القائمة الرئيسية

الصفحات

روايه ليله حمرا الجزئين العاشر والحادى عشر والاخير



روايه ليله حمرا الجزئين العاشر والحادى عشر والاخير 

الكاتبه كوكى سامح 

انا تعبت كل اللى يعرفنى يقول بت شمال. حتى طارق انا فرطت فى شرفى علشانه ده كلام دلال بعد حوار طارق معاها...

طارق. فى ايه يا بت ده انتى حته بت شمال انتى نسيتى نفسك ولا ايه؟

دلال. حاضر انا كنت متعشمه فيك خير وفجأه وصفيه صوتت بصوت عالى وتقول ايمن ايمن

طارق. اكيد بيضربها علقه الصبح ههههههه

دلال. انت ايه قلبك حجر وجريت ع بره وشافت صفيه قاعده ع الارض وبتلطم ع وشها.

دلال. فى ايه. صفيه شاورت ع اوضتها..

دلال جريت ع الاوضه وشافت ايمن دابح نفسه

صفيه. مستحملش يوم ع فراق ابنه يا حسرتى عليه

طارق. فى ايه

دلال. ايمن دبح نفسه

طارق. احسن كل واحد بياخد جزائه

صفيه. قامت وقفت وقالت حرام عليك انت ايه يا اخى قلبك حجر حجر ارحم اختك وحزنها..؟

طارق. اختى هى فين اللى قتلت بنتى وخدت فلوس

صفيه. انا مقتلتش حد ولا خدت فلوسك انا بدارى على....... وسكتت

طارق. ع ايه ؟؟؟

صفيه. انا تعبانه ومسكت التليفون وطلبت البوليس وبعد وقت صغير البوليس ملى المكان وخدوا ايمن والدكتور كتب وفاه ايمن دبح نفسه....

وفى تانى يوم عزاء احمد اتكتب عزاء ابوه وصفيه تعبت

دلال. التليفون بيرن الو مين... ؟؟

انا حسام. حسام بيه هو انت متعرفش

حسام. فى ايه قصدك ايمن هو دبح نفسه عموما انا قدمت واجب العزاء فالترب ومش قادر مش ناويه تيجى هنا بقى افتكرت كلام طارق ليها ع انها تقضى ليله حمرا مع حسام وقالت امتى وفين

حسام. تيجى بكره وهيكون عندى فالبيت

دلال. والعزاء

حسام. هو كان من بقيه اهلك مراته نفسها لو اخوها مات ولا هيمها

دلال. حاضر هاجى الساعه كام

حسام. بالليل قولى لطارق انك هتسهرى مع اصحابك وكلميه وقوليلوا انك هتنامى بره وبعدين هو ماله!!

دلال. حاضر وكانت كئيبه

طارق وصفيه بياخدوا عزا ايمن وخلصوا وطلعوا يناموا بس طارق دخل لادلال اللبسى الاسوره دى

دلال. ايه ده؟ الله فرحتنى

طارق. دى لزوم الشغل دى فيها جهاز تسجيل يعنى هكون معاكى هسمع كل حاجه عن طريقها..

دلال. حاضر 

دلال. ممكن اطلب طلب..؟

طارق. اتفضلى؟؟

دلال. خليك معايا النهارده عاوزاك تنام فى حضنى

طارق. اها امم طيب

دلال. قلعت هدومها وطارق واقف ولابست ترينج وقلعت لطارق هدومه وجابت بيچامه وقالت اتفضل اللبس

طارق. فتح الدولاب وجاب قميص وقال لادلال اللبسى ده

دلال. فرحت وكانت طايره من الفرح وفعلا قضى الليله معاها ونام فى حضنها وكانت ليله مميزه مكانش عاوز يسيبها وقالها كده وهو فى حضنها وهى مكانتش مصدقه.

وفى صباح اليوم التالى...

