القائمة الرئيسية

الصفحات

روايه جوازه مش طبيعيه الجزء التاسع والعاشر والاخير


 روايه جوازه مش طبيعيه

الجزء التاسع والعاشر والاخير

الكاتبه كوكى سامح


وبعد ما ثروت دخل الشك فى قلبه وقفل مع الدكتوره النوم راح من عينه وفضل طول الليل يفكر وبيقول لو انا شككت فى موت ولادى وقدمت بلاغ فى النيابه معنى الكلام ده انى هتهم اهل بيتى وهخسر اخواتى لأنهم اكيد معملوش كده ساعتها بقى هعمل ايه هخسر امى واخواتى ومن ناحيه تانيه قال امى اللى كانت عاوزه تعمل عمل ليه ولسالى عمل تفرقنا عن بعض.. انا مش عارف اعمل ايه واتصرف ازاى 😭 يارب يارب ساعدنى ونور بصيرتى انا خسرت مراتى وحبيبتي اما ولادى دى لو ارداتك انا راضى وبرحمتك تعوضنى غيرهم إنما لو غير كده نور بصيرتى...والباب خبط وثروت قام فتح الباب وكانت سحر

سحر : ثروت متزعلش صدقنى سالى دى متستهلش ضفرك حتى

ثروت : خلصنا من الموضوع ده ولو سمحت مش عاوز حد يجيب سيرتها تانى خلاص هى راحت لحالها

سحر : عاوز حاجه؟ طيب تحب احضرلك اكل

ثروت : انا كلت كلت تصبحى على خير

سحر : أصبح ايه دى الساعه 9 الصبح اه الظاهر انك منمتش

ثروت : عن اذنك

وثروت خرج من الاوضه وساب سحر فيها

وسحر فضلت تتفرج على الاوضه وقعدت على السرير وقالت يااااه كان نفسى اكون هنا طول عمرى بحبك من زمان يا ثروت💔 بس الفرصه بقت فى ايدى لازم اخليه يتجوزنى واهو طلق العقربه سالى

علا : ايه ده يا سحر انتى قاعده هنا بتعملى ايه

سحر : كنت بشوف المصيبه اللى ثروت فيها وبطمن عليه إنما انتى كنتى عاوزه حاجه

علا : اه كنت عاوزه اتأسف لثروت على اللى حصل امبارح اكمنى عبده حكالى وقالى ان كان شكلى فظيع وضحكت

سحر : بصراحه كان مسسخره 😂

علا : يلا منها لله بقى خدت عقابها

وعلا خرجت هى وسحر من اوضه ثروت ومن ناحيه تانيه ثروت التفكير واكل دماغه وتعبان وخايف ياخد خطوه بس قال انا لازم اتصرف دى حياتى وبتبوظ وطلع على اوضه ومسك الفون بس بعد تفكير طويل قال انا لازم اتصل وفعلا اتصل بالدكتوره وقالها يا دكتوره منار ممكن اعرف الإجراءات كويس والدكتوره قالت لازم يكون معاه تصريح من النيابه بس ثروت قالها مينفعش الموضوع ده يتم فالسر انا مش عاوز حد من أهلى يعرف

الدكتوره منار : ممكن سؤال

ثروت : اتفضلى

د. منار : انت شاكك فى حد ولا عشوائى كده 🤔

ثروت : الموضوع طويل وانا خايف بس مراتى متأكده ان حد من أهلى اللى عمل كده وشاكه فى سلايفها

د. منار 🤔😒 معقول 

ثروت : ارجوكى ممكن حل 

د. منار : هحاول محدش يعرف بس انا هطلب طلب لو تقدر تعمله انا هفيدك مع انه خطر وهنخالف القانون

ثروت : اتفضلى 

د. منار : لو مدفونين فى الترب بتاعتكم نخلى التربى يساعدنا وناخد جثه الطفل وانا هتصرف 

