القائمة الرئيسية

الصفحات

روايه منار والكلاب الجزئين الأول والثانى



روايه منار والكلاب 

الجزئين الأول والثانى 

الكاتبه كوكى سامح 


صحيت من النوم على تليفون صاحب الكباريه اللى بشتغل فيه نيازى بيه وطلب منى راقصه جديده وتكون حلوه وطبعا طلباته اوامر 😎 قمت خرجت سماعات الصب فالبلكونه  وشغلت اغنيه سكر محلى محطوط عليه كريمه كعبك محنى والعود عليه القيمه ما العالم كله مشغلها فجأه شوفت بنت فالبنسيون اللى قصادنا بس اول مره اشوفها زى القمر وع نغمه وتجينى تلاقينى لسه بخيرى ايوه انا غيرى مفيش لاقيت رقصها احلو اوى واتخيلتها لابسه بدله رقص حمرا وقولت هى دى الرقاصه اللى عليها العين وشويه حركات وهتبقى اشهر رقاصه فيكى يا بلد وهتعجب نيازى بيه ما هو مش هيقبل اى حاجه وانا كريم دراعه اليمين بيقولوا عليه الكلب بتاعه المهم فضلت افكر فى طريقه ازاى اجيب البنت دى هو سهل بس المهم ازاى اخليها توافق ترقص ما هو مش سهل . مسكت الفون وكلمت بنت فالبنسيون كنت اعرفها اسمها دعاء وقالت إن دى بنت جديده بتنضف بس وملهاش مكان غير البنسيون وقاعده بلقمتها واسمها منار وعرفت من دعاء أن البنت دى مش بتخرج خالص غير لما تشترى طلبات للبنسيون وطلبت من دعاء أن عاوز اشوف البنت دى وقصاد كده هديها فلوس ودعاء واطيه تبيع ابوها علشان القرش 😂 وفعلا دعاء اتصلت بيه وقالت منار معاها فالشارع ولابست ونزلت جرى وخدت السجاير ومفاتيح العربيه وجريت زى المجنون واول ما نزلت قدام باب العمار ركبت العربيه وطيران ع اول الشارع لاقيت دعاء واقفه ومعاها منار وكانت منار بشعرها وعنيها حلوه وشعرها اسود طويل وطويله وجسمها جميل كلها ع بعضها زى القمر المهم تعجب نيازى بيه وجاءت الرياح بما لا تشتهي السفن 😒 نزلت من العربيه ووقفت اتكلم مع دعاء بس منار مش بتتكلم خالص ولما سألت دعاء مين الانسه وطبعا عرفتنى عليها بس منار كانت واخده جمب وقالت بصوت اجش انا مش بكلم رجاله روحت قولتلها بس حلو تترقصى فالبلكونه رددت بأسلوب حقير وانت مالك ومشيت وبصراحه اتحرق دمى روحت قولت لدعاء هكتبلك شيك ب 100 الف جنيه بس عاوز البت دى وبصراحه دعاء واطيه وقالت لازم تتطرد من البنسيون الاول وطبعا ده عليه انا وحياتك بكره تكون فالشارع وانت بقى القلب الحنين اللى هتلمها ماشى 



كريم : هتتطرد ازاى من البنسيون

دعاء: هههههه دى شغلتى هعمل خطه فيها وخود بالك هى تقريبا كان ليها علاقه مع شاب وضحك عليها وهربت من أهلها اصل كانت الفضيحه كبيره وخافت لأخوها يدفنها حيه وهربت اصل كانت بتفضفض معايا 😂 معقول حته بت زى دى كريم بيه مهتم بيها كده وكمان شيك ب 100 الف 😁😂

كريم : خلصى هتنفذى امتى وخطتك ايه ؟؟

دعا: هقولك .....


يتبع ..