دلال. صحيت هى وطارق وفتحيه بتخبط ع اوضه دلال  وطارق فتح وصفيه استغربت استاذ طارق انت هنا

طارق. صباح الخير. فى اخبار

فتحيه. الست صفيه خرجت من الصبح معرفش راحت فيين

دلال. صباح الخير يا ست فتحيه

كوكى سامح

فتحيه. صباح الخير يا بنتى..

وفتحيه كانت قلقانه ع صفيه لان شكلها كان تعبان علشان جوزها

طارق. دلال اجهزى وهو بيكلمها دلال اغم عليها وقعت ع الارض

طارق. جرى عليها بلهفه وقال دلال دلال فوقى مالك وشالها وحطها ع السرير وحاول يفوقها واتصل بالدكتور وفعلا الدكتور مكدبش خبر وكان عندهم بس كانت دلال فاقت وطلب منها شويه تحاليل واشعه وطلب منها تروحلوا العياده

طارق. حاضر ي دكتور ووصلوا لحذ البوابه وشاف نفس البنت مع امين بس المره دى اتأكد منها بس، كان ملهوف ع دلال..

دلال. استاذ طارق انا هروح لحسام امتى

طارق. دلال سيبك دلوقتى المهم صحتك بس دلال أصرت

وفعلا كلمت حسام وخدت ميعاد وبلغت بيه طارق

طارق. تمام بس اوعى تنسى الاسوره

دلال. ااه من عنيه حاضر يا استاذ مش هنسى

طارق. شكلك مرهق، وتعبان تعالى نروح للدكتور

دلال. انا بعانى من الأنيميا ع طول ده حالى

طارق. إن شاء الله هتكونى كويسه

فتحيه.  بتصوت وصوتها جايب اخر الڤيلا لا لا يا حبيبتى يا بنتى يا حبيبتى انتى لسه صغيره

يا لهوى يا مصيبتى الحق يا طارق يا ابنى

دلال. فى ايه

طارق. نزل يجرى وقال لفتحيه فى ايه يا داده ولاقى فى ايدها التليفون......

فتحيه... يا مصيبتى

طارق. ما تنطقى.

فتحيه. الست صفيه اتقلبت بيها العربيه وفالمستشفى

وهنا بقى دور الأخوات غصب عن طارق فيييين هى فيييين ومسك التليفون وعرف المستشفى وطيران ع اخته

ودلال وراه....

طارق. راح المستشفى ودخل ع غرفه صفيه لاقاها فى حاله ميؤس منها بعد لما الدكاتره منعوه من الدخول بس صفيه طلبته وفعلا دخل..

طارق. هتبقى كويست يا صافى

صفيه. يااه كنت نسياه انت ابن امى وابويا عارف يا طارق وراحت فى غيبوبه

طارق. يا دكتور. هى مالها صفيه صفيه وبدموعه وحرقه قلبت ع اخته وقال مش هقول ذنب نور

صفيه. طارق وكانت بتتكلم ومش قادره

طارق. نعم

دلال. دخلت عليهم

طارق. صفيه. قتلتى بنتى ليه...

صفيه. انا مقتلتهاش والله ما انا وماتت

طارق؟؟ لا لا اوعى تموتى وجاله حاله هيستريه وخرج ودلال خرجت وراه

طارق. كلهم ماتوا وطار بنتى راح كده لالا

دلال. معلش يا استاذ طارق ممكن اققولك حاجه خودها من واحده الايام دارت عليها

صفيه هانم كانت بين ايد ربنا وصدقنى اللى بيموت مبيكدبش وسابته ومشيت

طارق.. اومال مين مين مين وخبط ايده وجابت دم

وعدى شهر ع موت صفيه

دلال. استاذ طارق حسام كل شويه يكلمنى

طارق. مبقاش مهم كلهم راحو

دلال. قالت فى سرها بس انت متعرفش هو قالى ايه انا هروح بس خافت من طارق...