ثروت : ياريت بس امتى 

د. منار: ادينى اسبوع علشان فى ايدى شغل 

ثروت : اوك هستنى اتصالك وشكرا اوى 

ولما ثروت قفل مع الدكتوره قال انا خايف بس حاجه جواه قالت بطل جبن بقى تفتكر لو اهل سالى ليهم يد كنت هسكت قال فى سره لا 😁

وبعد تفكير طويل ثروت قام لبس ومشى راح مشوار وهو خارج عبده قابله فالطريق وقاله انه ممكن يروح شرم فى شغل بس عبده قاله بلاش يا ثروت انت تعبان 

ثروت : اه هو ده انا تعبان يلا سلام وركب عربيته ومشى 

والڤيلا كأن مكتوب عليها الحزن والحرمان مفيش فيها غير سحر وعبده وعلا والكل مشى حتى سالى 😭 

سحر : علا يلا علشان ناكل وقولى لعبده ولا نستنى ثروت 

عبده نزل على كلامهم وقال ثروت سافر يومين 

سحر : والله صعبان عليه 

علا : واحنا كمان صعبان علينا بس هنعمل ايه 

وقعدوا على السفره وابتدوا ياكلوا وبعد ما خلصوا سحر كلمت خالتها واختها صباح تطمن عليهم ومروة ومحمود وولاء وعثمان مفيش عنهم حس ولا خبر 

علا : انا هطلع استريح شويه

عبده : اصلا البيت بقى كئيب وانا كمان هطلع معاكى وفعلا علا وعبده طلعوا اوضتهم

وسحر قالت يعنى جت عليه انا طالعه اوضتى انا كمان

ومن ناحيه تانيه ثروت راكب العربيه وكان رايح شرم بس بعد تفكير وخنقه قال انا هرجع البيت احسن وهو فالطريق كان راكن العربيه وراحت عليه نومه وفجأه اتفزع وقال مين دى اللى بتخبط على الشباك مسح عينه وبرق وقال دى بنت زى القمر وقالها تعالى يا حلوه وفتح الشباك وقالها عندك كام سنه قالت عندى 14 سنه يا بيه وثروت قالها اسمك ايه البنت رددت وقالت أسمى شمس وثروت قالها الله اسمك حلو يا شمس ☀

ثروت : انتى بتشتغلى وبتبيعى مناديل

شمس بصت لثروت وهى خجوله وقالت ايوه انا بشتغل

ثروت : بابا مش موجود اكيد شكلك بتساعدى مامتك

شمس : بابا موجود وممكن اقولك حاجه مش اللى ابوهم وامهم موجودين مش محتاجين بالعكس احنا محتاجين لان بابا بيشتغل على قد ما يقدر بس ده رزقه على القد وانا بصرف على تعليمى

ثروت ابتسم وقالها بتتعلمى ده انتى شاطره بقى وكمان حلوه فالكلام

شمس : انا فى تانيه اعدادى وابتسمت وبعدين كشرت وقالت مش هتاخد مناديل

ثروت : هاخد وطلع من جيبه مبلغ كبير وقال لشمس خودى دول ليكى

شمس : دول كام

ثروت : مش انتى فى تانيه اعدادى وشاطره خلاص عديهم يلا

وهما بيتكلموا جت ست عليهم وقالت لشمس طولتى ليه مش هياخد مناديل خلاص

شمس : ضحكت وقالت لا يا ماما ده خد وادانى فلوس كتير

ثروت : انتى مامتها

الام : ايوه يا بيه اصل مش بعرف اسبها لوحدها بقف بعيد لحد متخلص الدنيا مفيهاش امان وبخاف عليها من شر الطريق

ثروت : ربنا يبارك فيها عموما خودى الفلوس دى مبدئيا ولا اقولك هكتبلك شيك لحامله 

الام : مش فاهمه 😭 وليه كفايه حق المناديل 

ثروت : شيك فى فلوس تصرفيها ولا اقولك اركبى انتى وشمس وتعالوا معايا انا هتصرف بدل الشيك بس وعد شمس متشتغلش وانا هصرف على تعليمها لحد ما تقول كفايه 

