها

نيره.. بقولك انا هروح الڤيلا التانيه وخليكى انتى هنا البيت بيتك 

امنيه.. ليه كده خير هو فى حاجه 

نيره.. عاوزه اغير جو كام يوم وهرجع 

امنيه قالت فى سرها ياه يلا بالسلامه 

الداده.. مالك يا ست الكل ايه اللى جرا

نيره.. مفيش يا داده 

.. وبعد مرور اسبوعين نيره مشيت وقعدت فى الڤيلا التانيه وكان معاها كام شغاله مكان الداده لان الداده كانت مع امنيه وكان الوصل ما بينهم التليفونات

.. أما بالنسبه لحازم مكانش بيروح خالص وده كان شرط نيره بس كان بيكلمها فون على طول

.. وعدت شهور الحمل وفى يوم تليفون نيره رن وكانت الداده وقالت يا ست نيره النهارده اليوم الموعود وامنيه بتولد وكلها ساعات والولد هيكون عندك 

وامنيه دخلت تولد وفعلا ولدت ولد زى القمر وخرجت من اوضه العمليات وكان حازم والداده مستنين فى الاستراحه واول لما ولدت حازم كان ملهوف ع رؤيه الولد وامنيه اتنقلت اوضتها

وتليفون الداده رن وفضلت تتكلم بس مشغلتش بال حازم ودخل علشان يشوف امنيه وفعلا دخل هو والممرضه بعد الولاده بربع ساعه والممرضه فتحت الباب وشافت امنيه غرقانه فى دمها والولد مش موجود.......





والممرضه خرجت تجرى وبتصوت وبتقول قتيله المدام اتقتلت والولد مش موجود وحازم وقف مذهول والداده سابت الفون وقالت فى ايه يا حازم بيه وهو واقف مش بيتكلم والممرضه بتصوت وقالت المدام اللى جوه اللى لسه خارجه من اوضه العمليات مقتوله جوه والولد مش موجود والداده صرخت وقالت لأ ده كذب مش، معقول يعنى هيكون مين اللى عمل كده وجت تتدخل الاوضه على امنيه الدكتور منع الدخول وقال احنا بلغنا البوليس وجاى حالاً وقال محدش يدخل الاوضه

.. ومشيت بخطوات تقيله ومسكت حازم من دراعه وقالت مين اللى عمل فى امنيه كده ازاى تروح هدر يا حبيبتى يا بنتى ده لسه حتى مشفتش ابنها

الداده.. رد عليه انت ساكت ليه

.. وحازم بصلها بنظره خباثه وبرضه مش عاوز يرد

الداده.. بقولك رد عليه مين اللى عمل فى مراتك كده

.. ومين قالك ان دم مراتى هيروح هدر وغلاوتك اللى عمل كده هيتعلق فى حبل المشنقه قريب وابنى انا هجيبه

.. ربنا يدلك يا حازم

.. والداده قامت مشيت لأخر الطرقه ومسكت الفون وجت تتصل بنيره بس كان فى دوشه فى المستشفى وقالت لازم انزل الكافتيريا اللى تحت علشان اعرف اتكلم معاها علشان تفهم ايه اللى حصل...؟

.. وبعد مرور نص ساعه البوليس وصل المستشفى والعساكر ملت المكان والداده واقفه مرعوبه ومش عارفه تعمل ايه..

الظابط.. يا دكتور فين اوضه القتيله

حازم.. مراتى راحت وكانت لسه والده وكمان ابنى اتسرق وانا عاوز ابنى وعاوز حق مراتى من اللى عمل كده

الظابط.. انت جوزها

حازم.. اه جوزها وكنا فرحانين ب أبننا اوى بس يا خساره راحت

وبص للداده بصه خبيثه وع بصته الظابط عينه لمحت الداده وقال هى مين دى

حازم.. دى المربيه بتاعتها.. قصدى مربيه بنت خالتها

الظابط.. اوك بعدين يا دكتور فين اوضه القتيله

الدكتور.. فى اخر الطرقه حضرتك الاوضه اللى هناك دى رقم 200

وفعلا الظابط هو والدكتور وكان وراهم حازم والعساكر وكلهم ماشين لحد الاوضه بخطوات سريعه

.. و الظابط قال محدش يدخل معايا وفعلا فتح الباب ودخل لوحده وخرج وقال ايه ده فين القتيله الأوضه فاضيه؟؟

.. ودخل ومسك السرير وفضل يبوس فيه ويقول فين مراتى دى كانت هنا انا شوفتها وابنى ضاع انا شوفتها مقتوله ودمها سايح حتى أسأل الدكتور

الظابط رد بعنف وقال ارجوك اسكت انا مش فاهم حاجه خالص دى قضيه قتل وخطف والجريمه مش كامله القتيله فين لو القتيله مش موجوده يبقى فين الجريمه؟؟ 

الدكتور.. شوف حضرتك دى اشاعه وتحاليل القتيله قبل ما تولد وكانت كويسه جداً!! 