ج 11 والاخير

زى ما وعدتكم الجزء الاخير تفاااعل هااااا 👇👇👇👇


مين قتل بنتى كلام طارق بعد موت صفيه

دلال. انا هروح انت متعرفش قالى ايه بس خايفه من طارق

دلال. خدت طارق فى حضنها وقالت علشان خاطر نور سبنى اروح لحسام

طارق. فى ايه انت عارفه حاجه

دلال. لا

طارق. ده صاحب عمرى اكيد لو عنده اى معلومه كان قااال

دلال. طيب سبنى اروح ابوس ايدك يمكن خير

طارق. لا لا مش، هتروحى

دلال. وغلاوه نوررر

طارق. خلاص روحى

دلال. انا هكلمه واخد ميعاد...

دلال. مسكت الفون واتصلت بحسام وقالت ازيك يا حسام بيه

قالها. قولتى اسمك ايه..؟

ققالت. علا علا

حسام. اهلا بيكى انا مستنيكى وانت مطنشه

دلال. انت عارف، الظروف المهم!! انت فاضى

حسام. تعالى النهارده هستناكى ع 8 وجهزى نفسك تقضى الليله عندى

دلال. حاضر وضحكت ههههههه هكون عندك بااااى باااى

طارق. مالك يا بت بتدلعى كده ليه

دلال. بتغير

طارق. لا لا انا اغير هههههههه

دلال. ده لزوم الشغل انا هقوم اجهز وفعلا جهزت نفسها وخدت الاسوره فى شنطتها وقالت لطارق 8 بالدقيقه هلبس الاسوره

طارق. وانا هتابع هكون سامع كل حاجه والساعه دقت سابعه ودلال خرجت من باب الڤيلا وهى خارجه لمحت نفس البنت وقالت هو انتى مين وايه علاقتك بأمين البواب

البنت قالت لها. انا بنت يتيمه استاذ طارق كان بيساعد ماما ولما بنته ماتت قصر فى كل حاجه وماما حالتها ساءت

دلال. هو يعرفك

البنت. لا خالص هو كان بيساعد ماما عن طريق مدام صفيه

وبعد كده مدام صفيه قالت لماما هو مبقاش يدينى حاجه فكانت هى بتساعدنا وعرفت انها ماتت وقعدت تعيط

دلال. ربنا موجود انا هكلم استاذ طارق

وقالت لها خودى الفلوس وتعالى بكره فى نفس الميعاد ان شاء الله لو انا مش موجوده ادخلى لطارق وقوليلوا الكلام ده وهو مش هيقصر معاكى

البنت. حاضر يا هانم ربنا يوفقك ويفك ضيقتك زى ما جبرتى بخاطرى ويرحمك يا ست صفيه

دلال. يااااه قد ايه الإنسان ضعيف والماده هى المتحكمه فينا واحد زى طارق معاه فلوس زى الرز ورغم كده مش مرتاح

واحده زى غلبانه وزى البنت دى محتاجين فلوس

دلال. ده انا اتأخرت الساعه داخلت ع 8 وخدت تاكسى وطيران ع بيت حسام ووصلت وطلعت الدور السابع ورنت الجرس..

حسام. نور تعالى

دلال. انا مش نور

وطبعا دلال بصت فى ايدها وافتكرت الاسوره ونسيت تلبسها وقالت اه اه بطنى

حسام. مالك

دلال. فين الحمام

حسام. تعالى ودخلها الحمام ودلال قفلت الباب عليها وطلعت الاسوره من الشنطه وقالت كنت هضيع وهنسى وخرجت