الام : ربنا يبارك فيك ويصلح حالك انت متعرفش انا فرحت قد ايه ربنا ينور بصيرتك يا بيه 

ثروت : عارفه الدعوه دى بالدنيا وقال فى سره يارب دى صدقه اللهم يسر امرى ونور بصيرتى للصح 

وثروت اخد شمس وامها معاه لحد الڤيلا علشان يديهم فلوس زى ما وعدهم ووصلوا للڤيلا وقالهم يدخلوا معاه وفعلا دخلوا معاه وثروت لما دخل الڤيلا محدش حس بيه خالص ودخل المطبخ جاب حاجه ساقعه لشمس وامها وام شمس قالت انت قاعد لوحدك بس ثروت قالها لا بس معرفش راحوا فين واكيد مش نايمين ده لسه بدرى وقالها خليكوا مكانكوا انا هطلع فوق ونازل على طول وفعلا ثروت طلع على اوضته ودخل جاب الفلوس لشمس وامها وهو نازل سمع علا بتتكلم مع عبده وصوتهم هو سمعه وقال لما اروح اشوف مالهم دول وقرب من الباب وسمع علا بتقول والا الهبله اللى اسمها سحر دى ما صدقت سالى مشيت وانا استغليت انها كانت خطيبه ثروت وبتحبه وعبده رد عليها وقال سالى يلا فى داهيه تاخدها كل يوم تخلف واد مفيش غيرها فالبيت انا امى كلت وشنا سالى وثروت بيجيبوا صبيان وانتوا كلكم خلفتكم بنات علشان كده كان لازم اموت ولادهم بإيدى.... 


ج. 10.... #جوازه_مش_طبيعيه

كل يوم يخلفوا ولاد امى كلت وشى كان لازم اققتلهم بإيدى وعلا قالت ههههههه وانا كنت بساعدك وكمان الغبيه سالى صدقتنى لما قولتلها انها ضعيفه ولازم ترضع الولد رضعه زياده علشان يشبع هههه واشتغلت انا على كده كنت بحطلهم السم فى الرضعه وكمان كويس الدكتور ده كان بيقول الوفاه طبيعيه ههههه ورد عبده عليها وقال يعنى ببلاش ده خد منه مبلغ وقدره😁 وطبعا الكل كان زعلان على الولاد إلى بتموت ومكنش حد بياخد باله وده فى مصلحتى طبعا محدش كان بيسأل فى حاجه ولا بياخد باله من حاجه 

علا : كله فى مصلحتنا

عبده : يلا اهى غارت فى داهيه وأطلقت

وعلا قامت عالباب وشافت ثروت ورجعت ورا وقالت ثروت يا نهار اسود

ثروت مسك فى علا وقالها انتى تقتلى ولادى بس العيب مش عليكى العيب على اخويا اللى بيغير منى 🖐️

عبده : فى ايه مالك يا ثروت

بس ثروت قاله مالى 😭 قتلت ولادى وخلتونى اطلق مراتى انت اخويا من امى وابويا اكيد لأ حسبى الله ونعم الوكيل فيكم عاوزين الفلوس خودوها مش عاوز حاجه منكم على رأى سالى البيت ده مفهوش امان انا مش هعملك حاجه بس حقى ان اخد حق ولادى ومش هقتلك بإيدى انت والدكتور عديم الشرف  لأ هسلمكوا للعداله انت ومراتك وهو ومنكم لله

وثروت نزل ولقى شمس وامها قاعدين وكان بيعيط وشمس قالت مالك يا بيه انت بتعيط ليه ثروت رد وقالها لا ومد ايده واداها الفلوس