ج. ٢

واتفقت دعاء مع كريم أنها تمشى منار من البنسيون بخطه وطبعا منار راحت ع البنسيون ومتعرفش أن دعاء متفقه مع كريم عليها واول ما دخلت البنسيون فى راجل عجوز اسمه عم متولى بيشتغل وبيحب منار اوى بيعتبرها زى بنته لاقى منار داخله البنسيون وكان وشها مضايق وسألها مالك يا منار فيكى ايه بس منار دخلت اوضتها وفضلت تفتكر أهلها وأخوها وازى وليه هربت منهم وخايفه من الدنيا تيجى عليها وعم متولى خبط عليها الباب ومنار رددت وقالت إنها كويسه وهتقوم تشوف شغلها وفعلا منار خرجت من اوضتها وابتدت فى تنضيف البنسيون ودعاء جت وهى بتنضف وقالت منار ازاى تمشى وتجرى وتسبينا واحنا بنكلمك




منار : انتى عاوزه منى ايه بالظبط ومين الشاب ده انا شوفته قبل كده !؟ وكان بيبصلى فالرايحه والجايه 

دعاء : اومال عملتى نفسك متعرفهوش ليه 

منار : اه انا فعلا معرفهوش بقولك شوفتى بيبصلى لاكن مكلمتهوش خالص 

دعاء : بقولك من الاخر كده ده اسمه كريم وعاوزك فى شغل 

منار : ياريت بس شغل ايه ولا اققولك انا مرتاحه هنا

دعاء : هنا هو ده شغل ده غلب يا بنتى 

منار : المهم انى عايشه تحت اربع حيطان ولا ارجع للشارع تانى 

دعاء : طيب كلمى كريم وشوفيه عاوز ايه 

منار : لا لا لا 

دعاء : جربى وقالت فى سرها جربى احسن ما تطردى من هنا 

منار : مش هجرب

دعاء : خلاص 

ودعاء طبعا عامله خطه مع كريم ودخلت اوضه منار واستغلت أنها بتنضف وحطت فى دولابها مفتاح اوضه من اوض البنسيون وكمان محفظه والاوضه دى نازل فيها قريب صاحبه البنسيون وطبعا قلب الدنيا ع المحفظه لأن كان فيها فلوس شغله وكلهم أجمعوا إن يفتشوا كل اللى بيشتغلوا وفعلا منار لابست السرقه واتطردت من البنسيون وصاحبه البنسيون كانت ست اسمها تحيه مسكت منار هزقتها وطردتها بره البنسيون ومنار مكانتش عارفه تروح فييين وطبعا دعاء استغلت الموقف وكلمت كريم وفهمته أن منار فالشارع وفعلا كريم ما صدق ونزل جرى وشاف منار ولاقاها بتعيط وقالها مالك يا انسه بس منار عرفته وابتدت تبعد عنه وقالت لو سمحت ابعد عنى 

كريم : فى ايه بس أهدى كده انا عاوز اساعدك 

منار : تساعدنى فى ايه ؟

كريم : انا شايفك واقفه فالشارع وعماله تعيطى هو انتى من هنا ؟؟

منار : لا 

كريم : اومال منين 

منار : مش من هنا ممكن اطلب منك طلب 

كريم : اؤؤمرى 

منار : انت شكلك كده ابن ناس لو ممكن يعنى لو تعرف يعنى بنسيون اشتغل فى 

كريم : عندى اللى احسن من البنسيون وهتاكلى الشهد 

منار : هو ايه 

كريم : تحبى تشتغلى 

منار : ياريت 

كريم طيب ثوانى هجيب العربيه وتعالى معايا وفعلا كريم جاب العربيه ومنار ركبت معاه وراح بيها عند بنت هو يعرفها اسمها هيام وطلب منها منار تقعد معاها ومنار فضلت تتفرج ع شقتها وكانت مبهوره وكريم مشى وسابها مع هيام

هيام : انتى اسمك ايه 

منار : اسمى منار

هيام : اهلا يا قمر انتى تعرفى كريم منين 

منار : معرفوش اممم لأ اعرفه من واحده صاحبتى 

هيام : اه طيب بقولك هدخل احضر عشا لأن شكل وشك اصفر ومرهق علشان تاكلى وتنامى

منار : تسلمى

ودخلت هيام تحضر عشا وجرس الباب رن وقامت منار تفتح الباب ولاقت راجل بس كان شكله متعصب وعمال يزعق ويقول فينك يا هيام مش هسيبك ودخل وزق منار وكان فى أيده سكينه وخرجت هيام من المطبخ وقالت ايه اللى جابك يلا اطلع بره بس هو كان متعصب وعمال يشتم هيام ومنار واقفه بس الراجل مش ساكت وكلام هيام بيستفزه وجرى ع هيام وضربها بالسكينه ومنار فضلت تصرخ   رواية معاناة انثي من هنا

يتبع ..

الجزئين الثالث والرابع من هنا 

تعليقات