حسام. انتى حلوه اوى يا نور

طارق. نسى ان الساعه 8 موت صفيه وطار نور خلاه متلغبط

وطبعا الحوار داير بين حسام ودلال

الساعه بقت 8 ونص ولسه حسام بيقولها يا نور

فتحيه. استاذ طارق الساعه داخله ع 9 مش هتاكل حاجه

طارق 9 يا نهار اسود وجرى ع اوضه المكتب

وشغل الجهاز وابتدى يسمع

دلال. استاذ حسام ايدك بس

حسام. بحبك يا نور

طارق. نور مين؟؟

دلال. فين المطبخ هو مفيش حاجه تتشرب ولا ايه

حسام. عندك البار وقالها استنى وقام جاب ازازه خمرا

وجاب كأس واحد علشان تشاركه فيه وحط تلج وحط الخمرة ودلال اخدت منه وشربت

ودلال. استاذه فى الليالى دى وقالت الليله ليلتى هدوخ امك واعرف وراك يا حسام

وفعلا حسام ابتدى يسكر وداخ بعد 7 كاس وابتدى يخرف وقال لادلال. عارفه انا عارف انك مش نور بس شديتتينى ليكى لمجرد انك شبهها وحشتنى اوى عارفه نور عملت علشانى كتير بس مكنتش اعرف انها كده؟؟!

دلال. يانهار اسود كده ايه؟ طارق بيسمع يا قلبى عليه

طارق. بنتى انا كانت ليها علاقه بحسام..؟ ؟

حسام. عارفه كانت بتنام فى حضنى وكنت بحبها ولما جيت اتجوزها واطلب ايدها رفضت وقالت بابا مستحيل يقبل جوازنا استنى شويه لما يرجع

كان وقتها مسافر لندن وسايب نور مع صفيه؟

انا صدقت نور اوى وكنت بحبها لحد ما فى يوم ايمن كان قاعد معايا هو وصفيه واتكلموا انه هيخطبوه نور لأحمد ابن ايمن وكمان بيحبو بعض اتجننت وطلبتها عندى وكأنى معرفش حاجه وجت واتكلمت معاها بس أنكرت وقالت كدب كله كدب ههههههههههههههههههه صدقتها ومشيت من هنا وقالت انا بحبك انت ومش هتجوز غيرك

طارق. بنتى نور بتحب حسام

حسام. انتى قولتى اسمك ايه

دلال. هه أسمى علا يا استاذ حسام كمل كمل يا اخويا

دلال. بتقول فى سرها يا وجع قلبك يا طارق

حسام. بعد فتره نور جت عندى وكأنها مدبوحه وقعدت تعيط وقالت انا مليش حد وهنا حسام ضحك ضحكت سخريه من نور ههههه هههه خدتها فى حضنى محستش بنفسى وعملت علاقه معاها ولاقيتها مش بنت

اليوم ده انا فاكر كل حاجه فيه كويس اوى وسألتها مين؟ بس مقالتش

وبعد فتره بقيت اكلمها الاقيها مع احمد ع طول الغيره قادة نار 🔥 جوايا بقت مستفزه وبتخرج كتير وغير شباب وكذا حد تعرفه بس كنت بحبها من قلبى وقولت لو متجوزتهاش هقتلها؟! هنا طارق خد مسدس كاتم الصوت وجرى ع بيت حسام بس مسمعش الباقى..... ؟؟

حسام. عارفه بس مقدرتش اققتلها اللى يحب حد عمره ما يأذيه ابدا بعدت عنها وعرفت انها ماتت مسمومه وفى حضن احمد واتقيدت ضد مجهول

الباب. بيخبط وحسام مدرمغ خالص

دلال قامت تفتح لاقت طارق

وقالت طارق وخرج مسدس من جيبه وقال هاتى شنطتك

دلال. لا بلاش انت فاهم غلط

طارق. قالها بقولك هاتى الشنطه وانزلى 

دلال. هو معملش حاجه

حسام. طارق تعالى تعالى هه يا ابو الغاليه

طارق. اه يا خاين مالكش ديه عندى

حسام. هتقتلنى هه هههه هرتاح ما انا مش مرتاح من بعدها وكمان بتقولها فى وشى يا خاين يا كلب رفع المسدس وضربه 3 طلقات فالقلب مات فى لحظتها ومشى وخفى اى أثر لان كان جديد فالعماره والشقه دى شقه الليالى الحمرا فممكن اى حد يكون عمل كده

ونزل وخد دلال ومكانش همه اى حد معتقد انه خد طار نور

دلال. انت قتلته

طارق. خدت طار بنتى

دلال. هو قال مقتلش والله

طارق. اسكتى اسكتى

دلال. مش اسكت هو قال مقتلش انت بتظلم فى خلق الله بنتك كانت بتحبه هى اللى ضحكت عليه