ام شمس : يا بيه اللى اتكسر يتصلح

وخدت شمس ومشيت وثروت قالها انه على وعده هيصرف على تعليم شمس

وثروت فضل يفتكر كلام ام شمس وقال لازم أصلح اللى اتكسر لازم ارجع سالى طلع عندها حق فى كل حاجه وجرى عالنيابه وقدم بلاغ فى اخوه عبده ومراته علا والدكتور وفعلا اتحقق معاهم واتأكدوا انهم مجرمين بس عبده قال انه هو الجانى وعلا خرجت وعبده والدكتور اتحكم عليهم بالمؤبد 25 سنه وكانت دى نهايتهم وعلا خدت بناتها ومشيت من الڤيلا مكسوره وراحت بيت ابوها وأهل جوزها اتبروا منها ومن بناتها ومن جوزها 

وبعد ما عبده اتحكم عليه ثروت راح لحد بيت سالى وطلب منها الرجوع 

سالى : رجوع ايه انا تعبت يا ثروت سبنى فى حالى 

ثروت : مقدرش 🖐️ عارفه ماما رجعت البيت وهى كانت جايه معايا بس تعبانه من موضوع عبده ما هو برضه ابنها 

سالى : واللى اخوك ومراته قتلوهم دول احفادها 

ثروت : اكيد بس غصب عنها احنا كلنا مفكرناش فى يوم ان ولادى يكونوا ميتين مقتولين وانا مسبتش حقهم وعبده خد عقابه وعاوزك يا سالى وان شاء الله ربنا هيعوضنا خير 

سالى : انا عارفه انك ملكش ذنب بس مش هرجع انت رمتنى بره بيتى وخلصنا يا ثروت اتفضل انا خلصت كلامى 

وثروت مشى من عند سالى مكسور الخاطر وراح على الڤيلا لاقى مامته قاعده ومعاها سحر وصباح وقال يا امى سالى مش عاوزه ترجع 

سحر : متزعلش يا ثروت 

ثروت : انتى بالذات اسكتى خالص مش كفايه اللى حصل بسببك انا لما خطبتك كان غصب انا عمرى ما حبيتك ولا هحبك وحتى لو سالى مرجعتش مش هتجوزك وياريت تمشى من هنا مش كفايه كنت سكه فى قتل ولادى 

سحر : والله انا معملتش حاجه انا بس كل اللى عملته انى سمعت سالى بتتفق فى التليفون ما صاحبتها على علا وقولت لعلا بصفو نيه إنما لا قتلت ولا اعرف اققتل عموما انا هاخد اختى وهنمشى من هنا 

ثروت : لا لا خليكوا انا اللى همشى من هنا وامى عندها حريه الاختيار ترجع عثمان ولا مروة ومحمود انا مليش دعوه بحد انا ماشى 

الام : خليك يا ثروت ابوس ايدك يا ابنى

ثروت انا ماشى يا امى وهاخد شقه بره لان ده هيريح سالى عن اذنكم وطلع لم هدومه وفعلا خد شقه بره 

وبعد حوالى شهر ثروت وحيد فى شقته مفتقد حبيبته سالى وبيتكلم مع نفسه انه ظلم نفسه وظلم سالى معاه لحد ما فجأه الباب خبط وفتح لقى امه وسحر وصباح ومحمود وعثمان ودخلوا كلهم ومحمود قال يا ثروت كلنا اتلم شملنا من تانى مروة مراتى خدت عقابها وولاء مش هتنفع عثمان دى خاينه وهو اتجوز واحده مطلقه ومش بتخلف واهى هتربى بنته وربنا معاه وانا معايا بناتى والدنيا حلوه وعلا وعبده خدوا عقابهم فى ايه بس 

سحر : ارجع يا ثروت انا اتجوزت مش عاوز تفرح لاختك 

ثروت :وانا حياتى ادمرت بسببكم 

محمود : وانا ميرضنيش يا قلب اخوك ❤️ وخرج بره وكانت سالى واقفه وجابها من ايدها واول ما شافت ثروت فضلت تعيط وقالت انا عمرى ما أبعد عنك 

ثروت :انتى حبى وحياتى كلها يا اجمل ست فالدنيا بحبك اوى ❤️❤️

سحر : يا جماعه انا عروسه جديده مفيش مبروك 

ثروت وسالى : مبروك 😍😂

والكل ضحكوا وكان يوم جميل وثروت رجع سالى وقال لسالى انهم مش هيروحوا الڤيلا غير فالزيارات وسالى كانت سعيده بالعيشه مع ثروت لوحدهم

