القائمة الرئيسية

الصفحات

روايه منار والكلاب الجزئين الثالث والرابع



روايه منار والكلاب 

الجزئين الثالث والرابع 

الكاتبه كوكى سامح 

والراجل ضرب هيام بالسكينه وفضلت منار تصوت وتقول الحقونى الحقونى وراح الراجل مسك منار وكتم صوتها وقالها اسكتى خالص انتى ايه اللى رماكى هنا ومنار بصت فى عينه وافتكرت بصت اخوها ليها وطبعا السكينه فى أيده وكل ما يقرب من منار تترعب بس الراجل قالها انا طليق هيام وقتلتها دى بنت كلب فاجره ياريت تبعدى عن هنا خالص بس منار خافت منه والراجل هرب ومنار فضلت واقفه ومش عارفه تعمل ايه وكمان هيام غرقانه فى دمها وكمان معندهاش مكان تروحلوا وقالت لازم اكلم كريم وفعلا اتصلت ب كريم وقالت على كل اللى حصل وكريم قالها خليكى مكانك انا جاى دلوقت ومنار فضلت قاعده مستنيه كريم وقاعده مرعوبه من منظر هيام واول ما كريم وصل قال لمنار لازم ابلغ وانتى شاهده على اللى حصل ومنار ساكته خالص ومش قادره تتكلم وعماله تترعش وكانت خايفه وقالت لكريم انا مليش دعوه يا كريم بيه طليقها اللى قتلها 

كريم : اوك البوليس هيوصل وانتى قولى اللى حصل 

منار : بوليس ايه يا بيه انا غلبانه 

كريم : متخافيش هو انتى عملتى حاجه 

منار : والله لأ ده هو !؟؟

كريم : خلاص انا هتصرف بس فى حاجه كده 

منار : حاجه ايه ؟؟

كريم : لازم تبعدى عن هنا وبصراحه كدة فى مسؤليه عليه 

منار : مسؤليه ايه ؟! انا معملتش حاجه 

كريم : طيب والمقتوله دى هعمل فيها ايه 

منار : وانا اعمل ايه انت اللى جبتنى هنا 

كريم : انا هتصرف 

وفعلا كريم خد منار ع شقه بتاعته وساب هيام غرقانه فى دمها وقال لمنار أنه هيتصرف ومنار فضلت قاعده فالشقه لوحدها بس حذر منار أنها تتدخل المكتب بتاعه وفى اوضه قالها اوعى تفتحى الاوضه دى لو اتفتحت هعرف وفيها قتلك ومنار اترعبت وعدى اسبوعين ومنار قاعده فالشقه وكريم مش مخليها محتاجه حاجه بس الغريبه أن العماره كانت غريبه مكونه 12 دور ومفيهاش ولا شقه ساكنه غير شقه كريم ومنار مستغربه وفى اسئله كتيره فى ذهنها بس ملهاش جواب غير عند كريم والأغرب أن كريم كان بيجى يدخل الاوضه يقعد فيها بالساعات ويخرج منها مضايق ولما منار سألته رد عليها وقال ياريت ملكيش دعوه وفعلا منار قالت خلاص مليش دعوه والوقت بيعدى ونيازى صاحب الكباريه عاوز الراقصه وكريم قال لمنار لازم تشتغلى وتصرفى على نفسك انا مش هقدر اشيل مسؤليتك اكتر من كده ومنار وافقت بس متعرفش أنها هتشتغل فى كباريه وكمان راقصه بس كريم قعد مع منار وابتدى يتكلم معاها واول حاجه قالها ليها أن هياخدها يوريها مكان شغلها وهناك هتفهم كل حاجه وفعلا كريم اشترى ليها اشيك دريسات سواريه وشوذ سواريه وجاب ليها ميك ارتيست وقالها عاوز واحده تانيه وفعلا طلعت زى القمر وشافها وكريم قال هى دى اللى هتعجب نيازى بيه ...

وكريم خد منار وراح ع الكباريه واول ما دخلت كريم اخدها ع مكتب نيازى واول ما نيازى شافها اتبهر بيها وأعجب بيها اوى وطلب من كريم ..