دى ولدت على ايدى وبعد الولاده بربع ساعه الابن اتخطف وهى كانت مقتوله وقال يا أمل

الظابط.. مين أمل ؟

الدكتور.. الممرضه اللى اكتشفت الحادثه 

امل.. نعم يا دكتور

الظابط.. ايه اللى حصل 

.. وابتدت الممرضه تحكى وقالت المدام بعد ما ولدت المفروض بتدخل الاوضه علشان تفوق من البنج وبعدين استاذ حازم طلب منى يشوفها وانا اخدته علشان يشوفها ولما دخلت عليها الاوضه ابنها مكانش جمبها وهى سايحه فى دمها يااه منظر فظيع فظيع بجد😭 


الظابط.. تمام بس فين الجثه؟؟ 

.. حازم منهار وبيقول فين مراتى وابنى خلاص الدنيا اسودت فى عنيه وقعد على الأرض وهو منهار تماماً

الظابط.. فين كاميرات المستشفى 

الدكتور.. اتفضل حضرتك وتعالى معايا علشان تشوفها

.. تليفون الداده رن وكانت نيره ورددت بسرعه ونيره قالت ايوه كده انا عرفت انها ماتت وابنها اتسرق اومال فين الولد يا داده 

.. حازم مسك ايدها وخد التليفون منها وقال انا عارف انكم انتم اللى عملتوا كده يا قاتله هى مراتى عملت فيكى ايه وفين ابنى وفين جثه مراتى؟؟ 

نيره قفلت الفون فى وشه 

وحازم مسك الداده وبكل قوته وقال فين مراتى وابنى ردى عليه 

الداده.. والله ما اعرف يا ابنى انا فعلا معملتش حاجه 

الظابط خرج من اوضه المراقبه وقال فى ايه انت ماسك فى المربيه ليه 

حازم قال هى اللى عملت كده وكمان ونيره هما  اللى قتلوا مراتى وانا عندى دليل عليهم 

الظابط.. انا عاوز افهم بقى كده ايه اللى حصل وفين الدليل 

حازم.. بقولك فين ابنى وفين مراتى ردى عليه يا قاتله؟ 

الداده.. معرفش معرفش بقولك معرفش 

الظابط.. والكارثه انا شوفت كاميرات المراقبه مكانتش موضحه حاجه ومفيش حد خرج من المستشفى لا ولد ولا جثه مراتك؟؟ 

حازم.. هما اللى قتلوا مراتى وخطفوا ابنى انا معايا مكالمات ليها مع نيره وهما بيتفقوا على قتل مراتى بس مكنتش اعرف انهم هينفذوا بسرعه دى 😒 او هيعملوا كده من الاساس

الظابط.. وحضرتك ازاى متعملش بلاغ 

حازم.. دى بنت خالتها واكيد مش هتأذيها والعقربه دى اللى كانت بتحرضها 

.. وفجأه حصلت حاله طوارئ فالمستشفى ان إحدى الماره عثروا على جثه متفحمه بجوار المستشفى 

الظابط.. فين الجثه دى 

الدكتور.. على الترولى حضرتك 

الظابط.. شال من على وشها الملايه وكانت متفحمه تماما

الظابط.. مين اللى شاف الجثه 

الدكتور.. هما اتنين الاستاذ ده والمدام اللى معاه ودخلوا بلغوا الطوارئ

والطوارئ بلغتنا وعملوا شغلهم والممرضين خرجوا وجابوا الجثه وده لأن الجثه كانت قريبه من المستشفى 

.. ورددت الست وقالت وكمان الهدوم دى كانت جمب الجثه 

حازم.. دى هدوم امنيه.... 

يتبع... 

الجزء العاشر الاخير من هنا 


تعليقات