وفى صباح يوم مشرق جديد وبعد مرور شهرين على رجوع سالى لثروت

سالى : انا تعبانه وبرجع من الصبح

ثروت : يلا نروح للدكتور

سالى : انا عارفه انا عملت اختبار وحامل 😍

ثروت طار من الفرح وقال مبروك يا قلب ثروت وحياته كلها وخد سالى وراح الڤيلا وقالهم ان سالى حامل والكل فرح بالخبر بس سالى تعبت فالحمل لحد ما جه ميعاد الولاده وسالى تعبت راحت للدكتوره وطبعا ده ميعاد الولاده ودخلت تولد بس المره دى قيصرى

ثروت اتصل باخواته وكلهم راحوا على المستشفى وكانوا مع سالى وثروت

ثروت : يارب يارب قومها بالسلامه

لحد ما خرجت الدكتوره وقالت لثروت وكانت شايله البيبى وقالت خد بنتك هتسميها ايه

ثروت قال وبسرعه وهو فرحان هسميها شمس ☀ وهتكون احلى شمس علشان تنور حياتنا وقال فى سره يارب يا بنتى يجعلك زى البت القمر شمس الشموسه

وسالى خرجت من اوضه الولاده وقعدت فى اوضه تانيه ولما فاقت وعرفت ان ثروت خلى بنته اسمه شمس استغربت وقالت شمس مين يا استاذ وثروت قعد وقالها حكايه شمس وسالى كان رد فعلها انها تتعرف على البنوته دى وطلبت من ثروت شمس تحضر سبوع بنتها شمس وفعلا ثروت عمل فى شقته احلى سبوع والعيله كلها حضرت في وشمس وامها وكانت احلى ليله 😍❤️ وسالى فرحت بالعيله الجديده وعاشوا فى سعاده وهنا وبعد سنتين سالى حملت تانى وخلفت ولد وسميته مالك لانه اسم غالى عليها واستقروا فى حياتهم وانتهت القصه وانتظرونى فالقصه الجديده ان شاء الله 😍

#الجزء_الاخير 

#جوازه_مش_طبيعيه 

#بقلمى_كوكى_سامح

الكلام ليكم ياللى بتقروا 🖐️ مفيش حاجه اسمها اخد حقى بإيدى ربنا موجود يمهل ولا يهمل عارفين ليه لأنه عدل ورحيم بيدينا فرصه مره واتنين وتلاته علشان ممكن نرجع لى ونصلح غلطنا وده مش ضعف بالعكس ده أقوى انواع اخذ الحق لأن ضربه ربنا أقوى

وطول ما انتى قريبه من ربنا وبيحبك هيحبب فيكى خلقه وينور بصيرتك للصح

ياريت كل زوج يعرف مقدار زوجته وقد ايه بتتعب علشانه وتشيل همه وياريت تسمع لها فالصح بلاش تتجاهلها اسمع لها واعرف ايه مزعلها بلاش قهر وذل لمجرد انها عايشه فى بيت عيله بلاش ثقه زياده احنا فى زمن ما يعلم بيه الا ربنا 

مراتك مضايقه وتعبانه فى بيت عيله ومش واخده حقها ممكن باسلوبك ليها وتسمع لها مش تصدها هى هتعيش وهتكمل علشان خاطرك وعلى قد ما تقدر ممكن تريح الطرفين لو مش قادر تجيب شقه بره بمعنى تكون مع امك حنين ومع مراتك حنين ومتجيش على الاتنين ساعتها هتعرف ان ربنا راضى عنك 😍

ومن الآخر عوض ربنا جميل اوى ربنا يعوضكم خير يارب 🙏

ربنا يبارك لكم فى حياتكم ويسعدكم ويفرحكم

لقراءة روايه انا وامى كامله اضغط هنا 


تعليقات