ج. ٤

4..#منار_والكلاب

مش انا يا ولاد الكلاب 😭

واول ما نيازى شاف منار طلب من كريم أنها تخرج بره وفعلا كريم خد منار وقالها أنهم هيتكلموا فى شغل مهم وفتح اوضه ليها وقالها دى اوضتك من النهارده بس منار قالت هعمل فيها ايه !؟؟ كريم قالها أنها هتلبس فيها وخرج كريم وراح مكتب نيازى ومنار فضلت تتفرج ع الاوضه واستغربت لما شافت بدل رقص وقالت هو انا هعمل ايه هنا وفضلت تكلم نفسها 

وكريم راح مكتب نيازى وقاله خير يا باشا البنت عجبتك رد نيازى وقاله اه اوى وعاوزها ليه وياريت تيجى معايا النهارده وكريم ووافق وقاله بس ياريت هى متعرفش حاجه دى لسه جديده ومش فاهمه حاجه انا هقولها انك عاوز توصلها  وخودها ع شقتك ونيازى وافق وفعلا كريم قال لمنار أنه عنده شغل ونيازى بيه بنفسه هيوصلها بس منار كانت قلقانه وقالت لكريم أنها متعرفوش بس كريم قالها أنه مشغول اوى وهيسهر فى الشغل لحد الصبح ومنار قالت خلاص يوصلنى وقالت لكريم هو انت فاكر انى هشتغل هنا لالالا انا مش هشتغل انا خلى بالك 

كريم : ماله هنا هتاكلى الشهد

منار : شهد ايه بلا قله ادب 

كريم : بكره تتعودى 

منار : اتعود ع ايه 🤔 على المسخره انت عارف انا مين وبنت مين؟؟ انا ليه اهل بس فى بينا مشاكل 

كريم : هما فين اهلك دول ولما انتى ليكى أهل كده وفرحانه بيهم ليه فرطتى فى نفسك وهربتى ؟؟

منار : مين اللى قالك اه اكيد دعاء انا كنت بحبه وحاول يتقدم لأهلى بس علشان هو فقير اهلى رفضوه وهربت وادينى اهوه فالشوارع وراحت قربت من كريم ومسكته من دراعه وقالت اوعى تفتكر انى سهله ورخيصه 

كريم : شوفى مصلحتك ويلا بقى علشان نيازى بيه مستنيكى فالعربيه بره ولما توصلى كلمينى 

بس كانت عين كريم كلها مكر وخبث ونيه سوء لمنار 

منار : حاضر هو نيازى بيه واقف بره خارجه لما أوصل هكلمك 

وفعلا منار خرجت ولاقت عربيه مرسيدس وكان نيازى راكب فيها ومستنى منار واول منار ما خرجت نيازى فتح باب العربيه وقالها اركبى ومنار ركبت وبصت لنيازى وشافت فى عينه اعجاب بجنون 

نيازى : اسمك ايه يا حلوه

منار : اسمى مناااااااار

نيازى : انتى حلوه اوى يا منار انتى عرفتى كريم منين 

منار : النصيب يا نيازى بيه

نيازى : ما بلاش بيه كفايه نيازى

منار : العين متعلاش ع الحاجب يا نيازى بيه 

ونيازى هيتجنن ع منار وكل لما تتكلم معاه يتجنن اكتر 

منار : نيازى بيه انا مش هستغل فالكباريه ده انا مليش مكان فيه 

نيازى : انا هخليكى اكبر راقصه والعالم كله يتكلم عنك 

منار : يا فضحتى لأ انا مش راقصه ولا عمرى هكون راقصه

نيازى : زى ما تحبى انتى فعلا صعبتى عليه

والعربيه وقفت ووصلوا لحد ڤيلا نيازى ومنار استغربت وقالت ايه ده فين عماره كريم ونيازى قالها انزلى ومنار نزلت ونيازى قالها تعالى اعرفك على بنتى ومراتى انا ارتحت ليكى انتى فعلا مش راقصه انتى بنت حلال ومنار زى الهبله صدقت ونيازى فتح بوابه الڤيلا وقفلها والڤيلا مفيش صريخ ابن يومين راحت منار قالت ايه هى الدنيا ضالمه ليه كده راح نيازى مسك منار من أيدها ودخل بيها الڤيلا واول ما منار دخلت الڤيلا بصت لاقت شاشه التليفزيون شغاله وفيها مصيبه وقالت 

يتبع...

الجزئين الخامس والسادس من هنا 


تعليقات