طارق. اسكتى اسكتى وضربها بالقلم

دلال. انا مش هرجع الڤيلا انا راجعه بيت خالى

انت ظالم ظلمت صفيه وظلمت حسام ويا ترى مين تانى؟

طارق. وقف العربيه وقالها انزلى فى الف داهيه

دلال. يااه وجع قلبى وحسرته وفضلت تعيط لحد ما روحت ع بيت خالها

طارق. راح ع الڤيلا ولاقى بوابه الڤيلا مفتوحه ودخل وكان الوقت متأخر وراح ع اوضه البواب ولسه هيخبط سمع مرات البواب بتقول امين...

تانى تانى هو الراجل ده عاوز منك ايه ولسه طارق هيخبط ع باب اوضه امين سمع مراته بتقول مش كفايه حرضك ع قتل نور وهنا طارق قال نور بنتى وأمين طيب ليه؟؟

وابتدى يسمع حوارهم..

لا يا آمين مش كفايه كده قتلت نور وخلصنا ومحدش عرف هتقتل تانى

امين. هو اتصل بيه وقالى اققتل طارق وبكده ورث نور وطارق كله لى....

طارق زق الباب ودخل وقال لأمين انت يا ابن الكلب انت اللى قتلت بنتى وثار عليه مرات امين لا يا بيه فى واحد بيكلمه هو اللى قاله كده وأمين غلط علشان الحوجه والفلوس

طارق. مين ده عاوز اعرفه

امين. انا عمرى ما شفته غير مرتين وقالى ان نور ماشيه غلط وكل العز ده فلوسه وقالى حط السم فى أكلها واى حاجه تشربها وهتموت بالتدريج يعنى مفعول السم بيجرى فى جسمها واديت لفتحيه ازازه وقولتلها ده ڤيتامينات لست نور حطلها فى الاكل واى عصير وكانت بتنفذ لانها

 كانت ست كبيره وصدقتنى لحد ما جه اليوم المحسوم وكانت فى حضن احمد واحمد اتفجأ بموتها

طارق. مين قتل احمد يا كلب. معرفش يا بيه

طارق. انا عاوز عنوان الراجل ده وخد عنوانه وقاله شكله ايه

امين عنده رجل مقطوع..

و ضرب امين وحبسه فى الڤيلا وركب العربيه لحد ما وصل العنوان وقال ايه المكان ده ده مقابر ايه ده معقووول...

ودخل بخطوات خوف وشاف قدامه اوضه فيها نور وقال ده شكل حد ساكن هنا وقال مين اللى يعرف بنتى او يعرفنى عايش فالمكان ده ومشى بخطوات سريعه ومجنونه ولاقى باب مقفول وقعد يزق فيه ولاقى قصاده ست تشبه صفيه كتير وقالها صفيه...

قالت. لا يا ابن امى وقال انتى مين وقالت انت جيت ادخل يا طارق مش فاكر انا مين..

طارق. لا انا كل اللى شايفه انتى شبهه صفيه اوى انتى مين وايه حكايه ابن امك..

قالت لطارق ادخل وتعالى دخل لاقى شاب ولى ورجل مقطوعه..؟

وابتدت ملامح الست تظهر وقالت افتكر كويس لسه معرفتش انا مين؟

طارق. انتى مين يا ست انتى وايه علاقتكم ببنتى

الست قالت انا أسمى صافيه افتكرت

قال لها لا

صافيه. انا اختك من آلام مش فاكرنى يا طارق قصدى يا طارق بيه وابوك لما امى ماتت حبيت اخد حقى الشرعى وورثى فى امى ورحتلوا بعد ابويا ما مات

طارق. اه افتكرت بس فى وقتها انا كنت صغير وابتدى يفتكر لما ابوه طردها

طارق. بس، ابوكى خدكم من ماما ومرضيش تتربوا معانا

قالت اه بس ابويا مات واحتجت للى يسوه وميساواش

ورحت الڤيلا مكنتش لاقيه آكل ولاقيت امى ماتت قولت لابوك وانت واقف نفسى اكل وعايزه مكان ولما قال لا طالبته بحقى طردنى وبهدلنى وبعدها اتجوزت واحد معدوم وشحتنا ومديت ايدى رغم ورث امى واللى ابوك خدو بعدين خلفت ابنى ده وعرفت ان ابوك مات خدت ابنى الڤيلا علشان أشوفك يمكن تتدينى حقى لاقيت نور اتعلقت بابنى وابنى حبها لدرجه الجنون ولما صفيه عرفت طردته ونور أنكرت كل حاجه خرج مضايق عربيه خبطته وعاش معاق وقولت لازم ناخد حقنا منها..

طارق. تقتليها يا كلبه

ابنها. اه قتلتها امى ملهاش دعوه بنتك فاجره مالهاش كبير انا اتفقت مع امين البواب وعرفته كل حاجه مقابل نص ثروتك

طارق. يا ولاد الكلب وفضل يعيط ع بنته ومش مصدق حقيقه نور واتصل ب البوليس وحبس اخته وابنها وأمين

وعدى شهر ع كل حاجه وطارق فى دوامه ومفيش غيره هو وفتحيه فالڤيلا بس...

فتحيه كانت ع اتصال بدلال وقالت لطارق عاوزاك يا ابنى فى موضوع

طارق. وكان مكسور قولى؟ يا داده

فتحيه. فى خبر وكانت خايفه وقالت دلال....

طارق. مالها

فتحيه. دلال حامل

طارق. بجد بجد حامل هى فين.

طارق. مكدبش خبر وطيران ع بيت دلال لاقى خالها عوض ودلال بتكنس مسك ايدها وقالها تعالى يا غاليه

دلال. فرحت وراحت مع طارق الڤيلا..

وعدت شهور وخلفت بنت وطارق سماها نور وكان فرحان اوى وقال لادلال هربيها احسن تربيه وفجأه البوليس ملى المكان وطارق قال فى ايه

رد ظابط منهم وقال انت متهم بقتل صاحبك حسام وعمد مع سبق الاصرار وهنا طارق قال مفيش غير دلال اللى تعرف

دلال. قالت هو ده القاتل ودى التسجيلات كلها بينى وبين القتيل وانا شاهده ع قتله وكل حاجه متسجله

طارق. يا بنت الكلب يا شمال وفضل يخنق فيها وهى تكح والظابط سلك ما بينهم وخدوا طارق و

ودلال طردت فتحيه وجابت خالها عوض فالڤيلا واول ما دخل قالها انا قولتلوا انك شيطان مصدقش وقالت هههههههه ابن الكلب فاكر نفسه هيضحك ع اكبر ريكلام دلال

 وعوض قال والبت دى هتعملى فيها ايه هتقولى انها مش بنته لالا دى هتنفعنا خلاص انا ورثت كل حاجه والفلوس، دوس يا معلم ههههههههههههههههه ههههههههههههه

تمت بحمد الله 😍

ياريت تخلوا بالكم، من أولادكم وبناتكم مفيش حاجه اسمها اللى يسافر ويسيب ولاده الأرزاق بتاعه ربنا الاب عمود البيت من غيره عمدان البيت تقع ربوا ولادكم لانهم زرعه وهما الحصاد لازم يكون حصاد نافع

ومش اى حد نثق فيه لا لا خالص خليك واثق فى نفسك بس

لان فى ناس مش اهل للثقه دى اوعوا تخدعكم المظاهر وتأمنوا لأى حد حتى ولو ضعيف لان فى اوقات بيقوى ويكبر ع حسابك انت

عمر الفلوس ما كانت كل حاجه

خدوا بالكم ولازم تعرفوا مين الظالم والمظلوم والآخر كده انصبوا محكمه لنفسكم مش اى حد نأمن له ويدخل حياتنا ونقول ده طيب وده غلبان لا فى حدود وشكرا استنوا القصه الجديده


تعليقات